Adventure-Menu

Am Sunntig gytt's e spoote Lunch,
also iss nidd zvyyl bim Brunch,
Adventure-Menu nennt me das,
wo näbscht em ässe au macht Spass.

D'Joggeli Rôtisserie,
ladet zu däm schlemm're-n-yy,
z'erscht mol muesch dye lo jaage,
bevor sy kemme denn in Maage.

Protein gytt's, elf Portione,
wo elai scho s kemme loohne.
Naturgetrey wird's Moohl serviert,
uff sattem Gryen es uns verfiehrt.

Uns'ri Chef de Service Crew,
das sin dye in Red and Blue,
hetze dye Inseggte umme,
s duet im Tämpel nur no brumme.

Ych ha voragmäldet scho,
das ych nur denn dääti koh,
e ganzi Hauptspyys mag y nooni,
am halbi fimfi, goppellooni,
wenn's fyr mi gytt Cabanas,
flambyert mit Schnaps und Ananas.


E Guete!