Diese Seite mit anderen teilen ...

Informationen zum Thema:
Forum:
Letzte Semis
Beiträge im Thema:
5
Erster Beitrag:
vor 12 Jahren, 4 Monaten
Letzter Beitrag:
vor 12 Jahren, 3 Monaten
Beteiligte Autoren:
barbara gressbach, Rahel, barbara, Bettina, carola

bald gohts los

Startbeitrag von carola am 31.07.2005 15:17

Hey

Wie gohts wie stohts au so??
Ich bin jetzt gad am vorbereite:)))...weiss aber ehrlich gseit gar nöd, was ich alles no so sötti mache. worschindli merki da vonelei.
wünsch eu no ganz schöni ferie- egal wos eu hi verschlot ( ich bin plötzlich in venedig glandet- uh schön det und au mega strand )....
alles gueti und liebi grüessli & i hoff mer ghört im forum bald wieder chli meh.
adiö carola

Antworten:

Hallihallo!

Ich han bis jetzt eifach nur d feerie gnosse... Aber han mer fescht vorgnoh, ab morn mit vorbereite azfange. Allerdings hani denn gmerkt,dasses de 1.august isch und ich drum nöd wott schaffe... Und am ziischtig muesi denn ja uusschlafe nachem feschte, also chani denn au nüme go vorbereite... Vilicht schaffis ja denn am mittwoch!:) Wie de luca das scho treffend formuliert hät: mini arbetsmoral isch no di gliich wie im semi!:) Aber was sells, ich han ja no gnueg ziit bis zum schuelaafang: no ganzi 3 wuche! Hehe...! :D
Allne andere, wo scho vorher ad säck müend, wünschi vill vergnüege und en guete start!!
Bettina

von Bettina - am 31.07.2005 16:44
salut mitenand,

i han grad eui bemitleidend situation i eue brichtli glaese und eu allne viel energie und motivation fuers vorbereite und denn fuer dae schuelafang woele wuensche. i bin im moment grad z kuala terengganu inere stadt a dae ostkueste vo malaysie und versuech mi vo dae wanzeatteke wo mer i uesene better uf dae perhentien islands gha hend z erhole.
i denk ab und zue a eu und schicke eu viel heisse sunnigi gruess mit echli meeresluft.d barbara

von barbara - am 07.08.2005 13:10

Hoi Barbara!

Holà Barbara!
Wie gahts au? Schön ghörtmer vo dir, dass nöd verscholle bisch und dass dir guet gaht! :) Es nimmt mi u Wunder wies det so isch. Wo bisch scho überall gsi in Malaisia? (oder wie schribtmer das?). Wänn gönder wiiter? Sinder immer chli underwägs oder bliibet ihr au mol am gliche Ort für längeri Ziit? Wie ischs Ässe det? Händer vill Kontakt mit Iheimische? Sinds offeni Lüüt?
Wänn mol Ziit und Luscht häsch chasch ja chli brichte, ich wett dich aber i dine Ferie zu nüt verpflichte!
Da häts scho zweimal rächt wiit abegschneit und das im Auguscht! Mer chönt scho bald go langläufle! ;)
Ich wünsch dir alles Gueti i däne ferne Länder. Gnüss dini Usziit vom Schwizertrott und tank di voll mit schöne Bilder, Augeblick und Begägnige.
Liebi Grüess vo dä Rahel

von Rahel - am 15.08.2005 19:44

hei rahel

salut rahel,

merci fuer dis mail. es freut mi, wenn du di fuer mini erlebnis do in asie interessiersch. es isch eifach unglaublich, was ich do so alles erleb. i chans am obig amig fascht selber noed glaube. schick mer uf barbara_gressbach@hotmail.com doch es churzes mail, damit ich dini mailadresse han (han si do im forum irgendwie noed gfunde), denn schick ich der mini reisebricht. i bi zwor noed so e flissigi schriiberi, doch bis jetzt hani scho ein bricht gschriibe und dae noechscht soett jetzt denn bald folge. i freu mi,zum min bricht luet z schicke, wo sich au fuer mini reis interessieret.

also bis bald d barbara

von barbara gressbach - am 01.09.2005 14:23
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.