Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
31
Erster Beitrag:
vor 12 Jahren, 6 Monaten
Letzter Beitrag:
vor 12 Jahren, 6 Monaten
Beteiligte Autoren:
michel, Don Daniel, Latteknaller, Rincewind, highlander, Betty Bossi, grufty, Kaviarlady, Kopfschüttler, Tschum, ... und 3 weitere

Daumendrücken

Startbeitrag von michel am 21.05.2002 10:25

Hallo zämme,

Ich möchte - nachdäm das au scho anderi gmacht hänn - no rasch Euri Hilf in Aaspruch nää. Ich ha hüte vom halbi drei bis am drei mini letschti Prüefig vo mim Liz. Unternähmensstürrächt isch s'Thema und der michel isch weiss gott nit eso witt, wiener gärn wäri. Drumm hilft numme eins: Kollektivs Duumedrugge während dere halbe Stund!

Wär würklich sehr froh um das, ich sch... mer jetzt scho fasch ind'Hose :( :(

Beste Dank und wenn öpper umme isch, denn gits morn vorem SUI-ITA-Spiel au no es paar Bierli an der Tanggi vo mir...

Grüessli
eure uff euri Unterstützig hoffende michel
Antworten:
Wir drücken! Mach's gut.

von Tschum - am 21.05.2002 10:28
Vyyl Glygg!!

Ha ybrigens vorhär in dr Bivoba wellen e Ticket hoole fir moorn - Bedoonig uff welle, s git nyt me, "sold out"! Jänu, pflanz mi halt vor e Kaschte...



von Fanti - am 21.05.2002 10:38
Ich sitze dann im Bernoullianum im Gesellschaftsrecht, werde aber einen Daumen zum drücken frei haben. :)
Viel Erfolg!

von Rincewind - am 21.05.2002 10:38


Go 4 it!



von atzge - am 21.05.2002 10:46
I DRUGG ALLES.....

von highlander - am 21.05.2002 10:50
:spos: wird druggt! :-)

von Kopfschüttler - am 21.05.2002 11:04
Beste dangg, i bi au mit Dir, und schloof mer nit ii, wenn der Habö wieder an d'Wand uffe luegt ;)

von michel - am 21.05.2002 11:09
Beste dangg, ich mach mi jetzt uff der Wääg heime zum mini Schale montiere (isch zwar schweineheiss, aber die Profässore stöhn uff so Sache :( ) und denn goots scho glii loos...

CU
michel

von michel - am 21.05.2002 11:10
schale ? y ha gmeint by so priefige gohts drum, dass me öppis weiss??!! :confused: oder studiersch öppe dressman ?

dä scheiss mit "kleider machen leute" wird y nie begriffe !

uff all fäll wünsch dr vyyl glügg und dass es paggsch. öb jetz wägem vollwix oder dym wüsse ysch jo denn egal. :spos:



von Latteknaller - am 21.05.2002 11:11
Mini moralischi Untertützig hesch. Und wennde denn dr Aawalt gmacht hesch, darfsch mi drfiir emolle z'Ziri usem Knascht uuseboxe :D

von Dylan - am 21.05.2002 11:23
dr bi isches grad bi unserem arbetgäber eso, das de mit schale nit unbedingt öpper bisch, aber ohni schale sicher nie öpper wirsch...
i beriff's system, aber ha au müeh zums akzeptiere...

anunste drugg i im michel natürlig au dr dume und wünsch viel glück



von Don Daniel - am 21.05.2002 11:27
Merci. Läider hän mr hüt nümm dr Habö. Hüt darf s erscht mol dr Schnyder bi uns vorne schtoh. Verby isch's mit dr Gmietligkäit. :(

von Rincewind - am 21.05.2002 11:27
ok gwüssi konzessione hany au scho gmacht (keini bedruckte t-shirts, keini jeans mit löcher :D). aber ych besitz noch wie vor kai krawatte und kai hällblaus hemli. den wird y halt nie öpper.. so what? ;-)



von Latteknaller - am 21.05.2002 11:43
i ha mi nach über 5 johr hartnäckigem halswürger verweigere lo überzüge, dass es nur vo vorteil isch...gnützt hets nit viel aber doch au e bitzeli...

aber wirsch mi usserhalb nur ufem heiwäg mit somene ding um dr hals aträffe... mr chöne mol e chli philosophiere bimene :cheers:

aber i wills grad sage, i ha e paar illusione verlore...



von Don Daniel - am 21.05.2002 11:47
I stoh of Anzug und Kravvatte!
Aber ebe be halt nur e Frau und mehr sind halt e klei wenig anderst!

von Kaviarlady - am 21.05.2002 13:24
"e klei wenig" *lol* :joke:



von Don Daniel - am 21.05.2002 14:03
Huii, ha dä Iirtrag erscht jetzt gseh, aber dr Duume hätti dir sowieso nyt druggt ;), wi wenn ich das mach, chunnts nie guet uuse. Drum hän mini Duume 'druggverbot'! :D



von grufty - am 21.05.2002 14:05
Zum Glück sin der andersch ;) Wär jo voll übel, wenn der gliich wäred, wie mir Männer...

von michel - am 21.05.2002 14:18

Merci!!!!!

Merci villmoll!!!!!!! Es ist vollbracht :) :) :cheers: :cheers: :drink:

Nach sage und schreib 5ehalb Johr isch der michel fertig mit sim Studium (i hoffs uff jede Fall...). Die letschti Prüefig isch ganz guet gange, hann nit grad briliert, aber das hanni au nit unbedingt welle. Hauptsach mit eme vernünftige Gfühl uuselaufe und jetzt deftig eine :cheers:

Wie gseit, ich nimm emol aa, dass morn es paar vo Euch Poete bi der Tanggi sinn, ich wird öppe am 7i miteme deftige Vorrot Bier dörte sii und hoff, dass i das ganzi nit elei mues suffe :drink:

Bis denn wünschi allne e gueti Zit und die wo hütt Zoobe nit wüsse was mache: Ich spiel hütt zoobe e chli Kouma und hogg mich e chli mit eme Bierli ind Steine :drink: Wär au Bock het zum verbii zluege, chamer e Funk gää uff 076/576 05 92 (Aber bitte kei Natelterror :angry: )

Grüessl und bis denn
en glückliche michel

:drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool: :drink: :cheers: :cool:

von michel - am 21.05.2002 14:23
No e Nochtraag zum Thema Schale und so:

Ich finds grundsätzlich nüt wahnsinnig tolls, find aber, dass es au ganz schöni Aazüüg git wo nit übel ussehn. Leider sinn die Dinger, v.a. wenns eso heiss isch wie jetzt, nit wahnsinnig bequäm.

Ich sag numme: jedem das seine und Kleider machen nicht Leute ;)

von michel - am 21.05.2002 14:27

Re: Merci!!!!!

hey michel, gratulier :cheers:

muess e gails gfühl sy, wenn öppis, wome so lang druff ahnegschafft het, ändlig vollbrocht isch.

und wen de kouma willsch spiele: vrgiss d'badeschläppli und dr porsche nid. vyyl spass bim feschte !



von Latteknaller - am 21.05.2002 14:31

Re: Merci!!!!!

hmmm, Badschläppli hanni scho, aber der Porsche mues no paar Jöhrli warte :) :) Grüessli und bis denn

michel

von michel - am 21.05.2002 14:43

Re: Merci!!!!!

Gratulation !

Nun beginnt aber der Ernst des Lebens :-)

von Betty Bossi - am 21.05.2002 14:45
DU MICHEL I HÄTTE DU E MOL E JURISTISCHE FROOG.........

von highlander - am 21.05.2002 14:51
highlander, wilsch nit no warte bis är s'resultat vo dr priefig veröffentlicht?? :D

michel (von der lüneburger heide?): härzligi gratulation, das de fertig bisch mit de priefige. und nimm dr dä iitrag vo dr betty bossi z'härze!



von Don Daniel - am 21.05.2002 15:11
Hilfe, der Schnyder... Hoff, Du hesch keine hogge gha, nach sinnere Alk-Fahne ;)

von michel - am 22.05.2002 10:26

@highlander, Don Daniel und Betty-Bossy:

Hey zämme:

Highlander: Frog numme, ich gib der eifach kei Garantie für e Super-Korräkti Antwort. Im Momänt hanni Zit und mis Hirni isch no in Schwung (wenns nit grad benäblet isch :cheers: ). Mail mer eifach ;)

Don Daniel und Betty Bossy: Don't worry, ich weiss, dass es jetzt denn wird andersch abgoo als bis jetzt, aber zerscht git s emol 2 Mönet ummehängge, Ferie mache, resp. gar nütt mache und denn fömer denn a schaffe...

von michel - am 22.05.2002 10:30

Re: @highlander, Don Daniel und Betty-Bossy:

also no zwei monat witer im alte stil... ;)



von Don Daniel - am 22.05.2002 11:50

Re: @highlander, Don Daniel und Betty-Bossy:

Nei, vill schlimmer :cheers:

von michel - am 22.05.2002 13:05

@michel

Z'erscht mol wott au y Dir zum (hoffentlig; isch jo nonid ganz sicher, oder?) bestandene Liz gratuliere! (Bi wäm hesch geschtert d Priefig kah?)
Vo Alk ha-n y nid vyl mitbekoh. Aber är isch mir vom erschte Augeblick aa äifach unsympatisch gsi. Wäiss au nid genau wieso. Zuedäm ha-n geschtert au ussegfunde, dass Aktierächt mi nid bsunders interessiert. Aber schade tuet's glaub nid, wenn me's kah :-)

Y hätt au no e juristischi Frog. Y kumm bi äinere Schtell im Praxis Kommentar vo dr Schwenzer nid ganz druss (Verzicht uff Austrittsläischtig bim Vorsorgeussglych; ZGB 123). Hesch do e bitz Aahnig?

von Rincewind - am 22.05.2002 14:15
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.