Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
4
Erster Beitrag:
vor 15 Jahren, 5 Monaten
Letzter Beitrag:
vor 15 Jahren, 5 Monaten
Beteiligte Autoren:
lugru, Lemieux, grufty, Kopfschüttler

Ych glaub, ych wird alt...

Startbeitrag von Kopfschüttler am 21.01.2003 08:58

...uff jede Fall verstand ych's nidd so richtig, wieso me wäg dämm Transfer dermasse Gümp (@mayz:Gümp = Luftsprünge ;-)) macht.

1. Gsehn die weengischte von uns hinder d'Kulisse. Me ka drumm schwer saage, wurumm (und villicht für wär) e Spiiler jetzt verpflichtet worden isch.
2. Sött doch aigentligg wirgligg egal si, vo wellem Gegner e Spiiler kunnt. Dass me dr aind oder ander bislang villicht e bitzeli weniger sympathisch gfunde hett, will är bim "Erzfeind" gspiilt hett, isch legitim, ka aber kai Grund si, dämm den dr Wäggsel z'verüble
3. Dass villicht e bsunders beliebte Spiiler si Platz verliere duett, find-ych au schaad, isch aber im Sport halt aifach e so. Dr hüttiggi FCB hett d'Uffgoob, erfolgrrych z'si und die Verantwortligge mienn drumm e Mannschaft so zämmestelle, wie sie's Gfühl hänn, dass am maischte erraicht wärde ka. Sympathiepünggt git's in dene Gefilde kaini me, was mer spöötischtens syt dr Gschicht mit-em Massimo wohl alli gmerggt hänn.
4. Wenn dr Smiljanic (oder en andere x-beliebigge neue Spiiler) für dr FCB Toplaischtigge bringt, kämpft und im Interview sait "d'Basler-Fäns sinn abartigg gaili Sieche, s'bescht vo Europa z'biete hett" denn finden-en alli e tolle Siech. Ych ka mi no guet an gwüssi Ussaage in Sache Wäggang/Rückkehr Zubi erinnere...

Ych ka mi aifach nidd in die Diskussion ynestaigere. Abwarte und Tee dringge, denn mir hänn schlussändligg sowieso kai Yyfluss uff das ganze, oder?

Antworten:

:spos:



von grufty - am 21.01.2003 09:07
Starkes Posting, Kopfschüttler. Ich verstand au nit, worum me sich nit drab freut, dass me WÄGE DE FANS (!!!!!!) em Erzfind het chönne dr wichtigsti Teil vo der Abwehr abwärbe!!! Mergd denn niemer, dass das s'gröschti Komplimänt isch, wo mir als Fans chönne bechoo?



von Lemieux - am 21.01.2003 09:28
das gseh i eigentlich au e so wie ihr.
wenn hets das sletscht mol gäh, dass dr captain vom tabellefiehrer zum zweit platzierte wechslet. das isch e sensationelle transfer, zumindescht in mine auge.

von lugru - am 21.01.2003 14:43
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.