Startbeitrag von Latteknalleram 21.10.2006 11:32
letscht joor isch me wäsendlig schlächter gstartet mitere heimnyyderlag. trotzdäm het me sich könne qualifiziere, knapp zwar, aber me het 6 pünggt gholt, und das längt in dr regel.
trotzdäm glaub y, dass es dasmol nid längt. letscht johr gege strasbourg het me s schlächteste spyyl bis zu däm zytpunggt aaneglegt. jetzt gege rotterdam quasi s beschte. trotzdäm längts nid für 3 pünggt. d holländer sin jetzt wirklig nid stargg gsy. nach em 1:0 het me richtig könne gseh, wie dr fcb schyss becho het. me het sich zrugg zoge, jo kai gool becho statt s absolut mögliche 2:0 z suche. es isch kai sälbstvrtraue do und das wird au so schnäll nid ufftauche.
fascht wichtiger wär national im cup wyder emol könne überwintere, und luege, dass me in dr meisterschaft wyder dr aaschluss schafft. und im winter muess 1 oder 2 spyyler gholt wärde, wo eim wyterbringe. spyyler mit ecke und kante, denn wenn de e truppe vo josager hesch, muesch dy nid wundere, wenn keine uf em fäld dr leader isch.
leider hany absolut nid d hoffnig, dass unter oeri/gross d personalpolitik no änderet. sy dulde kai wyderspruch, und dorum wird dr fcb e "bravi" mannschaft blyybe. z brav für erfolg!
2 Ussebacks, e Stürmer wome ka bruche (und nid bald 2 Johr Verletzig an Verletzig reiht), e Spielmacher, e 6er wo e bitz e Dräggsau isch und e vernünftige Inneverteidiger, damit die Herre Nakata und Majstorovic nid no komplett wägpenne...
Achjä, falls dr #7 ändlig ins Usland verkauft wird, bruchts none 2.Stürmer. Mit Fallobscht wie Sterjovski, Cristiano und Co. kömme mer nid über NLB-Niveau use.
von Tuborg - am 21.10.2006 12:08