Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
12
Erster Beitrag:
vor 11 Jahren, 9 Monaten
Letzter Beitrag:
vor 11 Jahren, 9 Monaten
Beteiligte Autoren:
atzge, Fanti, Mätzli, Rotblau, Latteknaller, Mayor, tafkap

Schaidewääg

Startbeitrag von atzge am 13.01.2006 11:52



Dr FCB am Schaidewääg,
vor ihm turbulänti Dääg,
dye alti Mannschaft, dye gytt's nimme,
's duet am Rhygney mängs nimm stimme,
d'Euphorie vo vor drei Joohr,
grieggt au langsam graui Hoor,
frisches Bluet bruucht dr Verain,
nur vo GC bruucht's e kain,
neyi hunrigi Athlete,
wo nidd dängge nur an d'Knete,
im Verbund mit uns're Leader,
wär dye Mischig wohrschyns gschyder,
als do z fiehre so-ne Haim,
fyr Verletzti ohni Draim,
dye wo jetzt wänn 's Lääbe gniesse,
kennt me alli useschiesse,
denn in Basel spyyle haisst per se,
do fyr Basel alles z'geh,
Ärmel uffe, Stulpe-n-abe,
dr ganzi Match so duuretraabe,
denn Erfolg muesch dr erkämpfe,
dä kunnt nidd wenn d'duesch ummesämpfe,
anstatt rund um's Stadion baue,
wurde gscheyter all dye Schlaue,
mol das Team do bitz saniere,
denn dye dien jo als verliere,
Beton in dr Defens mische,
anstatt 's Stadiongsicht uffrische,
renoviered lyeber mol dr Sturm,
anstatt z' baue so-ne Turm,
dä vo Yverdon wurd gfalle,
macht bis jetzt e gueti Falle,
isch au Leader bi de Schütze,
däm sy Fraid kennt uns doch nütze,
drugged jetzt Visitekarte,
dass e Neye nimm ka warte,
all dye CL Fälder z'fylle,
anstatt Axpomässig z'chille.

Common Basel, let's go!


PS:
Und me sett sich nidd geniere,
's alte LAUB jetzt z'komposchtiere,
denn s'isch wärtloos liggt nur umme,
styyhlt de neye Tryyb nur d'Sunne.

Antworten:

Atzge, y kumm ussem Stuune nüm druss usse. Drey Värs innerhalb vo kaine 24 Stunde sinn z viel..;-)

Thanx my friend!



von Mayor - am 13.01.2006 13:13
erschtklassige värs, in form und inhalt (au die andere zwei)! ganz grosses kino :spos:



von tafkap - am 13.01.2006 14:50

es war einmal...

y mag my no erinnere, wony emene gwüsse atzge (mir damals perseenlig nid bekannt) ghörig uf e schwanz drampt by, mit mine bemerkige über syni gedichtli (värsmars, an de hoor herbyyzogeni reim)

lang, lang ischs här. us däm internetdisput isch schliesslich e bekanntschaft worde, wony sehr schätz. und sini värsli sin näbem fanti und em mätzli sine die absolute überflieger (es sell im fusifo aber e talentierte nochwuchskinschtler gäh ;) )

adsge, y fyyl mi e biz wie dr obi wan kenobi. du als luke skywalker hesch my - värslimässig - alte jedi längscht überflüüglet. die macht des reimes ist stark in dir! greschte reschpäggt!



von Latteknaller - am 13.01.2006 14:57
Prima! Respäggt!

E glaini Amerggig gestatt ych mir noh. Myneserachtens haissts "Rhygney"



von Mätzli - am 13.01.2006 15:00



Thanxx mätzli, ha's scho verbesseret.:spos:



von atzge - am 13.01.2006 15:33
Me glaubt's fascht nit doch es isch wohr
Dr atzge dichtet jetz vyyl besser und luschtiger als am Aafang vo de Poete vor was waiss ych wievyyl Joor
Das Värsmass do isch derfir bigott
Numme Schrott! ;-)



von Fanti - am 13.01.2006 15:37

Re: es war einmal...




Welch Lob aus berufenem Munde! D'Taschdadduur lauft jo grad rot(blau) aa.....

Was i meecht bedoone isch, das i an Eych alte Värslimaischter gwaggse bi, ihr händ mr zaiggt wie's funzzt. Kasch dr also sälber uff d'Schultere klopfe, alte Jedi!


Wäge däm Talänt im Fusifo: Glaub dasch kai Talänt, dasch e absolutte Könner(hett glaub mol erwähnt das er als dr Zeedel fyr si Clique, oder Waageclique oder Gugge schrybbt). Das merggt me au wenn me sini Värs liest, find i.

Last but not least, ka dr dä Maie nur zruggschiebe, Knaller, di kennelerne z derfe, hett mr sehr vyyl brocht, denn dini Ussglichehaitt, dini Fairness und Objeggtivideet fehle mir als bitz und i schiess iber's Zyyl uss. Aber dr Obi- Wan Kenobi isch schliesslig ainzigartig(und dr Luke ka no e Mängi vo-nem abluege).



von atzge - am 13.01.2006 15:44
:D

Und denne no dr evergreen-Raim "Johr" und "wohr". Do stellts mer allewyyl d'Zeecheneegel uff.



von Mätzli - am 13.01.2006 15:57



Das kennt aine vo de-n-erschte vo mir sy........:D



von atzge - am 13.01.2006 15:58
Zitat

Und denne no dr evergreen-Raim "Johr" und "wohr".

Vo dääne het's hitte im Baslerstab uff dr "Menschlige Syte" grad zwai nääbenand - grauehaft! spinsch:



von Fanti - am 13.01.2006 16:09
nur vo GC bruucht's e kain,

JAWOHL!!!!!!!!!



von Rotblau - am 13.01.2006 16:16
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.