Diese Seite mit anderen teilen ...

Informationen zum Thema:
Forum:
Fanseite GC-Forum
Beiträge im Thema:
4
Erster Beitrag:
vor 13 Jahren, 5 Monaten
Letzter Beitrag:
vor 13 Jahren, 5 Monaten
Beteiligte Autoren:
fabrice 4-ever, -GCZ-, BLUEZüri BROTHERS, fca-fan

gc transfers saison 04/05

Startbeitrag von fca-fan am 22.05.2004 07:46

sali zäme, i verfolge gspannt d transferziit....

und i han gläse das gc am keller interessiert esch...i chan nur sääge wenn ehr dä nehmed send ehr echt selber schuld!
1. unkonstant wie kei andere
2.han ghört daser wärend eme spel en eigeti kabine well, sprich, er esch en egoist und ned en teamspeler...bi aarau hetter siini kabine gha und wems do ned z blöd werd met so eim...

naja und de seoane hett am afang no recht guet gsepllt, hett aber denn au abgeh...i han gmeint er wölled weder nach basel emmerhend s nr.2 sii, aber mett settigne chönned ehr das grad vergesse und ehr gend allne en 3-johresvertrag....und was macheder wenner en schlechte start hend?de entlönd ehr de geiger und denn hockeder no 2.5johr uf so geiger speler...münd die au entloh und zahled weder vell abfendig...kei wunder hend ehr fascht kei kohle meh....und de chihab...hett de bi züri scho mol konstant guet gspellt?
und eui super goalis gheied ehr use nor weller en 36-jährige wend wo ime johr jo eeh hört...also i weis jo ned...und de muff wo so verletzigsafällig esch...de ghört jo basel und ehr tuuschet de petric met dene...wo i miine auge emmer zemmli guet gschpelt hett, also wie gseit i ben aarau fan und mech interessierts ned wörkli was ehr do mached, aber so verstärkige werded ehr ned besser sii nöchscht saison, das esch miini prognose.....i glaube sogar, daser euch a vereine wie thun, aarau, schaffhuuse, xamax etc. werder zäh werde usbiisse...

und jetzt nemmts mech natüürli wunder wie ned echte gc fan das so gseht...
gruess us aarau und cu nächscht saison...

Antworten:

So du Aarau- Fan,
i mein du häsch scho recht, die Transfer sin voll ds Scheiss aber wa willsch mache wenn d Klubfüehrig das so macht. Dass dr Mladen zu Basel wenn go loh und defür dr Muff hole isch für mich völlig unverständlich. I mein dr Muff hole ok, aber dr Petric go loh und denn na zu Basel ... kei wunder, dass die Meister würen wenns vo üs alli guete Spieler überchömen.

Usserdem sött sich d GC- Füehrig mol überlege wieso mir das Johr nid um dr Titel mitgspielt hän. Will d Verteidigung (und au ds Defensiv- Verhalte vum ganze Team) eifach nid meisterlich isch. Mir hätten super Verteidiger (Ziegler, Lichtsteiner) wo na jung und usbaufähig wären, aber denn häts halt au so Spieler wo eifach nid das zeigen wo's chönnten. Drum sötten unbedingt na paar neui Verteidiger cho, aber nei ds Management holt wieder Offensiv- Lüt.

Frogsch di halt scho, wass gwüssi Lüt überlegen, dr Geiger isch jo scho en guete Trainer, aber er isch eifach kei Hopper und verstoht d Philosophie vu GC nid, anschinend ander au nid. Sus würen Lüt wie dr Stiel - wo zwar guet, aber z alt isch - gar nid zur Diskussion stoh. GC isch scho immer wie kei andere Klub in dr Schwiz für Nachwuchsarbeit und Talentförderig gstande. Und wenn nächst Johr scho kei internationali Ufgabe warten, chönnt me die junge Spieler ruhig e Saison spiele loh. Will die sin zwar jung, aber trotzdem talentiert, hungrig und kämpfen ... also das wo d Hopper bruchen.
Aber das isch nur mini Meinig.

Abschlüssend na e Bemerkig zu dinere Prognose, dass sich GC würd schwer tue mit Verein wie Aarau, Thun oder Schaffhuse .... ;-) Träume isch erlaubt, d Saison mit schlechte Zite isch verbi, die nächste Johr würd GC wieder dr Platz ine wo ihne zuestoht... nämli ganz obe.

von BLUEZüri BROTHERS - am 22.05.2004 11:37
genau...
Was macht da unsere Sportleitung wiedereinmal für einen Mist!
Gamboa und der Mihai dürfen sie sicher auch nicht einfach gehen lassen und dann solche Verpflichtungen wie Chihab...na ja
Und dann sollen sie endlich mal aufhören von diesem stiel zu träumen. Wir haben einen Supertorwart und der heisst Fabrice Borer! Wenn es die Vorderleute nicht bringen kann er ja auch nichts dafür für die vielen Gegentore.
Ich hasse den stiel einfach. Er hat mir eine zu arrogante Art!

von -GCZ- - am 22.05.2004 14:36
borer soll bei gc bleiben !!! und petric auch (hoffentlich)

von fabrice 4-ever - am 23.05.2004 07:29
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.