Startbeitrag von Thiasam 31.08.2003 11:58
Ich glaubs ned, wie primitiv ihr sie chönd! Wie ihr eu gester benoh hend, ishc under aller sau gsie! ich het am liebste de SG Schal füre gnoh und d site gwächsled. Zu sötigne primitvlinge, chan ich ned stoh! Es het es paar gueti fans under eu z.B. de blond, wo gester uf dem gländer gstande isch und mich gfroged het, öb ich de roberto seg... aber tschuldigung, sind ihr no richtigi fans, wenn ihr is stadion gönd, mit em ziel alles usenander z neh und möglichst dumm z tue, so dass d SG Fans eu no meh hassed? Ihr schadet allne nume, ihr schadet eusne spiller, ihr schadet em gägner und ihr schadet eu selber, wenn ihr nachher e begägnig mit em pfäffer spray hend! SG het gester verdient gunne. De penalti isch berechtigt gsie, das wüssed alli, wo Sport glueged hend! also tüend wider mal normal und werdet wider mal ehrevolli fans. Das bringt vill meh!!!
Gruss
FCW_BVB
von FCW_BVB - am 31.08.2003 12:13
so aktione wiä stadion usänand neh und so sachä wiä rauch petarde ghöräd däzue vorallem zumene derby, es mue öpis laufe, es isch muetig findi vo dene wos abloh händ und nöd verwütscht worde sind oder au shco für diä wos inäbrocht händ, da isch derbystimmig i üsem sektor gsi, und diä bulle dörf mer nöd ernst neh, dä nef hät sicher ä schöni bierduschti gha, aber s'geilst isch eh gsi ufem bahnhof st.fide mit em rauch und petarde und denn au im bummler zum hb isch no cool gsi im vorderste wage mit dä wilerfans und dä stimmig
von FC WIL - am 31.08.2003 12:31
In der ersten Hälfte war noch alles in Ordnung, aber in der 2.Hälfe ging es nur noch darum, Scheiss zu machen! Und die Mannschaft wurde gar nicht mehr unterstützt, Derby hin Derby her, Ziel sollte es in erster Linie sein, die Mannschaft lautstark zu Unterstützten!
von Syrus - am 31.08.2003 12:47
von Zuschauer - am 31.08.2003 12:50
also lüt was ihr bote händ am samstig isch voll dänäbet gsi. und dän sinder au no stolz druf. ich weiss es betrifft ned alli wiler fans, aber die wos betrifft sölled jetz mol zuelose.
1. luege mir sport oder machemer chli suff und siff party am match?
2. wönd mir üsi jungs unterstütze oder eifach nur chli umeflueche?
3. wömer üs mit üsne jungs freue und au enttüscht si oder wömer eifach nur s stadion schlisse und demoliere?
überlegäd eu das mol chli.
d mannschaft wird au vo dä umstellige wäg däm russezügs beeiflusst, und s letscht wos chönd bruche isch das ihr so saudumm tüend.
wän mir echti fans sind, dän unterstütze mir üsi jungs und mached ine nöd no problem. üse ruef isch scho gnueg am bode wäg all däm stress i dä letschtä ziet, dän müend ihr nöd no primitiver werdä...
ich bin stolz wil-fan zsi aber nöd dases näbet mir soviel "fans" het wo sich besiffed und besuffäd und dän au no so saudummszüg uselönd und s stadion usenand nähmed.
überlegäd eu mol chli so sache, suss müender eu nöd wundere wäns z wil immer weniger fans hät
von Silvergirl1 - am 31.08.2003 17:44
aber dich nur druf ufmerkasm mache, das dä Haag in Stadion scho vor äm Wil Match kaput gsi isch.
von Syrus - am 31.08.2003 17:51
Radio Aktuell/Ausschreitungen am Bahnhof
unterste Nachricht
und
[ipp-radak.radioaktuell.ch]
oberste Nachricht
von Syrus - am 31.08.2003 19:18
au diä fahnä wos umä het "fc güllä nati b" oder so.... das bringt am fc wil überhaupt nünt, sondern das bruchäd er eifach zum eues ego z'befridigä, oder weiss doch au nöd was. i finds eifach nur lachhaft!!!!!
von Bambalino - am 01.09.2003 06:56
von Syrus - am 01.09.2003 14:26
@!#$ the FCSG :xcool: :xcool::xcool::xcool: :hot: :xcool::xcool::xcool::xcool:
von gangstarr - am 01.09.2003 15:55
i finds eifach achli primitiv wenn sottegi fahnä z.b. am match fc wil: xamax oder so ufghänkt werded, will do gseht mä, dass eim gar nöd nur um dä fc wil goht sondern au um dä fcsg und das findi eifach scheisse. dass mä binärä direktbegegnis sottegi sachä ufhenkt lüchtet mer i und findi au in ornig, aber süsch bringäd diä überhaupt nünt, im gegeteil!!! me sött di eigä mannschaft understütze und sich gar nöd um anderi mannschaftä kümmere.
von Bambalino - am 01.09.2003 16:02
wa hez do für scheiss chinder i dem forum... i glaub d black bears sind ultras oder???---->b fans -----> pyro (da isch da wo raucht oder hell lüchtet ;-) ) und beschädigunge. schomol e ultra gruppierig gseh wo sich noch em sfv mafia möchtegern stadionreglement richtet?? ich nöd... falls eu da nöd passt gönd doch i en andere sektor.
gruess us basel
von Pölti - am 02.09.2003 16:19