Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
4
Erster Beitrag:
vor 11 Jahren, 7 Monaten
Letzter Beitrag:
vor 11 Jahren, 7 Monaten
Beteiligte Autoren:
Latteknaller, moulegou, Old-Avatar, atzge

Wat nu?

Startbeitrag von atzge am 07.06.2006 22:56






Gross isch's Gschrey no all däm Puff,
vyyli sin berächtigt Muff,
waas soll me no all's versueche,
gspalte isch dr ganzi Kueche,
wo sich in dr Kurve trifft,
und au hitt no nidd begryfft,
wie's sowytt hett kenne ko,
das me sich so losst lo go.
Denn nidd nur vo beese Kärli,
das isch doch e Ammemärli,
wird dye Kurve amme bsuecht,
dye wo jetzt so wird verfluecht.
Nai au alt und jungi Kutte,
dien dye lyyslig und dye lutte,
Lyeder, Fangsäng intoniere,
wo de Gägner imponiere.
Und nidd jede mit Kapuzepulli,
isch e Dailzytt-Quote Hooli,
will per Style zu deene gheere,
wo dyen dr Vernumft abschweere.
Nidd das 's wäre Hool's deert gsi,
wo hänn ussgleest d' Hyschterie,
scho elai deert fanggt's doch aa,
das me allem Aschyyn aa,
immer no deert unterschaidet,
welli Szene sich wye klaidet,
und nidd cheggt, trotz Szenekenner,
sorry das sin Ober-Penner,
das nidd "Klaider machen Leute",
sondern wär gheert a denn weller Meute.
Au das Basel, das United,
Sorge uns doch bitz beraittet,
Steward's deerte ummesteehn,
nur deert ihri Zytt z'Tod schleen,
nidd parat, scho gar nidd gschuelt,
fyr wenn deert ain durespuelt.
S'isch nidd aifach das all's z leese,
denn im Vordail sin dye beese,
wenn de willsch drgeege halte,
muesch halt au mol d'Kurve spalte,
denn au dye ka nidd nur ford're,
um denn wieder z iberbord're.
Gspröch sin jetzte wirgglig gfroggt,
am ne Tisch wo numme hoggt,
wär äu hett im Tämpel z'saage,
und Entschaid au mitka traage,
alli and're sette schwyyge,
fertig jetzte mit Intrige.

Antworten:

wie immer............einfach göttlich gut


DANKE



von Old-Avatar - am 08.06.2006 07:43
sorry atzge, guete reim
doch für mi viel z'optimistisch
dr kärn dervo blibt mir geheim
dr vorstand gsehn ich z'kritisch
macht bim verband lieb kind
weiht fähnlihaft im mediewind
gebärdet sich scho ganz devot
die fiehrig isch mim club si tod
sag du mir, was willsch no schwätze
wenn di fiehrig di verkauft het
mit ihrer haltig, däre lätze
nach usse seit, si wet
sich vo dir dischtanziere
verspricht di dusse z'bhalte
um d'chance nit z'verliere
e grosses fescht abzhalte
bim dritte mol däheime
mit ihrne bessere fans
für die wo nit in einem
sektor sin mit schwänz
wo kei vernunft me kenne
wenn d'gfühl am koche sin
wenn si spieler noche renne
denn sitze mir au drin
me wiist uns in die glichi ecke
denn söll das eso si
denn könne s'mir am arsche lecke
uff die rolle stell mi i
so fühl mi ganz verbunde
nit mit däne wo s sött si
nei mit däne wo hän gfunde
d'idee vo widerstand schloht i



von moulegou - am 08.06.2006 16:59
würde poesie und reim
ersticke gwalt und puff im keim,
denn wär dangg dir und dinne värs
das ganze problem glöst. das wärs !

;)



von Latteknaller - am 09.06.2006 14:48
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.