Churzbricht vo mim Wucheend-Trip nach London

Startbeitrag von Chrättli am 16.01.2006 07:57

Scho vor Wuche hed mr ä kolleg gseit, i sell dr Fritig nomittag frei neh.. was mr mache, wos angoht.. kei ahnig.. alles isch ä überraschig gsi hiblicklich mim geburtsdag vom kommende mittwuch..

do die interessantischä "erlebnis" vo dem trip:

- nebe eusem gate wo mr ufs istigä gwartet hei, hed sich grad dr FCB-Tross breitgschlagä.. dFrisurä hei gsitzt (Dägä und wie si alli heissä) und alli si entsprechend me odr weniger glangwillt umeghockt! gang mol drfo us, dass dr FCB nid easychat gflogä isch.. odr isch es so wie me seit.. "bi de richä lehrt me gsparä" ?!? schlieslich si bi dene gates nur easychat maschine gstandä.. seis drum..



- Samschtig Mittag.. bits meh als zwei stund bis zum Kickoff vom Premierleague-Spiel FULHAM-NEWCASTLE... mir hei eus vo dr Innästad us ärä familie agschlossä wo die beide kids Newcastleshirts agha hei.. uf dr guet 20-30 minütigä fahrt hei mr is unterhalte über dr Schwizer und englischi fuessball! drbi hei mr erfahrä das mr amene gschichtsträchtigä spiel chönntä drbi si, wenn dr Alan Shearer ä goal macht.!denn si mr usgstigä und dr fuessmarsch ins stadion hed agfangä.. die beide kids hei trotz chüehle temperaturä, dJackänä abzogä drmit me au ihri Shirts entsprechend wor gno hed! nach zwanzig minutä fuessmarsch si mr bim stadion acho! Rasch tickets kauft (umgrechnete ca. 80 Frankä.. hösch die priisä.. guet dr platz isch eigentlich recht guet gsi) no bar föteli gschossä mit fans, personal etc. und ab isch es ins stadion gangä.. ine isch alles extrem "old school" gsi.. und total im britischä style.. aber genau das hed sFlair usgmacht! über dLutsprächer isch nur iheimischi musig cho, Bier heds geh.. nur meh heds nid uf dRäng chöne neh..! witeri föteli gmacht vom innerum, vom feld, de Tribüne und diversä fans und scho isch es richtig spiel gangä.. dAtmosphäre isch scho speziell gsi au wenns praktisch kei koordiinertä gsäng geh hed vo Fulham-Fansitä us.. alles zimli unkoordiniert gsi..! einzig dr Newcastle ahang hed so was wie einheitlichs singä und supportä anebrocht.. aber die si au gli wieder ruehig wordä.. den seltä ha i ä sone schwachi leischtig gesh vonere profifuessballmannschaft wie die vo Newcastle.. das isch grottschäschlceht gsi.. do au Fulham zimli limitiert gsi isch, heds kei beruschends aber ä intensivs (so wirds in 95% vo de Spiel sicher immer si in England) mätchli geh! schlussendlich hed fulham 1:0 gunnä durs goal vom Steed Malbranque, em starspieler vo dem Londoner vorortclub.. er isch erscht nach 60 minutä inecho well er no agschlagä gsi isch.. ! nachem match si mr, wie chönnts au andrsch si, ins pub witerzogä... erscht denn hei mr mitbecho das mr lieber arsenal wärä go luegä.. aber ebe tickets heds wahrschinlich eh keini me geh..

-Am sunntig, nachdem mr alles bits agluegt hei, si mr churz und knapp no richtig arsenal Highbury gfahrä mit dr ubahn do das ganze recht nöch bi euser unterkunft gsi isch.. nur dumm das mr bi dr station "highbury" usgstigä si.. 20 minutä laufä si den wieder ufem programm gstandä.. churz alles us nögschter nöchi agluegt, bilder gschossä und scho wieder witergfahre do mr an flughafä hei müessä.. dismol si mr den bi dr Ubahnstation "Arsenal" igstigä wo grad nebem stadion gsi isch..


und so si mr den an flughafä gescht obe und wieder ab hei in dSchwiz.. es isch schön gsi.. guet zwüsse das me so kollege hed wo wüsse eim soo extrem züberrasche! es isch dr Hammer gsi!

Antworten:

Re: Wigan

..Dein Reisebericht lässt mich umsomehr auf mein England-Weekend in 4 Wochen freuen. Wigan-Liverpool ist angesagt, und das Erforschender Pubs von Greater Manchester inkl. Liverpool wieder mal...

von Spitzkick - am 16.01.2006 08:25

Nochtrag zum Spiel Fulham-Newcastle

1. Wer bi eus reklamiert das es eng isch zum sitzä, sell dört mol ä match go luege.. do sitzisch fasch ufenand obe.. zuedem si uf dere tribüni wo mir ghockt si, dSitz total veraltet.. ganz jämmerlich..

2. nebem ersatzbänkli vom Fulham-Team steu zwei hometrainer.. und tatsächlich.. dSpieler wärme sich uf dene gfährt i fürs spiel.. ha gmeint i seh nid recht...

von Chrättli - am 16.01.2006 13:36

Re: Wigan

wo lit wigan genau?!

wird sicher guet! hät au lieber ä bits prominänters team gseh in fulham.. aber ebe.. evt. heds den gar keini tickets me gha..

von Chrättli - am 16.01.2006 13:38
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.