Startbeitrag von Kopfschüttleram 30.08.2002 21:49
Do hoggsch emolle e baar Stund nidd am PC, will vyyl Arbet hesch und nochhär dr Schatz im Spital bsuechsch, denn kunsch haim und willsch go luege, öb sich bim Frossard "öbbis duet", haisst dört scho, s'Agebot isch im Momänt drabgnoh worde, dermit si die ygangene Amäldigge überhaupt emolle könne bearbeite :eek:
Es haisst zwar, am Mäntigg gäb's nomoll öbbis, aber bi mim Glügg goht denn sicher au no irgendebbis schief, waiss dr Deufel was. Oder si stelle am Weekend öbbis yne, wo-n-ych sowieso wäg bi...!
Aigentligg hann-ych mi scho uff Liverpool gfreut und Ferie ygäh, aber irgendwie hann-ych s'Gfühl, dass das nidd klappe wird. Schysst mi ehrligg gsait schön aa!
*grummel*.... naja... drotzdämm allne e schöns Weekend!
E fruschtrierte Kopfschüttler
Ich könnt jo luege, kasch mer jo maile, öbs so okay wäri, denn wurd ich dini Bschtellig mache, damit du sicher e Plätzli hesch. S gseht aber uss, ass wurde sie wieder mit allne Mittel versueche no me Flugi z akkreiere (oder wie haisst das Wort wieder?). Wie dr Frossard uff em Guestbook vo fcbontour.ch gschriebe hett, dass möglichscht viel Fans nach Liverpool könne go.
von Goofy - am 30.08.2002 22:29
Re: Easy, boys'n girls
von Spitzkick - am 31.08.2002 08:34
Re: Easy, boys'n girls
Es wird sicher no Flueg gä, denn Frossard schient sich wieder emol kräftig ins Züg z lege, dass möglichscht viel könne go.
von Goofy - am 31.08.2002 09:15