Home > Themen 100001 - 200000 > Themen 124001 - 126000 > Themen 124841 - 124880 > Aberglaube...

Aberglaube...

Startbeitrag von Fantiam 20.10.2004 07:44

Ych bi im "Clinch". Aigetlig sett me jo uff Schalke "Flagge zaige", d.h. in rootblau goo. Allerdings: syt ych us Edinburgh zrugg bi ha ych an de Mätsch mi "McFanti-Scotlandschöört" mit dr Nummere 14 aakaa plus Kappe und Schaal vo de Hearts - und mir hänn immer gwunne (GC, Grosny, Xamax, Servette)!

Anderersyts het my Scotty-FCB-Liibli mit dr Nummere 26 in Europa (fascht) numme Unglyyg brocht (verloore in Glasgow, Valencia und La Coruna, weenigschtens Unentschiide in Liverpool).

Ych waiss, wär so eppis als ainzigs Brobleem het in sym Lääbe deerf sich glygglig schätze, aber es goot mer wien ere Frau: was sell ych verglemmi moorn aazieh...?!? ;-)

Antworten:

ganz klar: s scotty shirt!
argumentation: rotblau isch eifach schöner :p nei, seich.
hauptargumänt für mi wär das was du "weenigschtens Unentschiide in Liverpool" nennsch. will, wenn s wieder zum wenigschtens unentschiede uf schalke kunnt, denn könnti das ungefähr die glichi wirkig ha wie das unentschiede vor 2 joor.
usserdäm: stell dir vor du wirsch als hearts-spion nid in d arena gloh oder so ähnlig ;-)

von wurmi - am 20.10.2004 07:56

Das Problem kenn i doch...... !?! Wobi jede 'Run' irgendwenn emol broche worde isch. Bi mir gits kei Glücks- oder Unglücksshirt me ;). D'Froog bi mir stellt sich meh in rotblau, wyss oder schwarz.... (wobi i no kai aktuells Shirt ha; rotblau isch halt s'grufty-Shirt, wyss ischs s'alte Uuswärts 4 oder 15, und schwarz isch em Zubi si alts Goolieshirt :D:D)

Also do dr Scotty jetzt sowieso d'11 und nümme s'26 het, würd i das Liibli dehai lo ;)

von grufty - am 20.10.2004 08:02

Wenn du dr Scotty montiersch und mir verliere bini muff ;)

von Tuborg - am 20.10.2004 08:14

Ganz klar: McFanti!

Mach jo kai Saich. Bi dr momentane Mannschaft verdraits kaini Experimänt! (Lyyblirotation) :D

von Mätzli - am 20.10.2004 08:42

Gäll, fir uff Heerenveen - 3:2 Sieg FCB! - hänn mer u.a. Glenmorangie im Bus kaa? Ych ha drum no e halbvolli Literfläsche dehai und näämti die in däm Fall moorn mit...

von Fanti - am 20.10.2004 09:04

NEGATIV!

Um Himmelswille! Fordere 's Schiggsal nid so uuse. :D

Ych ha e Bowmore drbygha und Du e Bunnahabain.

Y wird wider e Bowmore mitnäh! :D

von Mätzli - am 20.10.2004 09:28

Bunnahabhain ha ych im Momänt kaine dehai. Derfir 15-jährige Laphroaig - aber settige hänn mer sälbertsmool im Zuug vo Edingurgh nach Glasgow gsiirpflet und dernoo verloore...

Glen Garioch (Highland Tradition) hätt ych no aazbiete.

von Fanti - am 20.10.2004 09:45

tja da muesch di entscheide :D i kenne das problem o aber nid im fuessbau. da leg i immer s'neuschte dress a woni ha. das nimmi morn gloub o mit. :D

von sermeter - am 20.10.2004 10:53

Bi Glen Garioch ergitt sich bi mir folgendi Assoziationsketti:

Glen Garioch - Aberdeenshire - Gordon Highlanders - Bydand! - win!!!!

MITNÄH!!!!!!!!!!!!!!

von Mätzli - am 20.10.2004 11:53

...yer order's my command - slainte mhath!! :cheers:

von Fanti - am 20.10.2004 12:08

Kauf dir ein neues Shirt in Rotblau und zieh dies an ... ;)

von Mahatma - am 20.10.2004 13:31

das spiel verlieren wir eh!
ich bleibe zuhause und schaue das spiel am gleichen ort wie ich newcastle auswärts gesehen habe.

also, null chance!!!!! :rolleyes:

von Faninho - am 20.10.2004 13:35

aber süsch schlifts :eek:

von sermeter - am 20.10.2004 13:39

->>Weiter mit dem kompletten Thema (14 Beiträge) unter Aberglaube...

Diese Seite auf Ihrer Homepage verlinken: Verwenden Sie dazu einfach folgenden Code:
<a href="http://www.mysnip.de/forum-archiv/thema-5423-1022616/Aberglaube___.html">Aberglaube...</a>

Meistgelesen:

Aberglaube...

Startbeitrag von Fantiam 20.10.2004 07:44