Diese Seite mit anderen teilen ...

Informationen zum Thema:
Forum:
Forum der ehemaligen Klassen MK6a 03/04
Beiträge im Thema:
2
Erster Beitrag:
vor 11 Jahren, 9 Monaten
Letzter Beitrag:
vor 11 Jahren, 9 Monaten
Beteiligte Autoren:
Silä, ReN

News vo Brasil

Startbeitrag von ReN am 29.12.2005 18:17

Hoi zämä! Scho mega lang nömmer gschriibä... weissi nöd emal wie ich chönnt afangä! Ich hoffe ihr händ ganz schöni wienachtä gha und wünschi eu no än guete rutsch, blablabla.... jedes jahr s gliichä! ;-)

Ich bin grad uf São Paulo gfahrä (guäti 12 stund) mit dä familie, isch mega cool bis jez! Schöns wätter, ganz warm! Han mini altä kollegä bsuächt, mir händ mega luschtigi ziit zämä gha!

Ich erkenn chum dä quartier woni gwohnt han! Alles neu umbaut! Ganz schöni hochhüüs händ sie deht gmacht....

Leider fangt d uni am 3. januar wieder a, nach 100 täg streik (isch halt so), und jez müänd mer alles nachholä! Aber wird luschtig! Das studium isch genau was ich han wellä machä, isch u geil! Studiere firmamanagement in dä Uni vo Brasília (hauptstadt).

Han äs paar föteli gmacht... Diä schicki eu bald!

Wänn ich bitzli meh ziit han, schriibi mal wiiteri bricht, isch guät? :-)

Also! Cya!

ReN

Antworten:

Sali Renaud,

merci für dini Meldig us Brasilie! Schön, dass es dir guet gaht döt äne und du de Summer am gnüsse bisch! Obwohl, wänn ich dich wär, würd ich dä schön Winter also scho chli vermisse...

Isch scho krass, wie die bi eu eifach chönd 100 Täg streike.. Strubi Gschicht! Wie du ja sicher weisch, isch dä gröschti Teil vom Ex-MK6a jetzt au am studiere. Das isch wahrschinli dä wichtigst Grund, weshalb d Aktivität da im Forum starch zruggange isch - mir händ eifach kei Ziit me für so Sache! ;-)

Also du, machs guet in Brasilia und wär weiss: Vilicht gseht mer sich wider mal eswo!

Cheers
Silvan

PS: Thanks nomal für dis überraschende Telefon am 24.12.!

von Silä - am 11.01.2006 21:26
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.