Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
16
Erster Beitrag:
vor 15 Jahren, 9 Monaten
Letzter Beitrag:
vor 15 Jahren, 9 Monaten
Beteiligte Autoren:
plopp., Don Daniel, grufty, Mätzli, Schmidlin Roland, wurmi, Faninho, Jessy, Kopfschüttler, Betty Bossi, ... und 4 weitere

Wie seht's jetzt mit dere Hüüserschmüggerei uss?

Startbeitrag von atzge am 17.04.2002 12:32



Vor nonig allzulanger Zytt isch doch do inne mol s Thema uffgriffe worde,dass me soll d Hüüser schmügge,egal wo me si Domizil hett und zwor in de Farbe vo unserem ain und alles-rotblau!

Gescht hanni s erschte Azaiche fyr e Bekenntniss gseh,wenn me vom Dänggmol in Richtig Aescheplatz lauft uff dr rächte Sitte hett aine e FCB-Fahne uff em Balkon,fyr alli wo duurelaufe oder fahre guet sichtbar uuseghänggt!Desweiteren isch e glains blaurots Fähnlimeer iber em Koscht-Sport installiert.

War's das?Oder hänn Ihr sälber scho was uuseghänggt oder montiert wo Eyri Verbundehait demonschtriert?Oder gseh wo epper sowas gmacht hett.Das wurd mi intressiere!

Antworten:

Y hängg myni zwai fahne denn uuse, wenn mer definitiv Maischter sinn. Sovyyl Aberglaube muess syy. Y glaub eso dängge vyyli; dorum han-y au no nyt wohrgnoh.



von Mätzli - am 17.04.2002 12:35
bi immer no am verhandle vomene fahnemascht inkl. fahne fir uff d'dachterasse! isch aber saumässig mit köschte verbunde, darum no s'verhandle. ansunnschte muess halt e kleineres möbel ane.
aber au y wart bis es definitiv isch!

von Locke - am 17.04.2002 12:43
Und die BVB spritzt ihre Schüttelbecher um. Der Rhein fliesst rotblau. Das Rathaus wird eingehüllt vom Meister der "Einhüller" natürlich.

von Betty Bossi - am 17.04.2002 12:45
Also unsere Nochber hinde usse, hett imme sini FCB hänge über dr Garage. Ich weiss halt nid wo ichs könnt mache, dass es au alli gsehn. Do ich no dahai wohn und mini Muetter das wohrschins nid so gärn hätti. (Sie isch halt kai so aagfrässene Fuessballfan, sie luegt ab und zue e Match im TV und mi Vater isch alles andere als e Fan vo "Masseveranschtaltige")



von Goofy - am 17.04.2002 12:46
Ich ha min Schääl in d'Fänschter ghängt...e Fahne kunnt an d'Fassade wenn mr Maischter sinn! Und hehe...am Juni wohne mr im e Knallroote-Hysli...do muess ich nur no die aint Sytte amoole.....

von Rhyfurz - am 17.04.2002 12:59
i ha d'fcb fahne an's fänster kläbbt, s'goht uf'd stross use...

ich find me seht überall an de fänster fcb fahne oder trickot..

s'macht richtig spass, weme mim chare (auto, für die uswärtige zueschauer) dure fahrt und dänggt "kenni ächtsch dä?"

von Don Daniel - am 17.04.2002 13:02
Ych würd mi Terrasse schmügge (wenn's denn so wyt isch/wär). Dört gsehns sie, wo mit em Auto vo X..... nych Y.... fahre sicher rächt guet! :D

von Kopfschüttler - am 17.04.2002 13:02
Also ich hane Fahne an d'Balkonwand gnaglet. Die blibt au dört bis mer in weissnidwievieljoor emol umziehnd :cheers:

von Jessy - am 17.04.2002 13:02
ich habe meine fahne an den kleinen balkon strassenseits gehängt, in Z Ü R I C H !

eigentlich wollte ich das ding ja auch erst raushängen, wenn es wirklich definitiv geschafft ist. aber nach dem sieg gegen gc musste ich es einfach tun. harrharr.



von plopp. - am 17.04.2002 13:19
also he! als gebürtiger solothurner und "papierlibärner" werde ich das wort "charre" wohl noch verstehen. ;-)



von plopp. - am 17.04.2002 13:21
das hoff i doch, i ha mr's eifach nit chönne verkneife :D :D :D

von Don Daniel - am 17.04.2002 13:22
Ha grad nach em Uufruef e chlini Fahne bsorgt für d'Terrase. Die het denn aber e so miggrig uusgseh, dass sie uf Terrasse hinteuuse verbannt worde isch, und vorne weiht jetzt e grosse FCB-Fahne. I muess jedesmol grinse wenn i hai chum und i das Teil scho vo witem flattere gseh!



von grufty - am 17.04.2002 13:37
Mit myne Nochbere bin-y sowit einig. E Maschte vo 6 Meter wird vomene Mittbewohner und FCB-Fän ginschtig beschafft. Dr Fahne, 1.20 uff 1.20 han-y hitte bym Tschudin bschtellt. Bis am 27. April isch den hoffentlig "alles" palletti!
Wo: Gellertstroos immer Richtig SJP.

von Schmidlin Roland - am 17.04.2002 14:19
also do bi mir in dr nöchi hänge au scho diversi fcb fahne an de fänschter und balkön. was mir uffallt isch, dass villi fahne wo suscht amigs nur an heimspieldääg gseh hesch, jetzt ganzwüchig dusse hängge.

ich sälber hätt zwar öpper wo mir so e teil naihe dät (die us em fanshop sin eifach nid schön gnueg für mi roschtigs balkongländer ;-)), aber bis jetzt weder ziit no gäld zum stoff kaufe gha. solang muess halt mi tischört dr balkon ver-rot-blaue.

von wurmi - am 17.04.2002 14:32
im weit entfernten zofingen sind auch schon dekorationen in rotblau zu sehen, beim einen haus vorne und hinten eine kleine fahne...
beim anderen haus, ein block eine mega fcb fahne die von der kreuzung aus gut sichtbar ist und alle passanten zum verweilen einläd!!!

im übrigen bin ich immerzu blau :drink: und habe des öftern rote augen :cool:

:D:D:D



von Faninho - am 17.04.2002 15:48
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.