Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
8
Erster Beitrag:
vor 15 Jahren, 11 Monaten
Letzter Beitrag:
vor 15 Jahren, 11 Monaten
Beteiligte Autoren:
Kevin, Kopfschüttler, Betty Bossi, grufty, Faninho, atzge, wurmi, Latteknaller

Scho bald. (off topic)

Startbeitrag von Latteknaller am 15.02.2002 10:52

Liebe Lyt, glyy isch's sowyt:
glyy foht sy aa, die gfreyti Zyt.
Mit Pfyffe, Ruesse, Schäse, Waage
öb d'musiziersch, öb d'vor duesch trabe,
öb "d'numme" stohsch am Strosserand
Räppli im Krage, s'Kind an dr Hand.

Die drey scheenste Dääg vom Johr, si kemme.
es isch kai Traum, muesch Dy nid klemme.
Am Mändig isch scho Morgestraich,
die Zyt vrgoht, s'isch biirewaich:
Eins, zwei, drey, im Sauseschritt
rast die Zyt, mir rase mit.

Ganz Basel macht sich jetzt uff d'Socke
am beschte wär, s'blybt kalt und trocke.
Drey dääg im Fieber, glyy goht's los:
Mändig am vieri uff dr Stross
schreyt denn dr Tambourmajor barsch:
FaBa null zwei, vorwärts marsch.


in däm sinn
dr Latteknaller

Antworten:

"standingovationierend" :spos:



von atzge - am 15.02.2002 10:53
*applaudier* wow!
.
.
.
.
.
.
.
.
.
*undDenMundWiederZuklapp*

von wurmi - am 15.02.2002 10:56
ond ich mags üch allne jo esoooooo gönne :cheers:


ganz dick latteknaller :spos:



von Faninho - am 15.02.2002 10:59
*vorneidgrünwerdendundsichauchsoeintalentwünschend*

I freu mi für alli wo sich freue an de drey scheenschte Dääg vom Joor (au wenn's nyt mini drey scheenschte sin). Gniessets!

von grufty - am 15.02.2002 11:16
Au Du bisch e ächte Gwünn für das Forum ( wie eigentlich alli do inne)! Schöner ka d'Vorfreud uff die drey scheenschte dääg wie mit somene Värs gar nit sy :spos:
MESSI

Kevin

von Kevin - am 15.02.2002 11:23
*hiehnerhutbikummundfaschtnümmschaffemagabernovvylmuess*

:cheers:

von Kopfschüttler - am 15.02.2002 11:37
Dangerscheen, e Bombe !

von Betty Bossi - am 15.02.2002 11:39
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.