Diese Seite mit anderen teilen ...

Informationen zum Thema:
Forum:
Letzte Semis
Beiträge im Thema:
13
Erster Beitrag:
vor 12 Jahren, 4 Monaten
Letzter Beitrag:
vor 12 Jahren, 3 Monaten
Beteiligte Autoren:
Rahel, MAT, Andrea, Carola, claudia, Gaby, fabienne, sarah, Bettina

Dä erscht Tag!

Startbeitrag von Rahel am 15.08.2005 19:33

Hallo ihr usgstorbne Semis!
Ich han hüt vill a eu dänkt: wer ächt wo wie was macht. Also ich bin rächt nervös gsi vor dem grosse Tag. Dasmal isch d'Nervosität aber nöd wäge irgendere Atrape-Prüefig ufcho, sondern wäg dä Realität vo üsem neue Läbe. Woni d'Chind gseh han ischsmer grad wieder besser gange. Jedoch hani scho die erscht "Schwarz-Wolke-Krise" gha. Han grad echli en Schock übercho vonere mega fräche Muetter wos Gfühl gha hät, ich müsi alles so mache, wie d'Vorgängerin. Im erschte Moment isch mer dä Satz im Hals stecke blibe. :mad: :confused: :hot: Nachher hanimi aber sofort a die Sätz erinneret wommer ja im Semi gnueg mal ghört han... dass mer so Sache nöd dörf persönlich neh. Eifacher gseit als gmacht! Es isch en schöne Tag gsi, aber au chli stressig.
Ich hoffe, dass ihr en guete Start gha händ.
Ich wünsche eu vil Geduld, Freud und es guets Glinge mit dä Chind. SIE sind ja immer no dä Mittelpunkt vo därä ganze Gschicht!
Ganz liebi Grüess vo dä Rahel

Antworten:

Guete Obig ihr LehrerInne!
Au i bi es bitzeli nervoes gsi waeg dem doch spezielle Tag! Drum bini etzt wuerkli froh, dass i die erst Huerde hinder mir han und d Chind jetzt cha ohni d Eltere gnuesse (obwohl alli Muettere und Vaettere usinnig lieb und fruendlich gsi sind!)
I bi richtig verschrocke wie chli die Erstgix doch no sind! Mini 18 Chind sind wuerkli zum Fresse herzig aber au streng!
Ha am erste Schueltag scho de erst Geburi muesse fiire! Mis huetig Geburichind dae Gian het mir naemli extra ide Feri en Brief gschriebe, dass er den imfall am erste Schueltag Geburi heg!
Gnuesset da no neui aber wuerkli schoeni Alltag!
en liebe Gruess Fabienne

von fabienne - am 15.08.2005 20:11
hoi mitenand

öbers glaubed oder nöd, au bi mir häts geschter en erschte tag geh ( und hüt de 2. :-) )
ide real!
2. real in bütschwil im jobsharing um ganz genau zi. s hät also au für mi no ganz spontan es jöbli ingschneit :-)

han denkt i gib die info au mol uf dem weg no dure.

wünsch alne no e gueti wuche.

lg sarah

von sarah - am 16.08.2005 12:47
Joujou... dä isch bi mir scvho vor 5 wuchä xii... inzwüschä hani 2 Wuchä bimänä mega kuulä sommerferiäprojekt mitgmacht (Sitzplatz herstellen), 2 wuchä uf änrä Schtazion (Chindä betroiä, ushaltä, beschäftigä oder au mol is Zimmer schickä oder aaschimpfä... ha au ainigi Flüäch über mi mösä ergo loh (allerdings nu vo usraschtändä Chind, nöd vo minä vorgsetztä...) Und sit gescht schaffi i dä Klinikschuäl-isch mega friedlich (bis ez...) Mini WG-Partnerinnä (2 Deutsche, Assistenzärztin und Betreuerin) Sind nöd immer luschtig... Nöd schpüälä bim WC, nöd abwäschä i dä Chuchi, Fenschter offäloh, dasäs inäpisst, geschweige denn, Gmeinschaftlichi Rüüm putzä... jojojo... ha halt nöd chönä wählä aber si gönd au scho bald wieder (hehehe)

Ales guäti wünschi allnä oui do ussä, MAT

von MAT - am 16.08.2005 17:54
Au ich han vor 3 täg agfange und fühl mi im grosse und ganze scho sehr wohl. nur bini bis jetzt no nie vor em 7ni heicho, da ich immer entweder teamsitzig, oder elteregspräch gha han. bis jetzt sind zum glück au no kei "schwarzi wolke" am himmel uftaucht :-)! defür hät bi mir en 4. klässler grad am 1. morge uf de schuelzimmerbode gspeuzt!!!! hät natürli scho's erste gröch und e straf geh... die andere s. sind bis jetzt ganz in ornig - und au de schüeler us de "spuckaffäre" git sich jetzt müeh.

ich han mi übrigens gfreut, dass üsers forum wieder chli lebändiger worde isch, und würd mi über wiiter erfahrigsbricht sehr freue.

liebs grüessli a alli

Gaby

von Gaby - am 17.08.2005 10:26
Soso isch da also, wemer richtig Schuäl git... i han ez us (han vorher aber doch no 40 min mit mim Chefe gredt) 1 1/2 h Mittag hani gha (wiä jedä Mittag). Ez gangi den bald mol no uf Wil... Dudle, bisch au döt? ... go poschtä - i gnüssäs, nümä dihai z wohnä, i nim a, ihr au? - obwohl mini aint WG Mitbewohnerin... ir wüssäd scho... Jou, genug der Klagen - nicht verzagen... froi mi au über di erfolgriichä wiederbeläbigsvasüäch vo üsäm Forum!! Lg MAT

von MAT - am 18.08.2005 13:48
Hallo lehrerinne und lehrer

Jetzt chani endli au uf de biitrag antworte! Hanen gschafft, de erscht tag mit mine erschklässler. ..und bin au selber gschafft! Isch uuu astrengend gsii! Am morge sind zwei chind e stund z früeh im zimmer gstande und h änd nüme chöne hei, wills so wiit eweg wohnet, denn händs sich selber halt müese im spiilegge beschäftige. Vo dene sind denn d eltere au nöd cho. Wo denn alli ume gsii sind, hani wele afange und gmerkt, dass ein bueb fehlt. Ide pause hani denn erfahre, dass d eltere aglüte heget, sie seget no im kosovo und chömet negscht wuche hei, wahrschinli!! Super. Geburi hani eu müese fiire hüt, und zwar gad zwei!
Eigentli isches no schön gsii, aber han scho e zwei seeeeehr uuffälligi chind! Und uuffälligi eltere!:) De eint het verzellt, dasser sini frau ide philippine kauft hät, bim andere hät s natel uf höchschter luutstärki gschället während de erschte stund..! Jaja, die liebe schwarze wolkene...

Am nomi hani denn di ander erscht klass gha, die sind au so astrengend. Isch scho schlimm, so erschtklässler chönd am afang eifach no NÜT! Nöd mol de stuehl mögets uf de tisch stelle bim uufstuehle... Die wuche wirdi jetzt eifach nur ade organisation schaffe und s verhalte iiüebe( vo uufstrecke kei spuur).. Mol luege, wie das chunt!

Müend ihr au so blöde sache narenne? Jedi mueter wott no öpis bestimmts wüsse, wo mer set nafröge oder in erfahrig bringe... Bin mer jetzt jedefalls es sandwich go poschte, wirde hüt no seeeeehr lang da sii...

Wünsch eu allne no vill spass mit eune schützling!
Liebi grüessli, frau rüsidüsli!:)

von Bettina - am 22.08.2005 13:59
Bettina, jetzt häsch es au gschafft! Ich cha mich scho zu dä erfahrne zelle. 1 Wuche Erfahrig isch nämli i däm Bissness scho viel... mini Chind chönd jetzt ämel scho rächt guet ufstrecke, sie redet au scho vo Millione, Trillione und zähhunderteinenünzgtuusig! Es sind so Goldschätz, mängisch chöntis frässe... sie hilfet denand wos nur chönd und lueget immer uf ihres Gspändli. Villicht wird sich das au no ändere, aber bis jetzt klappets würkli mega guet.
Und.. au nachere Wuche wänd immer no alles öpis vo dir wüsse, ich weiss amel nüme wohi mit all mine Zäteli und Notize und auch min Chopf isch gfüllt bis ufe!
Ich wünsche dir und natürlich allne andere au, ganz viel Spass und Freud mit eune Chind!

Lg Rahel

von Rahel - am 22.08.2005 19:44
Hey Lütlis

Jetzt isch scho meh als e wuche ume :). Also bi mir isch es uh friedlich, d'chind sind uh herzig und mir werdet scho e chlini familie (sind ja 8 chind). Ich werde aber au sehr gforderet mit all dene verschiedenste TherapeutInne wo die chind hend und ich mit enä mue bespreche und so. am afang isch mir's gar nöd so ufgfalle, aber woni in waldchindi mit bin, hani gmerkt, wie "durchschnittlichi" chind so wäred.
Han rechti spezialfäll- verhalte, motorik, sprach,.... alles chli speziell und keis isch irgendwie wie es anders. - aber es sind schlussendlich eifach chind wie ali andere mit grundbedürfnis und so.
wünsch eu ganz e gueti ziit und viel spass! liebi grüessli carola
Ps: ich hoffe, ihr chönds au gnüsse, ich han endli wieder wuchenend und am morge weissi wieso ich ufstah und am abig, wieso ich is bett gange... jupi:)

von Carola - am 23.08.2005 14:55
Hey bettina
chopf hoch! dini chönd sicher scho viel meh als mini :) eifach immer a da denke!
aber sie gend sich müeh- mir hend voll schöne im schuelzi. grüessli und viel geduld. carola

von Carola - am 23.08.2005 14:56
Guete Abig all ihr Lehrerinne

Isch ja spannend, zum all die Iiträg läse - bi jetzt doch scho es ziitli nüme da drin gsi:) warum wohl mueni ja fascht nöd säge.

Schö, dass all no läbed nach em erschte schueltag und dass sich die "schwarze Wolkene" au no i Grenze halted. Ha au scho Begägnige gha mit so Wolkene, mengmal wiis und fründlich, mengmal grüen und giftig. Aber die grüen isch eh en spezielfall und chämt grad en Termin bim Schuelleiter über und gar nöd bi mir - denn hani die scho mal los.

Suss hani 18 liebe Golschätz und Wirbelwind vode Lesen durch Schreiben - wucheplan und freiarbetaagfressene Basisstufe. Merkt mer halt eifach doch echli, dafür sinds uu ufgstellt, spontan und wüssed viel.

Sind ihr au so todmüed gsi am Abig, dass ihr chum no händ möge schwätze, geschweige denn suss irgendöpis mache? jetzt gahts denn langsam scho chli besser, mer gwöhnt sich ebe doch schnell a alles. Aber släbe so isch eifach tuusigmal cooler und intensiver und mer weiss am Abig, was mer gmacht hett...

Wer gaht an KUK-Tag i Wattwil?????

Bis viellicht scho bald e mal.

Viel Nerve und Freuid

Andrea

von Andrea - am 24.08.2005 15:45
Guete Abig all ihr Lehrerinne

Isch ja spannend, zum all die Iiträg läse - bi jetzt doch scho es ziitli nüme da drin gsi:) warum wohl mueni ja fascht nöd säge.

Schö, dass all no läbed nach em erschte schueltag und dass sich die "schwarze Wolkene" au no i Grenze halted. Ha au scho Begägnige gha mit so Wolkene, mengmal wiis und fründlich, mengmal grüen und giftig. Aber die grüen isch eh en spezielfall und chämt grad en Termin bim Schuelleiter über und gar nöd bi mir - denn hani die scho mal los.

Suss hani 18 liebe Golschätz und Wirbelwind vode Lesen durch Schreiben - wucheplan und freiarbetaagfressene Basisstufe. Merkt mer halt eifach doch echli, dafür sinds uu ufgstellt, spontan und wüssed viel.

Sind ihr au so todmüed gsi am Abig, dass ihr chum no händ möge schwätze, geschweige denn suss irgendöpis mache? jetzt gahts denn langsam scho chli besser, mer gwöhnt sich ebe doch schnell a alles. Aber släbe so isch eifach tuusigmal cooler und intensiver und mer weiss am Abig, was mer gmacht hett...

Wer gaht an KUK-Tag i Wattwil?????

Bis viellicht scho bald e mal.

Viel Nerve und Freuid

Andrea

von Andrea - am 24.08.2005 15:45
Hoi zäme
Jetzt hät scho di dritt Wuche agfange, aber i möcht gliech no mini news zu de erschte Ziit vo dem neue Lebesabschnitt brichte. I han au en sehr schöne Start gha. Bin gar nöd nervös gsi, isch jo klar, will ich jo nöd Klasselehrerin bin. Bis jetzt schaff ich aber immer mit de neue 1. Klässler i allne Fächer wo sie händ. I bin eigentlich ihri Hauptlehrerin und das isch en sehr schöne Ersatz. I han sehr viel Ziit für die vier Schüeler und chan würklich jede döt fördere won ers brucht. I han extremi Unterschied, zum Biespiel cha de eint scho flüssend läse und au scho fascht alles rechne vo de 1. Klass. Und denn han i natürli au eine wo sehr mühe hät die Gsichtli vom lose luege läse unterscheide. Es isch sehr spannend!

Ganz liebi Grüessli us em chline Buuredörfli mit öpe 20 Hüsli!
Claudia

von claudia - am 29.08.2005 10:59
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.