Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
29
Erster Beitrag:
vor 11 Jahren, 7 Monaten
Letzter Beitrag:
vor 11 Jahren, 7 Monaten
Beteiligte Autoren:
atzge, Betty Bossi

OT: E hampfle Bängg

Startbeitrag von atzge am 09.03.2006 07:18




DIE BAZ BEGLEITETE DEN KULT-BÄNGGLER AUF SEINER ABSCHIEDSTOURNEE - UND ERLEBTE HAAFEBEGGI-MANIA PUR



Im Element. Dr Schorsch vom Haafebeggi II im Atlantis. Fotos Pino Covino

d Hooseglunggi

Dr neij Cambus am mym Rhy
Dä wird baut vo dr Chemie
S alte Haafenareal muess deert ewäg
Jetz kunnt e ganz e nei Problem
Die ander Syte wär bequem
Me wuurdi alles zyygle fir dä neij Zwägg.
Statt e Haafe - Hiiser baue
Das saag ych Eych im verdraue
Denn verliert - und do verreggi
Au dr Schorsch sy Haafebeggi

Stroossewischer

Jä d Saskia Frei isch schambbar muff uff iiren Alte,
will dää sy Näbegschäft im Buff het welle bhalte.
Es haig jo schliesslig doch au Guets ghaa, het er gfunde,
die Stimme wo sy griegt het, sin vo syne Kunde!

Zahnstocher

Jä d Stimmezahl liggt für d Frau Frei, mer mien ys wundere,
im e Beryych - mer maine: ehnder im en undere.
Doch s haige vyyl - mir hänn do Wählerforschig driibe -
an Basler Freisinn dänggt... und Armuetslischte gschriibe.

Stächpalme

Wär stoot dört äne, wäreliwär
Dört änen am Bärgli stoot voll dr Bär
I schiess e Foti, dä luegt rueig zue
Dehäi rief d Frau: Otti, dä Bär isch e Chue
Dr Augearzt mäint unumwunde
Die Chue het dir e Bär ufbunde.

Die Haiggle

E Braitbild-Färnsee hänn miir poschtet
Dr Breitscht, dää wo am maischte koschtet,
Dehaim mergge miir, dä Kauf isch fir d Katz
Denn dää Tisch vo dr Daagesschau het immer noo kai Platz.

Schuuflebuur

Ych ha welle e Karikatuur vom Blocher bringe,
aber bim Blocher kasch guet ooni Helge singe,
dä isch, saag ych - dr Schuuflebuur
scho in Natuur e Karikatuur!

Buurereegle:
Soo vermyyde mer - s koschtet erscht no nyt -
dr näggscht Karikatuure-Strytt.

Gelleretli

Dr Ospel ziets uff Wollerau, äär flüchtet soo in Oschte,
he joo wil z Baasel sy Vermeegen e Saugäld wurdi koschte.
Mit Glotz und Kiis verdufte - das isch joo nit verbotte,
vo uns uss hätt äär au no graad d Striggede mitnää sotte.

Eine letzte Audienz beim Haafebeggi-Schorsch

Michael rockenbach

Nach 55 Jahren macht Schorsch mit der Fasnacht Schluss. Kein Grund zur Panik. Kleine und grosse Bänggler-Stars wird es auch nach ihm noch geben.

Schorsch, der Superstar. Er kommt in den Saal - das Volk applaudiert. Er besteigt die Bühne - Jubel brandet auf. Dann sagt er: «I bi dr Schorsch vom Haafebeggi II», und die Gäste im Restaurant Aeschenplatz können sich vor Lachen kaum mehr halten. Dabei steht das Beste erst bevor: Schorsch singt auch noch Bängg.

Bevor ich d Schruube mach due ich no «Schpinnsch hösch» lalle
Wo mir dä Türgg z mittst uff dr Brugg duet aini knalle
Nur welli zue nem gsait ha … also das vermueti
Ich wünsch dr denn für d WM z Dütschland alles Gueti


Schorsch ist fadengerade, frei von hochgeistigem Ballast. Ein Kleinbasler Haudegen eben, der vom Publikum geliebt wird. Im «Aeschenplatz» wird er fast noch überschwänglicher verabschiedet, als er empfangen worden ist.
Draussen wartet eine Equipe des Schweizer Fernsehens. Sie begleitet Schorsch zum nächsten Auftritt in der «Glogge», filmt ihn von hinten und vorne, oben und unten. Dieses Tamtam wird manchen zu viel. Einige Bänggler halten Schorsch für einen Selbstdarsteller. Das ist ihm egal. Er kokettiert mit der Haafebeggi-Mania:

Dr alti Papscht isch wye ne Brueder gsi für mii
Und jetz dr Benediggt … dä sait mir wiider … Sii
Jä guet will är mi Fründschaft nümm isch das kai Drama
No wird halt jetz my neuje Fründ … dr Dalai Lama


Doch jetzt soll mit dem Rummel Schluss sein. Die Fasnacht 2006 ist Schorschs letzte. Kommt da nicht Wehmut auf? «Nein, ich habe das jetzt genug lange gemacht», sagt er. «Und wenn doch, dann mache ich es eben wie Martina Hingis.» Wirklich? In einer Waschmaschinen-Werbung kann man sich Schorsch mit seinem ewiggleichen Wollpullover schlecht vorstellen. Denkt er also an ein Comeback? «Nach dem ganzen Aufwand kann ich mir das nicht leisten», sagt er.

JEDER EIN STAR. Also: schauen wir mal, was die Konkurrenz macht. In der Brasserie Baselstab etwa. Hier singt ein Bangg am anderen und liefert Pointen am Laufmeter. So viel Lustigkeit ist anstrengend. Zu mehr als einem netten Lächeln und einem freundlichen Applaus sind die meisten Gäste bald nicht mehr fähig. Immerhin: Dank der Live-Schaltung von «Telebasel» hat hier jeder Bänggler Fernsehpräsenz, womit er ein paar Minuten Berühmtheit erlangt.

Weiter gehts ins Kleinbasel, ins «Schafeck». Das Lokal ist propevoll, die Luft so dick, dass man sie wahrscheinlich auch Jahre nach Einführung eines Rauchverbots noch schneiden könnte. Irgendwann quetscht sich ein wilder Bangg in das Lokal und singt:
«Mir seit de Yakin, kunsch verbi mit dr Larv -
mach i Dönner mit vil scharf».
Und weiter:
«Na, na, na, na, na, na, na, na, e e o FCB.»
Die ganze Beiz singt mit. Sie feiert sich und den Bänggler. Denn auch der ist ein Star.

Tam Tam holten sich den «Schnaabelbryys»
Sieger. Am Dienstag ging das von UBS-Chef Marcel Ospel initiierte Wettsingen unter den Schnitzelbängglern über die Bühne. 22 Formationen machten mit. Die besten wurden gestern mit dem «Schnaabelbryys» ausgezeichnet. In der Kategorie der bisherigen Preisträger räumte s spitzig Ryssblei ab. Es verwies die Verschiffte und d Striggede auf die Ränge. In der Hauptkategorie sangen Tam Tam obenaus, was ihnen den «Spitzschnaabelbryys» und 3000 Franken einbrachte. Dahinter folgten: Joggeli, Muulwirf, Schloofkappe Gardischt und Rambasse.

rock

Antworten:

d'Gwäggi






Wenn y numme wisst wo d Voogelgribbe wär,
d Voogelgribbe kunnt vo Aasie här.
Uns als Gwäägi duet me zwinge,
mir myesse d Fasnacht dinn verbringe.

tamiflu, jo tamiflu
d Roche verdient bitz Gäld derzue,
tamiflu, jo tamiflu.
Mir hoffe s nimmsch s au du.

D Voogelgribbe kunnt vom Oschte häär,
d Grossbasler dryfft das nit schwäär,
vor Fraid dien die scho d Händli ryybe,
dr Voogel Gryff muess dynne blyybe.

Tamiflu jo tamiflu
Dr wildi Maa frisst tamiflu
Tamiflu jo tamiflu
Mir hoffe s nimmsch s au du.

D Vogelgribbe ruggt scho neecher,
im Bundeshuus schleen d Härz scho heecher.
Dr Grund fir d Angscht, i mach e Wett,
will jeede dert e Vogel hett.

Tamiflu im Bundeshuus
Em Blocher schleen scho Fäädre uus
Tamiflu, jo tamiflu.
Mir hoffe s nimmsch s au du.

Alli Veegel gheere yyne
Das duet yyberdriibe schyyne
E mänge Maa het dryyber gfluecht,
wo sich e Drotoir-Amsle suecht.

Tamiflu jo tamiflu
Deent fascht glyych wie HaMaTschu
Tamiflu jo tamiflu
Mir hoffe s nimmsch s au du.

Als Bänggler muesch di bsunders schoone
Und Soorg gä uf di, s duet sich loone.
Mir myyde drum, es isch zwaar fyys
Us Gsundhaitsgrind dr Schnaabelbryys.

Tamiflu jo tamiflu
Oschbel gfäärlig läbsch au du.
Tamiflu jo tamiflu
Mir hofee s nimmschs au du.


Was isch denn das, dien mir eych frooge
Und die Froog, die wird eych blooge.
Es isch ganz grien und zimmlig lang und koscht vyl Gäld,
s duet nit nur faare, nai au fliege.
Jetzt muesch no schnäller syy wotschs griege,
de styggsch bim Barfi yy und machsch e Rais um d Wäld.
Rollbrätter diene als Startrambbe,
d swiss frayt sich hejodrno.
Sy het mit dääre Boogelambbe,
e ney Kurzstreggenetz bekoo.

Es het jetz ganz vyyl scheeni Blaui
und zem Dail au zimmlig Schlaui
und es dropft so oobe aabe mit dr Zytt.
Mängmool kunnts e bitzli schnäller,
zwische duure wird s vyyl häller.
Pletzlig schreyts us em Gebisch: es isch so wytt.
Hänn iir däm Väärs nit kenne folge?
Denn duet s ys Laid, es kunnt dervoo,
mir hänn bim schryybe vo däm Väärs
vom Hoffmaa LSD bekoo.



von atzge - am 09.03.2006 07:24

Die Aabrennte




Jä die Stadt isch ideal, es hett do alles wo me wott,
Verkehrsabindig, Schuele, Shopping, s kulturelle Aagebott.
Mir hänn das ganze gryndlig brieft und sage: "Jo mir maches au.
Sali Marcel und bis bald, mir ziehn uff Wollerau."

"Mit Balari", meint dr Kari "fahr i nümm" und bstellt e Tee.
Im Prinzip gilts glyychen au für alli Spiil bim FCB.
Die Grundsätz vo Enthaltsamkeit nutze nid vyyl me weiss es wohl,
Trotz Abstinänz hett doch dr Zubi ständig ein im Gool.


Wäg dr Voogelgrippe wärde z Basel d Spatze grangg und schwach,
Au uff em Märtplatz falle d Duube noodisnoo vom Roothuusdach.
Und no ne grössre Vogel hetts grad kürzlig dört vom Himmel gschneit:
S isch d Saskia Frei wo nach em Höheflug uf d Schnuure gheit.


Unsre Nochber isch e Fän vo dr Pamela Anderson
Drum hängt e Bild vo ihre oben-ohne dört uf sym Balkon.
Via Stadtbildkommission hett me ihn biesst jetzt, denn o Gruus,
Die bewillige schyynns nur no s'ächt Holz vor em Huus.


Wels Theater jetzt muess spaare glopft me aa bim Landkanton
Frei nach Goethe frogt me: "Sag, wie hast du's mit der Subvention?"
Dr Straumaa meint: "Mer hei kä Gäld, nur Personal, das hei mer gnue.
Mir schigge für nägscht Saison d Laiebüüni Roteflue."


Mit eme wysse Räuchli hett me aazeigt, dass e Paapscht isch gwäält in Rom
Mir vier machen is do Sorge wäg dr Fyynstaubemission.
Dr Benedikt hett reagiert und schyynts scho vyyl Fyynstaub yygspaart
Sit är mit em Papa-Mobil nümm me als achzig fahrt.


Als Privatbangg sinn mir vier leider sit lengerem banggrott,
Drum sinn mir ans WEF go frooge, ob uns öpper hälfe wott.
Und nachme fiechten Ooben an der Hotelbar ischs denn bassiert,
Dr Brad Pitt und Angelina hänn is adoptiert.


Scho sit langem wünscht dr Fritzli sich e Hündli, sone gleins,
Drum goot är gärn in Wald go laufe, well dört trifft me amme eins.
Uf eimol kunnt Frau G mit ihrem Terrier uff em Wäg drhär,
Und sithär wünscht dr Fritzli sich nur no e Teddybär.



von atzge - am 09.03.2006 07:25

Die Verschiffte




Mer sitze do und warte scho die lenggschti Zyt
Uff d WM in Dytschland - s isch nymme wyt
Dert aano goots bald - mit eme Maa
Und dä hänn mer gärn - är haisst Köbi K.

Nur ebbis isch schad: es isch laider so
Wenn är redet denn merksch: Är sich nid vo do:

GGo, go -
Go Köbi go, go
Go Köbi go, go
Go Köbi go, go
Go Köbi go, go
Diend sy schloo!

Bi all däne Manne vom Köbi K.
Hetts none andere - wichtige Maa
Fascht zwai Meter - es isch e Lange
Wo zwische de Pföschte d Balle sott fange.

Nur ebbis isch schad: es isch laider so:
Au wenn's nid so döönt: DÄ isch vo do:

Go, go -
Go Zubi go, go
Go Zubi go, go
Go Zubi go, go
Go Zubi go, go
Kain yyne loo.
(und d Auge off loo ?)


Wenn Aine Tannigi Hoose Hett


Wenn aine tannigi Hose hett und hagebuechigi Schue
Denn kann är sitze wien är will - denn hett är syni Rue.

Wenn aini tannigi Hose hett und Strümpf us Pergamänt
Denn isch das sicher d Schneidere vom Baudepartemänt.

Wenn aini tannigi Holztisch wott und hagebuechigi Stiehl.
Denn ka si mache wie si will - denn söll si doch uf Biel.

Wenn aine Stiel us Plastic hett - me ka si fascht nid schlysse
Denn kann är sitze wien är will - es git em kaini Sprisse.

Wenn ain no Schirm mit Swissair hett - die wunderscheenen Alte
Denn söll är sie im Wüetrich gää - dä duet die verwalte.

Dä Kampfhund mit em böse Muul - dä vo der Esther G.
Dä hänn mir ame Rednderpult uff em Albisgüetli gsee!




Auf der Reeperbahn Nachts um Halbeins -

Und im Klaibasel Glaibasel z Nacht am halb drei
Sesch der Maa vo der Saskia Frei
Wo als Verwaltigsroot
Langsam haime goot
Und scho gits in Basel e Gschrei!

In so Sache isch d FDP
Doch e Wirtschaftspartei - mues me gsee
Wär in der Wirtschaft aaschafft
Und sy Gäld zämme rafft -
Jä vo däne gits derte no mee!

Wär wird gwählt - das wisse si au
Isch doch glych - es sinn alli grau
Malamaa - oder Dysse
Si liege und bschisse
Und zem Gspass - jetzt dr Gass - wär isch das?




Blueberry Hill

Mir hänn si gärn
D Regierig in Bärn
Si gänn sich jo mieh
Nur besser wird's nie!

Was dert e so goot
Im Bundesroot
Wo kaine verstoot
Mir drei fünf gseen root.

Was dert e so goot im Bundesroot
Und me uff s Grootwohl uuseloot
Isch maischtens, muesch gee - nur en Idee
Wo jeede denn doch nid will - per se.

Me macht was me wott
Dr Couchepin spiilt Gott
D Micheline lächlet flott
Kain macht was är sott.

Jeede macht was är will - (bubabuduuba)
Und das isch nid vill - (bubadubaduba)
Und sunscht isch s still:
Uff em Blueberry-Hill!



Schön war die Zeit


(Backgrondvocals: Schön isch es gsii)

Wo der Muri hinde stoot
Und kai Gegner duureloot
S duet wohl, nomool, Steilpass - und Gool!
Alles - alles isch verbii.

S mien alli emol goo
Dasch au bim Muri soo
E Job isch sicher scho berait

D Frau Oeri bruucht vellicht
Ellai scho wägem Gwicht
Ain wo ihr Beauty-Case drait!



von atzge - am 09.03.2006 07:27

d Joggeli




Die Schauermärli wo dä Reinhold Messner als verzellt
är haig am Himalaya scho, em Yeti s'Höggli gstellt
jetzt schigge mer dä Läderarsch, mit sym grosse Muul
emol im Schwiizer Fussballdress - quer durch Istanbul

In dr Hochzytsnacht wird Färnseh gluegt, dr Charles ka's nit kapiere
und foht mi sine Leffel a, d'Camilla z'schigganiere
hör sofort uf mit wäädle, schreyt sie, du steersch dr ganz Empfang
und funggsch mit dine "High-Tech-Schüssle", ständig ins Programm

Jetzt stelle sie sich bildlig vor, im e Stall voll glaine Ferkel
hoggt z'mittzt drin, in däm riise Gwiehl, no d'Angela Merkel
jetzt leege mir e jedem do, e Taus'ger ufe Tisch
wo'n ys ganz klar sage ka, weles d'Merkel isch

Dr Bär dä flüchtet us dr Schwiiz, är rennt was hesch was gisch
well em schyyns e fürchterligi, Häx begägnet isch
jetzt wisse mir vo aim wo deert, im Bündnerland duet buure
dass schyynts als deert obe, s'Trudi Gärster goht go kuure

In der Sunntigs-Schuel, do wird uf's mol, dr Pfarrer grausam muff
dr Hansli stoht uf's Pult und macht si Hooselade uff
dä bliibt jetzt als am Sunntig offe und zwor sperrangelwyt
ych halt mi konsequänt nach Gsetz, an d'Laadeeffnigszyt

Si hän schiints no Statischte gsuecht, bim Film vom Harry Potter
do mäldet sich dr MINU au, die Rolle - ou, die wott'r
die Ufgoob reiz en grauehaft, haig d'Biecher alli gläse
sithär träumt är Dag und Nacht, vom lange Stiil - am Bääse

Mer schigge allne Türgge-Spiiler, Ferrero-Küssli hai
denn guete Frynde git me jo, - "ein Küsschen", oder zwai
so hän die arme Dreepf, denn ebbis z'nasche, - weisch wie scheen
wenn sie dehaim vom Canapeé, uns Schwiizer schutte gsehn

Mit däm Bebbi-Sagg kumm ych zem Schluss bi eych no schnäll verby
Zäpfli, Pille, Pfläschterli und Salbi ziehn mer y
si wän drum jetzt bim FCB, dr Yakin retabliere
und sueche no, e Mittel gäge - chronisch's Simuliere

---------------------------
Dr Herrgott isch halt scho genial, duet wunderbars vollbringe
loht Blindi wieder ebbis gseh und Lahmi losst'r springe
nur ains das glingt em aifach nit, s'isch bis hyt nit gange
dass dä kaibe Zubi au - emol e Ball ka fange

Mi Urgrosspabbe isch jetzt au, mit Walking-Stögg uf Aggse
schlycht wien e Schnägg duur d'Innerstadt, uf syne schwache Haggse
me gseht en, wenn är's Huus verloht, als nimm bis ybermorn
jetzt het är prompt e Startplatz griegt, fir d'Schwiiz am Lauberhorn.



von atzge - am 09.03.2006 07:29

d Muulwiirf



Dr neyi Papscht im Vatikan, dä isch gar nid so lätz.
Dä schwätzt nid vyyl und au nid luut, und wenn in ganze Sätz.
Är isch beschaide fromm und brav, kunnt fascht scho schyych drhär.
Es miesst jo wie im Himmel sy, wenn jede Schwoob so wär.


Kondom sin aifach unbeliebt, STOP AIDS blybbt aktuell.
Dr Mäni isch e Fraueheld, doch laider nid so hell.
Uff s Dränge vo sym One-Night-Stand sait är nur: "Lisi, du,
Bevor mer gehn go vögle nimmsch halt au e Tamiflu."


Syt d Kampfhind jetzt e Muulkorb hän, sin d Halter bees frustriert,
Well mit däm Muulkorb het me au ihr Ego lyycht kastriert.
Mir mainte dasch nid schlimm well d so zumindest sicher bisch,
Wär vo däne zwai dr Hund und wär dr Halter isch.


Syt neyschtem macht au Hollywood am WEF z Davos jetzt mit,
D Angelina Jolie kunnt mit ihrem Frind Brad Pitt,
Är sait: "Solang sie schnuurt isch guet, sunscht hätt die garantiert,
In däre Zyt scho wider zwai drey Goofe adoptiert."


Dr Flug vo do in d USA, dä wär gar nid so lang.
Dr biometrisch Check am Zoll bruucht glych vyyl Zyt efang.
Vorallem wenn de Zircher bisch, sotsch gnueg Zyt yplant ha,
Well me die grossi Schnuure nur vo Hand vermässe ka.


Luegsch am Färnseh s Lauberhorn, sinn d Schwyzer nimm drby,
Kuum startet ain scho fädlet dä am näggschte Fangnetz y,
So ohni Schwyzer machts kai Spass, do schloofsch am Färnseh y
Gnau so wird?s au fir d Tirgge an dr Fuesball WM sy.

----------------------------------------

Ohne Helge

Bi däm Karikatuure-Schtryt, do gsesch fascht syt Neyjoor,
D Moslem uf dr ganze Wält hän nid dr glyych Humor.
Dä Zaichner dert in Dänemark, das wär e Kandidat.
Gnau so ain bruucht jo d SVP fir ihri Wahlplakat.


Wenn d Immigrante z Frankriich fascht wie Clochard läbe mien,
Ischs klar, dass die wenn s herbschtelet e Fyyrli mache dien.
D Regierig z Frankriich muess jetzt dra, und däne Arbeit gäh,
Well ihri Fuessball-Nati ka bigoscht nid alli näh.


Wenn Lyt in Orange raihewyys durchs Spaleteerli ziehn,
Und alli nur no bäte und arabisch rede dien.
Wenn z Saint Louis dr Banlieu brennt, hän wohrschiins allem a,
Z Mulhouse fufzig Jet vom CIA e Grounding gha.


Fahrsch mol mit dr SBB, denn merksch es zimlig rasch.
Ass d neyerdings am Bahnhof praktisch alles kaufe kasch.
S git Klaider, CD, Schoggi, und e Coop damit me spaart
S Ainzig wo's no bruucht isch dert e Zug, wo pinggtlig faart.


Hit wo me Schuggerpeschte schliesst und Buesse budgetiert,
Isch jetzt zum beschte Schugger prompt e Blitzliecht avanciert.
Hit zellt halt nur no Laischtig maint dr Stabschef do banal.
Und syt em erschte Jänner isch das Blietzliecht Korporal.



von atzge - am 09.03.2006 07:30

d Ständerlampe



By de Tyyrggen isch's nit wyt häär mit der Fuessballkunscht
Die hänn vo de Reeglen yyberhaupt kai blasse Dunscht
Zeerscht laufe si yy, eppe nyynzig Mimute
Und noch em Schlusspfiff, doo feen sie denn voll afo schutte


Noch em Spiil gege d Tyyrgge froogenen Zyttigshaini
Nääbedra stoot als Verdrättere vo der baz no aini
"Freyen sie sich auch uf d'WM?", frogt en die no so blööd
Do sait der Köbi yyberzyggt: "Jaaa, ich weiss jetz au nööd"


Der aint het e Buggel wääge Schwindsychtigkait
Der ander, will er viil z schwääri Boschtpäggli drait
Der Bischof Koch het so aine, as em bim Zämmebutsche
Der Röschänzer Pfaarer kaa der Buggel ab rutsche


Uf em Petersblatz stoot vo Ammel e Proteschtant
Dää isch wyt us mit eme Katholigg no verwandt
Dää seht der Babscht, wien er winggt und rieft:"Gopferdoori
Isch das uf em Balggon e Verdrädder vom Deppig Mory?"


Mir sinn Babscht, oder der Begger: Ich bi scho drinn
Jää, me waiss jo wie die Dytsche sinn
Viil scheener, me heert'i, noch em Abpfiff am Schluss
Bim erschte Spiil vo de Schwoobe, si siige scho duss


Mir ässen us em e ganz bschtimmte Grund
Bym Ässe s Flaisch erscht noch em Hund
Liggt dää denn nit uf em Rugge mit de Bai nach oobe
No wisse mer, s isch kai Gammelflaisch gsii vo de Schwobe


Zem Glygg isch dä Haafekääs verbii, naimeduure
As d Wätterfee bständig im e Hochdytsch sott schnuure
Mit däm aagnääme Schwizerdytsch merggsch denn ni glyy
Jetz stimmt s'Wätter mit däm wo sie sait yyberii


Jetz hets ändlig der Guaffeer vo der Frau Merkel gschafft
Und mit em Schwarzkopf sim "Drey-Wädder-Daft"
Ihrer Frisuur e bitz s Immitsch gnoo vom Drache,
Aber bi de Muulegge, doo kaa me halt nit viil mache....



Mir macht das in Zuekunft also scho e bitz Kummer
Grad wenn i draa dängg, s wird jo au emool Summer
Doo verlauft vor der Baiz no der Coup wo'd duesch bstelle
Und der Plasticstuehl au wo'd hesch druff hogge welle

Ohne Helge

Mi Noochber het alls so Bleeterli uf de Lippe,
Jetz maint er, das syg aidyttig d Vogelgrippe
"Doo sinn si sälber schuld" han em gsait, "Herr Kuehn,
Sii hänn jo immer gsait, ihri Frau sig e Huehn."

Ich sälber bi au soonen arme Dropf
Die Voogelgrippe goot mer nimm us em Kopf
De letschti kunnt vom Yykauf us der Stadt mi Frau
Mit eme Hemmli vom Vögele, jetz han i sen au!



von atzge - am 09.03.2006 07:31

'sBangg-Ghaimnis



Eda Ilkham, Tschemal Bal, Mechmet Kabaktschi,
Sibel Arslan, Mechtap Tosun, Ali Saktschi,
Gülsen Öztürk, Mechmet Turan Erdogan,
Kemal Güngör und Mustafa Demirkan.
Ihr lachet jetz, mir nämme-n-aa, Ihr findet daas no kaibe glatt.
So haisse d'Lyt vom Biirgergmaindroot doo bi uns in Baselstadt.


Der Prince Of Wales isch nimm alone jetz in his Villa.
Das neye Horse, that äär is riding, haisst Camilla.
Lueg die zwai aa, eso im Gsicht und an de-n-Ohre,
so gsehsch: Die baide sinn doch firenand geboore.
Wenn jetz die zwai e Buschi griegte, - jeee, das wääri denn e Gruus,
denn hätti d'Queen als jingschte Prinz e glaine "Shrek" im Keenigshuus.

S'het nid vyyl gänderet im Vatikan in Rom.
Au der Benedikt verbietet uns d'Kondoom.
Und syni Wyysige, die wärde-n-alls wie wieschter:
Är toleriert ab sofort kaini warme Brieschter.
Der hailig Stuehl het das bestimmt beschlosse, ohni vyyl z'studiere.
Jetz mien die baar, woo no in d'Kirche geehn, au no an Ranze friere.

D'Barb'ra Schneider schlooft nim wääg'dr Zollfreystrooss.
Und d'Elsbeth Schneider wird das Rhystross-Gstiirm nid loos.
Jä, d'Plaanig isch bi's Schneiders lang und zääch und schydder...
C: ...: Es goht nid wyter !




Das neye Buesse-Reglemänt isch kaibe lang.
Es wird bald jeede Furz in Basel biesst efang.
Drum zaige mir eych jetz e baar so Byspiil doo,
obwohl, z'erklääre, was d'no darfsch, wurd schnäller goh.

E Hund darf nid in Grossroots-Saal.
En Esel scho, das isch normal.

Kunnt dr Bundesroot Blocher uff vier Bai ko z'trodde,
denn isch das e Kampfhund, und die sinn verbodde.

Dr Yakin maint sicher, är griegi e Buess
wenn ebber ihn gseeht mit ere Balle am Fuess.

Do maint doch e Schugger: ?Guete Daag, y haiss Stöggli:
Sii hänn zwor nyt gmacht, aber i muess fille my Blöggli !?

Zupfsch ere Fremde an de Löggli,
kunnt wiider dr Stöggli mit em Blöggli.

Dr Pfaarer Sabo wurdy's gniesse,
wenn dä Stöggli dr Bischoff Koch wurd biesse.

Au wenn's der Federer nid rächt glaubt:
An de Swiss-Indoors z'spiile, wäär erlaubt !

Me darf jetz im Drämmli nimm ässe-n-und dringge.
Wohrschyynlig bruuchsch näggschtens als Fahrgascht no
Fingge.

Mir hätte jetz e Super-Pointe gha, doch isch do draa s'Fataale:
Der Baizer het sich gwaigeret, die Buess vom Stöggli z'zahle.




Im Schwyzer Gsundhaitswääse will me jetz brobiere,
d'Spitze-Medizin in Ziiri z'konzentriere.
So mache Basel und au Bärn halt wiider Zwaite.
Doch duet ys das kai allzue grossi Sorg beraite.
Denn wie d'Erfahrig zaigt, isch d'Fählerquote-n-in Ziiri zimmlig gross.
Uff die Art wurd me sicher mittelfrischtig ainigi Ziircher los.

Es kunnt e Bäär, - jä Sii, wo kunnt dä Bäär denn häär ?
He, us em Ussland dängg, - das z'mergge-n-isch nid schwäär.
Doch isch dä Bäär jetz eifach bletzlig nimme doo.
Jä Sii, wo isch dä Bäär denn numme-n-aane, woo ?
Dä isch doch wieder haim in Oschte, und zwar wägem Bäär vo Bärn.
Dä het ihm gsait, me haig do in der Schwyz die "Sans-Papiers" nid gärn.


Der erschti Basler-Marathon, dä isch verbyy.
Der näggschti sell schynts uff ere-n-andere Streggi syy.
Är fiehrt vo Basel, vo der Mäss dur d'Schwyzerhalle,
denn via Lieschtel, ohni Bahn uff d'Wasserfalle.
S'goht iber Sissach denn zum Kienbärgtunnel, und was jetz kunnt,isch gspunne:
Dää wo dert denn lääbig wiider ääne-n- uusekunnt, het gwunne.



von atzge - am 09.03.2006 07:38

d Striggede




Dr Pfarrer Sabo z Röschenz
isch katholisch voll derby !
Dr Koch sait: " Vom Verhalte här
kennt är e Kampfhund sy !
Wäg ihm fahrt scho s ganz Baselbiet
jetzt 80", rieft är muff !
"Dä wirblet nämmlig mit sym Puff,
dr ganzi kirchlig Fyynstaub uff !"


Dr Richter sait die Korpis mit
däm Gruess, die sprich ich frey !
Die hän nur salutiert,
de Gfängnisjet vom CIA !
Denn hän die baide Kampfsäu uff-
gstreggt gha mit gschwellter Bruscht
Und däwäg Billjee bstellt voll Luscht,
fir d Rütli-Fyyr am Erscht Auguscht !


Die Saskia Frei, wo do e Schappe
zooge het, luegt quält !
Derby het s Millieu ihre Maa
zem "Mann des Jahres" gwählt !
No ihrem Abschiff sott sie jetzt
zem Film mit stiller Wuet !,
Denn wär eso verzwyflet duet,
isch doch als Desperate Housewife guet !


Wie d Baudep-Dänggmool-Fritze
d Stiehl wänn norme, dunggt ys digg !
Wohrschiins het d Schneider z Hong Kong
non en aigni Stuehlfabrigg !
S wird gnormt und biesst in jeder Strooss,
si blitze numme noo !
Bald wird dr "Prix de Photo"
an e Radarfalle go !
Am Schluss luegt Dir no znacht
im Näscht e Video-Kamera noo !
Denn blitze si Dy näggschdens scho
bim yynestächen, ummeschloo !





S isch fascht nur wien e halbi Sach,
fir d Schwoobe sowieso !
Si hän z Rom und ins Kanzleramt
e halbi Frau bikoo !
Die Merkel syg scho yversüchtig,
well sie s nid verdrait,
Ass doch dä Ratzi au grad z laid,
no däglig s schöner Röggli drait !


Die Eestryych-Drainer doppe
fir d Podeschtplätz in Turin !
Zwai flüchte und me findet
au no Noodle im Urin !
Statt Doping haig dr Adler Ammann
Tamiflu schiins griegt,
Well är dert, wo sich d Schanze biegt,
uff Heechi vo de Hiehner fliegt !


Ob Muulkorb oder Lainezwang,
das nutzt bi Pit Bull nyt !
Mir gäbte däne no zem Suffe
Red Bull, s dunggt ys Zyt !
S Red Bull verleyht doch Flügel,
und do griegsch e wässerigs Muul
Denn leen mer si durch d Luft, ganz cool,
an näggschte Matsch nach Istanbul !


Wohär kunnt s Kopfduech bi däm
von Rohr - S het ys interessiert !
Won är e Buschi gsih isch,
syg das im Spital bassiert !
Si haigen ihn falsch gwigglet
und sy Gsicht verwäggslet no,
Schiins syg domols im Kreissaal scho
zem Muul nur Schyssdrägg uusekoo !



Guantanamo?..(Melodie : Capri Fischer?..)

Wenn in dr Karibik d Sunne im Meer versinggt
Und z Guantanamo non e Gfangene-Chörli singt
!Und e Jet grad landet dert vom CIA,
Liege alli Richtig Mekka uff de Gney !
Alli hän e scheens oranges Gwändli aa
Und am lingge Bai e langi Ketti dra.
Jä, denn waisch, s goht no 10 Joor und 15 Stund,
Bis dert schyych dr erschti UNO-Anwalt kunnt !

(Refr.)Yynestächen und e bitzli ummeschloo
Duurezieh und au e bitzli aabeloo !
Yynestächen und e bitzli ummeschloo !
Duurezieh und aabeloo, Guantanamo !


Mänggmool gits e glainers Highlight dert im Sand.
Jä, denn kunnt dr Bush uff Bsuech ins globti Land !
S erscht Mool het är zerscht nur d Schlösser kontrolliert.
Und denn s näggscht Mool alle d Bärtli abrasiert !
Kirzlig het är fir sy glaine Bsuech au noo
Grad sy White House Frind, dr Cheney Dick mitgnoh !
Denn hän baidi jagdlig d Schrootflinte yypaggt,
Well dr Cheney Dick nämmlig no sauguet jaggt !

(Refr.)Yynestächen und e bitzli ummeschloo
Duurezieh und au e bitzli aabeloo !
Yynestächen und e bitzli ummeschloo !
Duurezieh und aabeloo, Guantanamo !

--------------------------------------------------------------

Ohne Helge:


Manus ad caelum pro Sabo.....(Die Hände zum Himmel, drum lasst uns fröhlich sein??!)

S hän alli en AboUff ihre Kircheblätz !
In Röschenz bim Sabo
Dr Koch, dä kocht wie lätz !
In Röschenz sin d Byychtstiehl
Gmäss Koch schiins kuum benutzt !
Dr Traufer maint ganz kiehl,
Z Röschenz wird uusebutzt !

(Refr.)Mir bätte zem Himmel
Fir unsre Sabo do !
Katholischs Gebimmel !
Dr Koch kocht sowieso !
Drum diend yynestächeUnd au no ummeschloo !
Dangg Pfaffe, dangg fräche,
Wird alles aabegloo !



Aer steert d Atmosphäre
Dert z Rom im Petersdom !
E Pfaff mit Affäre
Verdrait sich nid mit Rom !
Me sott nid verhiete
Das sait dr Papscht in Rom !
Und well sie s verbiete
Bruucht d Menschhait hit Kondom !



(Refr.)Hit pflanze sich alli
Scho bis in d Klöschter furt !
Und wells alle gfalli,
Paggt d Angscht bi s Kochs dr Kurt !
Ob ain jetzt katholisch
Isch oder viellicht nid ?
Guet ischs, wenns ihm wohl isch
Und s Pfaffe-Nochwuggs git !


(Refr.) Yynestächen, ummeschloo, duurezieh und aabeloo?..


E halbs Joor SBB und s Schlussliecht
Tschudi isch nimm do !
Drum singe mir fir ihn :
Es fährt ein Zug nach nirgendwo !
Aer haig bim Schaffe Mieh gha
jetzt hoggt är dehaim spontan,
Und spielt dängg jetzt, wieder im Wahn,
mit syner Märklin Yysebahn !


Striggede-Kinderzigli

am Fasnachtszyschdig, 7. Meerze 2006

Sujet : "Wält-Jugend-Dag !"

Im Auguscht und zmitts im Summer
Sin Kinder mit und ohni Kummer
Uff Kölle pilgeret am Rhy
Dr Benedikt haig gsait : "S muess si !"
D Kinderkrippe Herisau,
D Primeli vo Obergau,
E Jugendsingchor us Milano
Und s Kinderchörli vo Arano !
Au d Wölfli us Domleschg, die nätte,
Pilgere uff Köln go bätte !
Dr Jugendzirkus Pebble Beach
Het 7 Frisbee mitgnoh, each !
S Motto isch schiins : Spiele, bätte,
Und Kontäggt mit Lyt mit nätte !
Dr Fritzli und sy Schweschter Hulda
Ziehn mit em Gsangbuech Richtig Fulda
Im Bischtum wird dert Goschpel gsunge,
Mit THC-verharzte Lunge !
Voll Liebi und sehr solidarisch
Verzellt me sich, was eh scho klar isch !
Dr polnisch Minischtrant, e nätte,
Wott au emool franzeesisch bätte
Und im Pärkli uff dr Matte
Het s Maieli e ganz e satte
Oobe mit em Max, veruggt,
Bis dr Morgetau durch s Hösli druggt !
Au d Susi us den USA
Mecht z Köln e nice Erläbnis ha !
Si drifft znacht uff dr Kölner Horscht
S lauft alles unter "Jugend forscht" !

Und vor de Discodänz, de rasche,
Sin alli schnäll in Dom go hasche !
Si dien sich liebe und verehre
Und mitenander nätt verkehre,
S wird gspielt und bättet unter Junge
Und s wird s Ave Maria gsunge !

Kurz z Kölle in dr Diaspora
Heerscht nur no Sodom und Gomorra!
Am Domyygang wie nonem Rääge
Sin bruuchti Gummi ummeglääge !
Und alli, wo dert ummewiete,
Dien klerikal sich iberbiete !
Dr Papscht het gsait : Verhütet nicht !
Dasch s Motto gsih vo däre Gschicht !

Und halber zue, mit Rüsch, mit lyychte
Dien si no jede Morge byychte
Und nyyn Monet speeter allem aa,
Het si "s Vater unser" yygholt gha !
Fir vieli isch s wältwytt Verdikt,
E Biebli dauft me Benedikt
Und d Maitli nennt me Mamma mia,
Schiins Zöli-Bethli statt Maria !

Und s Fazit vo däre Haiterkai:
Haisst : Fertig mit Enthaltsamkait !
Uff die Art wott schiins umsverworge,
D Kirche jetzt fir Nochwuggs sorge !

Drum mainte mir jetzt no zem Schluss
Vo däm Wält-Jugend-Dag mit Gnuss:
D Jugend däg bim Feschtli rysse
Gärn In die roten Epfel bysse !
D Versuechig ischs, was d Jugend mag
"Es lebe dr Wält-Jugend-Dag" !
Ob Buebe oder junge Damen,
Kreuzet Euch in Liebe ! Amen !
Denn s wältumspannend Motto do
Haisst: yynestächen, ummeschloo?. !



von atzge - am 09.03.2006 07:39



Im Vatikan hänn si sich fir e Neie bsunne
der Papa Ratzi het als Bayer dytlig gwunne
doch bi der eerschte Mäss scho het er sich verhaue
und bim Urbi/Orbi lut «Oozapft is» gschraue (Babberlababb)

Dr neyi Papscht im Vatikan, dä isch gar nid so lätz.
Dä schwätzt nid vyyl und au nid luut, und wenn in ganze Sätz
Är isch bescheide, fromm und brav, kunt fasch scho schyych drhär.
Es miesst jo wie im Himmel sy, wenn jede Schwoob so wär (d Muulwirf)

In Dytschland isch me wieder ganz oobe,
s'fiehrt d'Angela Merkel ihri Schwoobe!
Sogar in Rom, dert isch jetz - bref
e Schwoob dr neyi Weihrauch-Chef!
Doch mir hoole die wieder zrugg uf d'Ärde,
will mir jo das Johr - Wältmaischter wärde! (Banggomat)

Do kasch flueche, do kasch tobe,
Unsri Swiss gheert jetz de Schwoobe.
Die dien sich gierig alles schnappe,
sogar dr Stuel vom hailige Bappe (Buschdrummle)


Als weitere Katholiken werden auch der aufmüpfige Röschenzer Priester Franz Sabo und Bischof Kurt Koch ins Visier genommen und dazu eine Verbindung zum Karikaturenstreit hergestellt:

Dr Pfaarer Sabo kämpft mit Häärzbluet geege s'Zölibat
am letschte Närv vom Bischof Koch är ganz vergässe nagt
d Abschaffig wäri guet und rächt, doch wyrds uns mächtig steere
wenn eine wie dr Bischof Koch sich au no kennt vermehre (Rätschbääse)

Fremdi Religioone muess me respeggdiere
Sunscht kennt e ganzi Region explodiere
Mir Grischte dien halt verninftig debattiere
Wär s nid glaubt, soll da Fall in Röschänz konsultiere (Die Haiggle)

Immer für den einen oder andern Vers gut ist natürlich der Bundesrat:

Sii, im Bundesroot het jede grad sy Boschte
Dr Merz, dää luegt zum Byspiil, waas wievyyl deerf koschte
Dr Leuebärger mues bi fyynem Staub die kalti Luft biwache
Dr Blocher frait sich, wen ar haissi Luft deerf mache. (Dootebainli)

Dreihundertvieresächzig Dääg do hänn si Mais.
Ai mool im Joor do geen si zämme uff e Rais.
D Calmy Rey blocht linggs verbyy und fliegt vom Trotti
vo dääre Reis isch das die ainzig gueti Fotti (Die Penetrante)

Wo z Bäärn dr Schmied e Vogelschwarm am Himmel hoch erbliggt, grieggt är verdeggel Schiss, eb ihn die Vogelgrippe zwiggt.
Kai Panigg, sait dr Couchepin flott, das leese mir in Rue,
wie bi de CIA-Flugzyyg: Machsch aifach d'Auge zue. (Schnaabelwetzer)

Aus der Sportwelt haben es insbesondere Martina Hingis und die Yakin-Brüder in die Verszeilen geschafft:

Me hett Angscht vor ere neije Epidemie
s'isch kai Entzindig und au kai Allergie
Es git kai Pille dergäge und au kai Therapie
me gseht aim nit aa dass me grangg sett si
Me hett au kai Fieber, aber s'gooht nit verbi
es macht au nit weh aber s'kennt aasteggend si
E Ghirnhutentzindig kaa's au nit si
wo nit isch kaa au nit entzunde si
Und s'hilft au kai Zäpfli us dr Drogerie a
ber me verdient no e huffe Gäld derbi
Dr Doggter hett gmaint das gooht nie verbi
die Grangget haisst Muratitis Yakinogie (Basler Spatze)

Mer hänn zwor z'Ischtambul verloore
aber kämpfd hän mer wie Gladiatoore!
Und worum die beide Yakin nid derbyy sin - waiss y jetzt:
Die hänn sich doch - us luter Schiss - dehaime scho verletzt... (peperoni)

Das Comeback vo dr Martina Hingis
das isch famos, e Wunder find yy s
e jeede Satz e Augewaid
die wo sie spiilt, nit die wo si sait (Alperösli)

Die Rivalität zwischen Basel und Zürich wird dieses Jahr am Streit um die Spitzenmedizin thematisiert, die nach Ansicht der Zürcher bei ihnen konzentriert werden soll - sehr zum Missfallen Basels:

Für d'Spitzemedizin söll's nur no ei Standort gäh,
Und d'Ziircher wänn dä für sich in Aaspruch näh.
Si dien mi meinig sicher teile:
Au Spitzemedizin cha kei Ziircher heile. (Doggter FMH)

D Blinddärm z Basel und in Bärn no d'Hiehnerauge,
und für e Räschte dät nur Züri öbbis tauge.
Die welle Füdli, Mage, Härz - das isch zum Lache,
die könne höggschtens jo us Zürcher Gschnätzlets mache! (d Zahnstocher)

Die SBB bieten in mehrfacher Hinsicht Anlass für Spott:

Im Zuug ae Syyggarette rauche kasch vergässe
Muesch warte oder Niggotyynkaugummi frässe
E dritti Meegligkait waen mir eich nit verschwyyge
Kasch zum Rauche schnäll bim Stroomusfall uusstyyge (Babberlababb)

D SBB, die hilft uns spaare,
will ooni Zigis Zug muesch faare.
Und dr letschti Zug, jo dää
dä muesch jetz vor em Bahnhof nää. (Buschdrummle)

letschti hän mir zwei mol welle
per SMS, bi dr SBB, so MMS Byyljee bschtelle
bi dr Byyljee-Kontrolle isch uns s'Lache vergange
dr Kondüktöör macht Lecher in d'Handys, mit sinere Zange (Nachtschwärmer)

In den erlauchten Kreis der Basler Schnitzelbank-Prominenz schafft es auch der Solothurner Alt-Rocker und Neu-TV-Star Chris von Rohr respektive dessen Hinterteil:

dr Chris von Rohr het e bitz e Magge
är zaigt am Fäärnsee sini Fudibagge
mir zwai begriesse das Verhalte
si Fidle ka wenigschtens d'Schnuure halte (Nachtschwärmer)

Dr Chris von Rohr - dä alti Rogger - mit bedängglige Maniere,
sott under sim Kopftuech emol frischi Luft lo zirkuliere.
Wo si Fidle im Färnseh kunnt, rieft mi Schwiegermueter entusiastsisch: «Scho yber fuffzig und no kai Fältli im Gsicht - da Typ isch fantastisch»!

Auf lokaler Ebene zu Stoff für diversen Verse bot die Kontroverse um eine angebliche interne Polizei-Weisung, wonach jeder Polizist pro Tage sechs Bussenzettel zu verteilen habe:

Säggs Buesse pro Schicht sette mir schynts schrybe.
Ich find das grausam yberdrybe
Bi uns finsch doch kain - fidiralala
wo wirgglig so schnäll schrybe kaa (Heermi vom Glaraboschde)

Ganz lyyslig hucht e Schugger in sy Handy: Schatz
loos, stell di Manta bitte schnäll an Wettstaiplatz
und due denn d Schyybe statt uf Drei uf halber Zwai
Es fählt mer numme no ai Buess, denn kan y hai (Singvogel)

Dann wären da noch die Kampfhunde, der Bündner Bär, der Umzug von USB-Chef Marcel Ospel von Basel in ein Steuerparadies oder eine Untersuchung über den Alkoholkonsum von Betagten:

Dä schnuusig Bär, wie hän mir gschtuunt, wo dä isch ko
Si Winterspägg aagfrässe und wider drvoo
Au als Basler kasch vo dääre Taggtigg leere
Und wie dr Ospel z Wollerau vom Voorroot zehre (Die Verlumpte)

Wenn ain im Altershaim duet trinke
Kaa d'Läbenszyt um d'Helfti sinke.
Doch blybt's glych punkto Qualiteet,
Wil dä jetzt alles doppled gseet. (Doolesuuger)

Jä Sii, d Chineese kömme friehner oder spöter
das wär e Löösig byspylswys fürd Froog vom Köter!
Me könnt denn s «Johr vom Hund» wie z China zelebriere
und jede Pitbull «sweet and sour» lo serviere (d Zahnstocher)

Und schliesslich noch zwei Verse, die sich anhand aktueller Themen mit sich selbst befassen:

M-Budget - Gyz isch gail - mir Schwyzer draaie jede Rabbe
Dä Spartick wurd schynt's langsam au uff d'Fasnacht ybreschwabbe
Drum dien mir uns am Trend vo mänge Schnitzelbängg uusrichte
Wo us Spargrind scho sit vyllne Joor uff Pointe dien vrzichte (Die Gsalzene)

Mi Loon, dä nimmt grad d'Granggekasse, wie immer,
trotz Couchepin und Co., es wird jedes Joor schlimmer.
Drum singe mir jetzt us Protescht do, wie wärs
Statt Original- nur Generika-Värs. (Luuszäpfe)



von atzge - am 09.03.2006 07:58

Aigebreetler






S Babsi Hungerturm, vulgo: Schneider's Barbara
will vor de Baize e ainhaitliggi Bestuehlig ha
mit dääne Blastigg-Stiehl kah sy sehr guet lääbe
als Politikerin syg sy's gweehnt, am Sässel z glääbe

Vyyli Basler pändle uff Ziiri, Daag fir Daag
und laischte so Entwiggligshilf, Daag fir Daag
numme dangg däm Bemiehe kah's nämmlig glinge
as bi dääre PISA-Sändig Ziiri duet gwinne

Dr Ivo Bachmaa, daas isch dr Chef vor dr BaZ
mach in synere Redaggzioon ganz kreftig Rabatz:
"Lewin-Fotti dien mir in dr Zittig ab sofort stryyche,
"dä duet z fescht ere Karikatur vom Mohammed glyyche"

D BVB duet jetz no Kondom verkaufe
ich glaub nit, as daas Gschäft duet laufe
d Kunde befirchte doch, daas syg e Bschiss
so wie bi de Combino - die hänn jo au Riss

In dääre Late Night-Show zaigt uns barsch
dä von Rohr-Rocker sy hoorige... Hinter
will är do drmit adytte, as es nyt scheeners an ihm gitt?
Drnoo muess y saage: Do widersprich ich ihm nit

Waas die Gigi Oeri kah, daas kaa-n-y au
sait sich d Esther G. - daas isch die Pittbull-Frau
bald due-n-y als Presidäntin vo Bayern Münche walte
dert "Kahn"- y legal e Kampfhund halte

As me Bolizeybeschte schliesst, isch nit wäggem spaare
me will d Schugger vor em Verwaichlige bewaare
die selle nit z vyyl dinne im Warme blyybe
sondern uuse uff d Gass go Buesse schryybe

In de Kindergärte derfsch Baseldytsch nimme bruuche
y glaub nit, as daas d Kinder z'fescht duet schluuche
due doch loose, waas sone Goof hit vo sich gitt
also: Baseldytsch isch daas sicher nit

E bizz muff loot dr Schild jetz s Regiere sy
näbbem Eymaa isch är nie dr Scheenscht gsy
als Swiss Olympics-Preesi isch är us däm Brobleem duss
näbbem Zloczower gseht sogar d Merkel guet uss

Bi mir isch es dräggig - my Frau kunnt im Huushalt nit druss
mir längt's - y mach Duurzug - und dr ganz Drägg isch duss
am näggscht Daag hyylt d Regierig, as Gott erbarm
langsam fahre - nym haize - mir hänn Fyynstaub-Alarm

Y find's guet, hett dr FCB dä Japaner kauft
well's in dr Verdaidigung jetze vyyl besser lauft
bi jedem Stiirmer verbeugt sich dä und sait mit Lache
"Bitte walten mit schiessen, elst Foto mache!"



von atzge - am 09.03.2006 08:02

Babberlababb





Im Vatikan hänn si sich fir e Neie bsunne
der Papa Ratzi het als Bayer dytlig gwunne
doch bi der eerschte Mäss scho het er sich verhaue
und bim Urbi/Orbi lut "Oozapft is" gschraue

Unsere Bäär isch zum im Winter kenne pfuuse
nach Italie-n-ab und uus Grabinde uuse
däm aarme Mutz goots dängg halt wie bi uns de maischte
wär kaa sich in der Schwyz scho d Ibernachtig laischte

D'Sturmtief z'USA het me benennt nach Fraue,
Katrina, Wilma, Rita hänn alles zaemmeghaue
Z'Baasel isch es Gott sei Dangg nimm ganz so schitter
Will s' Duurdieff Zanolari ziet jetzt aentlig wyter

Wo mir bim Faare ins M-Budget-Handy lalle
Isch is s'Prix Garantie Sandwich grad aabegfalle
E Schugger sehts, es git e Buess, dae Maa blibt hart
Doch immerhin gits Phynggt fir d'Supercard

Im Zuug ae Syygarette rauche kasch vergässe
Muesch warte oder Niggotyynkaugummi frässe
E dritti Meegligkait waen mir eich nit verschwyyge
Kasch zum Rauche schnäll bim Stromuusfall uusstyyge

Zem Keschte spaare soll dr 5-Räppler verschwinde
Die Ydee macht sich in Lieschtel kaini Frinde
So mien d'Baselbieter glyy, die lyyde Gwaale
Fir d'Subentione s'dopplete an Baasel zaale

E Sprichwort said dass z'vyyli Kech dr Brei verdäärbe
jae sii, die Wyyshait gits scho lang uff dääre Äärde
aber ai Koch kennsch, dää schafft das ganz elai
faart schnäll uff Roeschenz, verdirbts und goot denn hai

Mir wänd eu herzlich da bi eus willkchomme heisse
Da isch de Hit, chasch dich vor Lache grad weg schmeisse
Ou i wott hie bi euch baud afa schaffe
So deents wenn d'hittzudaags kli Kaffi Baal duesch gaffe

Grad nach der Fasnacht wäärde mir in d'Ferie goo
Gratis und franko richtig Süde d'Schwyz verloo
Vo Milhuuse goots ab Terminal B3
In Zälle 8 im Flugi vo der CIA

Nach em Match in Istanbul sinn baar so Fleegle
In de Katakombe mit Schwyzer go schleegle
Wurum hänn die sich nit an Zubi ane draue
Dää hätt bim zrugg gää soowisoo drnäbe ghaue

Mir mien jetzt wyter zie, es isch jo wiirgglig schaad
doch wenns eich gfalle het hänn mir e Tipp baraat
Druggsch 482631 uff Dim Deelefoon
Scho hesch de Schnitzelbangg als neie Glingeldoon



von atzge - am 09.03.2006 08:03

Bebbi-Buebe





Basel schloot dr Schparkurs i
Lut Herzog Evi mues das si
S wird iiberaal gschtryche das muesch halt gsee
Nur Kuugeleschryyber gits viel mee
Dä Uffwand dä muesch wäge de Schugger bitryybe
Denn die mien am Daag zää Buesse schryybe

Mir drei mir sinn go wandere
Vo aim Dinosaurier zem andere
Bi däm Rundgang hänn mir ganz glaar gsee
Fleischfrässer hetts scho ze Urzyyte gee
Zwai sinn aagfrässe - ain flichtet in Ryy
Dr Schpur no kas nur e Kampfhund gsi si

Fir aimool kunnt dr schnällscht uss em Kanton Bärn
S isch dr Lüthi Tom dä Motorad Stäärn
Eme Basler kennt das nie basiere
Dä hätt kei Ruum zem frei trainiere
wurd dä mit em Döff dur Basel flizze
wurds an jedem Egge blizze

Letschti hänn mir im Vögeli welle go Kleider kaufe
Doch dä het zue - kasch wyters laufe
Derno hänn mir gschwind in Hahn welle iine
Aber au dä het zue - jä s isch zem gryyne
Das Gschiss wo die mache - das macht uns muff
Die Vogelgrippe reggt uns uff

Deutschland sucht den Superstar
Doch finde die nie ain das isch jo glaar
In Basel kennt me das au das Fescht
au do - do findet me nie dr bescht
Bi uns goots au um Stimme und Zaale
Und heisse duet das - Regierigsrootswaale

Mir drey wänn schutte bim FCB
Doch wo s Gigi uns gseet sait die oje
Au dr Trainer - dr Ziircher Chrischtian Gross
Findet d Idee iberhaupt nit famos
Derbi hänn mir drey luschtige Gselle
Uff d Foti vo dr neggschte Schoggi welle

Rauche deerfsch - mir finde s dr Waan
Iberhaupt nimm in dr Yysebaan
Im Drämmli derfsch nid ässe und dringge
Si uns duet das schuurig schtingge
S neggscht wo die verbiete sotte
Verbot iifiere isch verbote

Dr Schampadis hett im Migros e Budget Natel kauft
Är hett d Karte dri do und gluegt ebs au lauft
Verglemmi s geet nix - hersch dr Schampedis toobe
Dä Migros Grimpel kann i gar nid loobe
S Problem dien mir drey erruiere ganz fix
Muesch d SIM karte neh,mit Cumulus geht nix

Drey Daag offe und dernoo zue
No drey Daag hänn mir wiider Rue
Drey Daag sinn mir tolerant
Dr Räschte vom Joor kasch ins Pfäfferland
Mir dien das begriesse naime duure
Wenn das zelle wurd fir e Ziircher Schnuure

Si i mues dringend no e Byyljee ha
Hösch digge du bisch hinder mir dra
Eb EHC Matsch oder Musicel Cats
Ooni Byyljee bisch do lätz
Sit neyschtem bruuchts eins - jä mir drey mir dien toobe
Fir d Bundesfiir uff em Ritli oobe

Das Iikaufszentrum Basel Schtadt
Das finde mir drey schambar glatt
Doch isch s do wie in jedem Laade
E Grosssarnierig ka nit schaade
Drämlischiine mieste neyi ane
Au s Leitigsnetz muesch ganz ney plane
D Stroosse miest me ängger mache
Und d Grossbauschtell grad Iberdache
Wenn si im Summer dien baue,denn sinn mir verschosse
Drumm hänn mir denn wäge Umbau gschlosse

Bi uns deheim duet ney e Kater umme gnaisse
Doch wisse mir nonig wie är sell heisse
Mir hänn gmeint dä wurd unseri Fliege jaage
Iber das Viich kenne mir aber numme klaage
Dä länggt viel dernääbe und duet numme penne
I glaub mir dien dä Zubi nenne

Mir Bebbi Buebe mache jetzt schluss
Denn s warte jo no andri duss
Mir hoffe das ihr eych guet benämme
Und sage jetzte sali zämme



von atzge - am 09.03.2006 08:04

Biezer






D Regierig sait, und will jetzt wider investiere,
dää nei Campus dät die Stadt in d Zuekunft fiere.
Glaini Wintsch vo dääre Firma gältis positiv z beglaite,
Glyybeg - Santihan wird eins, mir mien jo nur dä Ryy umlaite.

E Schwumm im Ryy lauft jetzt wie d Waal zum Grosse Root,
die Regle die muess kenne wär deert yyne goht.
D Ufmerggsamkait verschaffsch dr mit dr groosse Glappe,
was au empfohle wird bim yynegoh isch jetzt e roti Kappe.

"Diesche Virüs übertrasche nur mit Vögle,
bei sonst Kontakt isch das üüberhaupt nischt mögle!"
Das isch kai Aids-Kampanie, nei, mr mien si bitte,
das isch dr Couchpin wo n is informiert zur Vogelgrippe.

Dr Sämi Schmid tuets jetzt lut uusedängge,
d Parteizuegherigkait wurd ihn als Chef ischrängge.
Dä Verein sig nimm' si Haim sait äär und meergi,
s Dängge sig per see nid däne ihri Steergi.

D Regierig reedet gscheit und macht sich' s amme ring,
Gschdiel und Schirm voruss schribt voor e Marketing.
Die nenne das sogar - " Wie haisst' s? " - Coop-Identity?
Mi Frau die trifft das hart, die kauft doch nur im Migros ii.

My Frau die sait zu mir, si findis nym zum Lache,
dr Sämi Schmid dät mit em Lühti Duzis mache.
Wenn au du s emol zu eppis wellisch bringe,
denn miestisch Töffli fahre anstatt öödi Värsli z singe.

Dr Moritz Laiebärger isch letschti z Basel gsi,
im Interview meint är, s haig ihm gfalle do am Rhy.
Mr hän kai Wort verstande und bitte äärnschthaft drum,
löhnt dä Minischter nymmi yyne ans LSD Symposium.

Bim Bierli yyneloh, do zahlsch fir s Glas fimf Frangge,
für d Buess am Baum ains uusezloh, kenntsch 10 mol Bierli tangge.
Mr hänn is gfrogt und iberlegt, doch uns kennts do nid braiche,
Als Bänggler geen mir exklusiv, nur Anderne ans Bai go saiche.

My Noochber sait zu mir, si mieste jetze spaare,
d' Frau haig e Budget Handy, äär e Budget Kaare.
Was billig au kaa heisse, sehn mr denn bald yy,
mr findes scho no schääbig, si Glaine tauft dä ALDI.

Die Däne sin doch däne, dien do provoziere,
Dr Mohamed dä deerf me doch nid karrikiere.
Mr dischtanzieren' ys und saage kumm jetz göömr,
an' s Smørrebrød-Byffee und bstelle solidarisch Döner.



von atzge - am 09.03.2006 08:05

Die Gsalzene





Voll Weemuet dänggt dr Jögge Schild zrugg ans Vrbrächerjaage
D' Entzugserschynig mues er wool nid bsunders lang erdraage
Mit so korubbde Brieder gitts jetz bald e fraidigs Widersee
An dr erschte Sitzig z' Lausanne bim Olympisch Komitee

Imme Bärner Schuelhuus duet me bald dr Notstand proklamiere
Will sich dert zwai Erschtklässler massiv terrorisiere
Dr Glainer spielt dr Keenig duet em Grosse d' Fuscht garniere
Dr Grossi duet sich mit 'me Brünneli in Durnsagg revanchiere
Dä wo das Problem vrursacht hett muess Dinte gsoffe haa
Wär setzt scho aim wo Moritz haisst e Christoph näbedraa

Nur ebbis dien die Kindskepf zämme wooge
In dr Pause dr glai digg Sämmi blooge

Am Bosporus hett d' Schwyzer Nati d' Fuessballschlacht entschiede
Drotzdäm hänn mir Gsalzene die tyrkisch Mannschaft staargg beniede
Will unsri Basler Seel wurd juble kennt me sonre Zyrcher Pflutte
Wie em Ritchy Cabanas ains greftig hindde yyneschutte

Und länggt das nonig fyr dä Zwuggel
Gitts no e Tritt vom Benny Huggel

Uralts Flaisch, e ranzigs Schnitzel, ganz mit Schimmelpilz beleggd
In Dytschland hett me massewyys vrdorbni Waar entdeggd
Wo hetts so fuuligs Flaisch bi uns - die Antwort isch banal:
Die greeschti Mängi laageret im Nationalrootssaal!

Bi däm Gschiss um d'Vogelgrippe duet me kräftig ybertriebe
Do goot no ganz vrgässe, welli Vorteil ybrigbliebe
Denn wenn e jede, wonne Vogel hett, die Grippe wurd bikoo
Wäre uff aimol jo numme no ganz wenig Zyrcher doo

Zer Vrseenig dien dr Sabo und dr Koch e Golfmatch wooge
Wo dr Sabo puttet isch em Koch dr Sand um d' Oore gflooge
Druff maint dr Koch euphorisch: "Zem vrgää bin ich baraad
Denn wär so mies yylocht wie Du läbt sicher sträng im Zöllibaad!"

"Gränze zue - Freyzyygigkaid das isch e Mist" said d' SVP
Das hämmir uusnaamswyys vo Aafang aa genauso gsee
Au mir Gsalzene schleen vor, dä Grundsatz konsequent z' beachte
Denn wär wurd scho gärn d' Frau Zanolari freyzyygig bedrachte?

M-Budget - Gyz isch gail - mir Schwyzer draaie jede Rabbe
Dä Spartick wurd schynt's langsam au uff d'Fasnacht ybreschwabbe
Drumm dien mir uns am Trend vo mänge Schnitzelbängg uusrichte
Wo us Spargrind scho syt vyllne Joor uff Pointe dien vrzichte

Monschtervärs

Syg nätt zue Deppe mit Beschwärde
Si kennte Dini Chefe wärde
Dangg dämm Vrhalte sin so Horde
Wie d' Amis zuenre Wältmacht worde

Dä Grundsatz hämmer iibersprunge
Letscht Joor e Värs vom George Bush gsunge
D' Konsequänze hämmer gspyyrt
Dr CIA hett uns entfyyrt

D' Amis hänn gsait:" Eych Terrorischte
Dien mir dr kranki Kopf uusmischte
Drzue erniidrige und zwinge
Im Musikantestadel z' singe

Und wehret Ir Eych, dert mitzmache
Wisse mir no schlimmri Sache
Denn gitts zer Stroof fyr eyer Gfasel
No 4 Stund Bängg vom Tele Basel!

Bim Ghaimdienst gilt syt vyllne Joor
Dr Bush gitt's gaischtig Niveau vor
Drumm dien mir zem Eych integriere
Dreiviertel Hirni ambutiere!"

Jetz kennet Ir nimm gradus dängge
Mir dien Eych drumm s' Vertraue schängge
Und Agente bresentiere
Wo fyr uns d' Schwyz usspioniere

E Topagent haisst Benny Turnheer
Dämm si Gschwätz wirggd wiene Sturmgweer
Er paggd si Gegner - nimmt en duure
Und duet in kampfunfähig schnuure

Dr Malama die winzig Boone
Duet sich fyr CIA-Zwägg loone
Mir nutze drumm dä glai Spion
Als Abheergrät im Delifon

Dr Felix Moppert 007
Hett fyr uns Striplokal betriibe
Bim Yysatz Fraue eng beschattet
Und schynt's zer Tarnig au begattet

Die Situation kennt eskaliere
Wie sotti d' Schwyyz druff reagiere?
S gitt nur ai Wäg us däre Noot:
Die Gsalzene in Bundesroot!

Dr Felix Moppert 007
Hett fyr uns Striplokal betriibe
Bim Yysatz Fraue eng beschattet
Und schynt's zer Tarnig au begattet

Die Situation kennt eskaliere
Wie sotti d' Schwyyz druff reagiere?
S gitt nur ai Wäg us däre Noot:
Die Gsalzene in Bundesroot!



von atzge - am 09.03.2006 08:06

Die Haiggle





Ych bi haiggel är ischs au
Syt fimpf Joor kalkuliere mir ganz genau
Und fir circa 20 Millione
Wurde miir sogar nääbene Ospel go woone

Ganz under uns: miir sin gärn bsoffe!
An dr letschte Fasnacht hänn miir is verloffe
Im Bündnerland hänn miir is wiider droffe
Well deert danzt dr Bär und s isch nid numme drei Daag offe

S Fyynstaubbrobleem, dodriiber dien mir briete:
Isch s Auti tschuld, soll me daas verbiete?
Au im Frankryych, dien sie dä Zämmehang erkenne
Nur bringt s nyt, wenn sy d'Auti verbrenne

E Braitbild-Färnsee hänn miir poschtet
Dr Breitscht, dää wo am maischte koschtet
Dehaim mergge miir, dä Kauf isch fir d Katz
Denn dää Tisch vo dr Daagesschau het immer noo kai Platz

Ab und zue heere mir d Lyt saage:
"Heered doch uff, das kaa me nid ertraage!"
Mir wärde fascht unsicher, doch leen is nid blooge
Well die sinn sicher iiber Black n Blond härzooge

D Angelika Z. und der Marcel O.
D Gigi Ö, d Esther G. soowisoo
Wenn s z Basel schlächti Noochrichte git
Isch d BaZ diskret und schribt dr Noochnamme nid

Mir sinn vorusse gsässe zum d Wält vergässe
Pletzlig beebt die Ärde wie versässe
Nid gwisst wie n is gscheet, hänn miir bätte zu Gott
Drby isch s ein vom Baudepp wo my Blastiggstuel wott

Dr Schwyzer Film wird zelebriet
Dr Hollywood-Stiil erfolgryych khopiert
Mit vyyl Gäld drait me z Basel jetzt groos
S'Kettesäägimassagger an dr Zollfreistroos

Dä Grounding Film duet uns schoggiere
Angscht hän miir das kennt jetzt au dr BPG bassiere
Drum seesch uns nur no uss em Drämli wingge
Das isch scho am Boode und kaa nymm diefer singge

D Swiss het mee Phasaschier dransbordiert
Miir hätte gärn globt und gratuliert
Just denn kunnt e Fax, wo is informiert
Die Plätz sin fir d'Gescht vo dr CIA reserviert

Fremdi Religioone muess me respeggdiere
Sunscht kennt e ganzi Region explodiere
Mir Grischte dien halt verninftig debattiere
Wär s nid glaubt, soll dä Fall in Röschänz konsultiere

"Ich bin Kanzler", sait me als aine
"Wir sind Papst", dien graad alli maine
Mir habemus gnueg vo däm Saich
Sinn die aigentlig biirewaich?

D'Swisscom duet e Huffe Gäld generiere
Dasch dr Grund worum dr Bund will privatisiere
Miir erkläre ihne gärn wisoo si nid soll bliibe
Dr Bund bhaltet nuur was Verluscht duet schriibe.

D'Keschte fiir d'EM sinn unberächebaar
Usser wär s zaale sott, daas isch sunneglaar!
Em Bundesroot empfääle miir, es wuurd sich loone
Vyyl Gligg und e Loos vo de Euro-Millioone



von atzge - am 09.03.2006 08:07

Die Verlumpte





Zur EU-Oscht-Freiziigigkait hän mir gsait "jo"
Sithär deerf vo dääne jede zue uns ko
Gwiissi Tschumple dien die Reeglig falsch verschtoo
So gseesch dr Zubi ain am andere iineloo

In dr Diirggei ringt amme s Häärz mit em Verstand
Und s Tämpramänt nimmt allewyl mol iiberhand
D aarm Diirggei isch ganz verruggt me ka s verstoo
Will si nit deerf und Schwyz nit will in d EU go

Dä schnuusig Bär, wie hän mir gschtuunt, wo dä isch ko
Si Winterspägg aagfrässe und wider drvoo
Au als Basler kasch vo dääre Taggtigg leere
Und wie dr Ospel z Wollerau vom Voorroot zehre

D Berlusconi und dr Jackson dien das mache
E sogenannt Face-Lifting und denn dien alli lache
Männgmool goot e sone Lifting halt in Hose
Sithär dien mir s Schwyzer Färnseh nur no loose

Die kaibe Schwoobe s komisch Volk ääne am Ryy
Au in der Technik sin si deert rächt hindedryy
Zem mit uns kommuniziere mir hän s checkt
Het me jetzt au z Gränzach s Rauchsignal entdeckt

Dr iranisch Bresidänt duet beeses saage
Und denn jublet s Volgg me ka s kuum no verdraage
Klar dass so ebbis bi uns uff kai Fall goot
Usser s loosi ebber uff e Bundesroot

Monschtervärs

Bi de Schwoobe weiss me nit wär soll regiere
Wär isch scho fähig sone Bandi z fiere

Nimmsch emool dr Westerwelle
Dä riert gärn mit dr grosse Kelle
Är wurd mit ryych oder mit aarm
Jedi Partei wird mit im warm

Dr Joschka Fischer wurd gärn blyybe
Und duet sich am Schröder ryybe
Aaber dr Gerhard dä het s gsee
"Ich geh jetzt lieber zu Ringier"

Dr Stoiber dä will au verraise
Und sait "die Merkel hat ne Meise"
E Ossi und zuglyych e Frau
Sig e modärne Super-Gau

S isch dr Aafang nur vom Ändi
In Sicht isch ganz und gar kai Wändi
Und d Wält wird mit in Abgrund grisse
Vo de Schwoobe s isch verschisse
Uff e Punggt brocht knapp und groob
Jetzt isch au no dr Papscht e Schwoob



von atzge - am 09.03.2006 08:08

D'Kulturstolperi





Ab sofort sott jetzt mien mir sage, es macht`ys wirgglig muff
Alli Kampfhünd Muulkörb draage, no hört das bysse-n-uff
Die Masnahm die wär sicher guet, das weiss doch jedes Kind
Denn-hätte-n-au dr`Couchepin und dr`Blocher ain am Grind

Die ney Blagedde, die isch toll, kasch sage was de witt
Hösch Digge die isch wundervoll, e absolute Hit
Dr Deggel uff, kei Hirni dinn, do mergge-n-alli gly
An däm banale Fudigsicht, kas nur dr Zubi si

S`Glaibasel isch e`tolli Stadt, griegt e scheeni Claramatte
D`Grossbasler, mit dr Fryestroos, die stehn do böös im schatte
Und wotsch du denn als Gyggolo, durch dä Park flaniere
Do kunnt sofort e`Edelnutte, und will grad ykasiere

Kirzlig hett mir aine gsait,;"Är isch vom andere Glais"
E`so e Matsch vom FCB, das find ich eifach haiss
DÀtmosphäre duet im Joggeli, aim so richtig pagge
Wenn ich bi myne Gaye hogg,:" so Fudibagge an Bagge"

Yber unsery Basler Schugger, do wird ich nimme schlau
Sin friehner gfahre, genau eso wies Auto, nämmlig Blau
Und wenn-se denne hyte gsehsch, so Rot-Wyss uf dr Pischte
Do muesch Di froge, sinn das ägscht, Öschtrichischi Tourischte

Mir zwei Kulturstolperi, froge d`Sascia Frei
Sie was isch mit eurem Maa, es gäb e riese Gschrei
Do sait d`Sascia: "mir isch glych" & klopft denn uff e Disch
Sy Nachtlokal, das isch mir wurscht, so weis ich wo-ner-isch

An däm bööse Fuessballmatsch dert in Istanbul
Schuddet unseri Fuessball-Natzi, nit eso ganz kool
Im stille froge mir uns zwei worum au und wieso
Hänn unseri Schwyzer Türke-Hoonig-Schnitte überkoh

Mir als Kulturstolperi, hänn e`Grossroots-Sitzig bsuecht
Do simmer arg verschrogge, do wird gwättered und gfluecht
Sie mir hän das Glyyrr verfolgt, wyt yber 13 Stund
Das ka jo nur dä Fynstaub sy, wo do use kund

Lueged do my Helgeträgere, das isch my Fasnachts-Sozi
Doch hann ich als e glunges Gfyhl, Sy isch e bitz e Glotzi,
Pletzlig dänngi, s`kennt jo sy, dass Sie uff däre Ärde
Mit däm Outfit d`Chance hätt, au Bundesrötin z`wärde



von atzge - am 09.03.2006 08:08

Dr Edeli





Y bii dr glaini Edeli
my Lehrer bringt dr Spruch
äär krieg, wenn y soo wyter miech
e Näärve-Zämmebruch
Verzell y als no soo e Kääs
gääb's friener oder spoot
fiir mii heggschtens e Arbetsplatz
in Bäärn as Bundesroot

Dr Fux isch schaarf uff Hiener als
dr Hund isch schaarf uff d' Katz
Dr Jääger schaarf uff s'Wild im Wald
dr Verliebti uff sy Schatz
Dr Bäär isch schaarf als uff e Fisch
dr Sammler s'Baslerdyybli
und dr Behring, s'isch bekannt
isch schaarf uff gstraiffti Lyybli

Uff em Rütli bii n'y d'Aasprooch no
vom Bundesroot go loose
doch pletzlig stand y mittedrinn
vo "beglatzte Nietehoose"
Y froog ain wo drey Finger streggt
was die bedytte selle
do maint dää "Wirschtli-Winggelried"
bis deert kenn äär scho zelle

S'hänn pletzlig a me Fuessball-Matsch
uff satti Schwyzer-Poo
in Istanbul halbschlaui Fään
saumässig Gluscht bikoo
Y glaub die wisse gar no nit
die aanigsloose Niete
as miir näbscht unsre Fuudi au
no Kääs und Uhre biete

Dr Kampfhund "Hugo" z' Minchestai
kaa's aifach nit kapiere
as iin dr Maischter jetze als
sott an dr Laine fiere
Er knuurrt und dänggt sich, nundedie
das kaibe "Larifari"
wenn ebber a ne Laine gheert
no isch's d' Frau Zanolari

S' sin unsri "Schnägge-Rennschyy-Lytt"
geege Friener nimm z' verglyyche
Es duet dr weh, wenn de muesch gsee
wie sy dr Bäärg drabb schlyyche
Dr Plaschy hett's nomoll probiert
und wiider ney aagfange
doch bim erschte Slalom steent er scho
"Jesses, doo hett's jo Stange"

Iirem "Zubi" haig me Unrächt tue
hett sy Frau doo letschthii zwängt
Me saag anstatt dr Ball verwitscht
haig äär drnääbe g'längt
Sii kenn das aifach nit verstoo
sy wuurd' s jo als erlääbe
wenn äär als mit re zämme syyg
no läng er nie drnääbe

Dr Pabscht reggt sich als gwaltig uff
nit erscht ab letschte Jänner
wenn äär vernimmt, e Ehepaar
bestoot uus lutter Männer
Erscht haig er ze me Bischoff gsait
dämm sy Namme syyg glaub Fälber
kunnt pletzlig d'Liebi iiber dy
syg braav und lieb dy sälber

Myyni Eltre leen my nimm uff d'Gass
me schliesst my yy, kai Witz
traag au Hoose nur uus Blääch
e Schloss am Hooseschlitz
My Slip dää isch uus Stacheldroot
das steert my bim Riläxen
und das will er frey ummelaufft
dää kaibe Meikel Tschäggsen

Letschthii hesch in dr Zyttig gsee
e Maa putz fiidleblutt
my Mammi isch ganz duurenand
dr Babbi halb kaputt
Er maint, dää angaschiersch mer nit
wenn dää blutt suuge duet
und diir nimmt's au no d'Glaider dryy
kunnt' s nundedie nit guet.



von atzge - am 09.03.2006 08:09

Dr Schorsch





Ich bi dr Schorsch vom Haafebeggi II
Mit goots sauguet s lauft wiider ywandfrey de hai
Waisch mit dr Frau nur dinne hogge duet mr gruuse
Doch jetze dörfe jo wiider alli Hiehner use

Jä ussem Vatikan het me do letscht erfaare
Schwuuli au Hetero dye keje durchs Verfaare
E Prieschter dörfi weeder Vogel sy no Fisch
Ain wye dr Koch wär guet wo kains vo baidem isch

Hesch gwüsst dass sy dye neuje Buesse grad kassiere
Sait my Frau: dye duet my total irritiere
Sy sait: wenn noochhär uss dr Baiz kunnsch, heschs begriffe
No kunnts saudüür wenn wiider duesch an Egge schiffe

Dr Guschpä isch e Fän vo dr Grup Mütüel
Wenn är nümm Bundesroot isch griegter dört e Stell
Ganz ohni Lohn das isch so abgmacht kaschen frooge
Är haig als Bundesroot vo dääne scho bezooge

Bevor ich d SChruube mach due ich no "Schpinnsch Hösch" lalle
Wo mir dä Türgg z mittst uff dr Brugg duet aini knalle
Nur welli zue nem gsait ha … also das vermueti
Ich wünsch dr denn für d WM z Dütschland alles gueti

Syt zwai Moonet hat ich bständig nur gschtudiert
Wye so het jetz dä Elten Tschon e so pressiert
Jetz ha nis duss und waiss jetz au dr woori Grund
An synere diggi a isch Zyt dass s Buschi kunnt

Ich bi Yglaade gsi … do muess me aifach go
Zum Chris von Rohr an syny erschti Leyt Neid Scho
Und dörte fallt mr uff dä Spruch grad über sym Tisch
"Wär kai Hirni het … dä zeigt halt … was er isch"

Dr alti Papscht isch wye ne Brueder gsi für mii
Und jetz dr Benediggt … dä sait mir wiider … Sii
Jä guet will är mi Fründschaft numm isch das kai Drama
No wird halt jetz my neuje Fründ … dr Dalei Lama



von atzge - am 09.03.2006 08:10

Gluggsi





Die siebe us em Bundeshuus
gsehn alli zum Vernasche us
dä mit em Zingge mues i ha
dört hetts am meischte Schoggi dra.

I ha mir do so in dr Nacht
ibers Rauchverbot, Gedanke gmacht
Drum kauf ich jetz ihr miends begriffe
fir mi deheim e Wasserpfiffe

Bi GC klappt fascht gar nüt meh
kei Stadion kei Trainer das duet weh
nur eins blibt derte no bim alte
Ihri grossi Schnuure, könne si bhalte

Sinn unseri "Schyy-Ass" so im ganze
statt uff de Schyy maischt uf em Ranze
Sy hänn scho rächt, die Schneeushööler
im Lige isch's dr eifach wööler.

Mi Frindin kurz und barsch
git pletzlig mir e Schutt in Arsch
druf abe sait die gueti Frau
bim Schutte mache si das jo au

In Dytschland git's es isch zum Schreye
neystens Würscht, us Innereie
je das schlot mir uffe Maage
Ich ka die Schwoobe nit vertrage

D'Army-Swiss isch am verschwinde
bald kasch kei Soldat me finde
S'goh nümme lang wird akurat
ussem Sämi-Schmid e Bleysoldat

D'Klarastrooss i kas nid verstoo
soll wieder e ney Gsicht bykoh
denn ich ha's Gfyhl und ha mr gschwoore
die hett scho lang Ihr Gsicht verloore

Dä fyn Staub käm vom gribene Gummi
my Frau het allewyl e dummi
Si het my e fange Nacht für Nacht
wäge de alte Pariser staubig gmacht

Uff unserem scheene Rütli oobe
dien Neo Nazi umetoobe
doch wo d'Schwiigermueter ko isch Zoobe
sin si usenandergstoobe

Jetzt mues y und kaa's nit verstoo
my Kampfhund schyyn's Deheime loo
An synre Stell, es isch e Hit
nimmy halt d'Schwiigermueter mit



von atzge - am 09.03.2006 08:11

Rätschbääse





Dr Pfaarer Sabo kämpft mit Häärzbluet geege s Zölibat
am letschte Närv vom Bischof Koch är ganz versässe nagt
d Abschaffig wäri guet und rächt, doch wyrds uns mächtig steere
wenn eine wie dr Bischof Koch sich au no kennt vermehre

S Charivari goot all Joor au Altersheim go bsueche
mir finde daas en eedle Bruuch, so Byspiil muess me sueche
bolitisch git s fir d SVP die umkeerti Variante
dr Dunant kenn in d Kindski goo als alti Määrli-Dante

E Grufti vo fascht nyynzig Joor het sich nit scheniert
und am Bahnhof s Auti uff em Drämmliglais parkiert
speeter uff em Spiegelhof duet är stuur bedoone
d Maarkierig zaigt doch dytlig: deert isch jetzt blaui Zoone!

Schuum vor em Muul, zittrigi Händ, dr Maage foot aa drugge
Schweiss uf dr Stiirn, voll uff Entzuug, nerveeses Augezugge
s isch verbotte, s isch verpeent, doch d Gfoor duet schuurig logge
miir geen jetzt in dr Steine uff e Blaschtigstuel go hogge

Klick, klick, klick, klick, klick, klick, klick, so duesch hit Paartner sueche
ain wo guet kocht und butzt und liebt und wo fascht nie duet flueche
im Chatroom machsch e Dräffen ab: s Häärz blybt vor Schrägge stoo
hesch di uff e Wunder gfrait - jetz stoot dr Minu doo!

Dass dr Jackson schuldig isch, das kaa me glatt vergässe
die Kinder sinn uus Zuefall nummen uff sy Scheessli gsässe
jetz isch er stier und suecht e Job sogaar um jeede Bryys
d IKEA hätt villicht e Blatz im Kinderparadies

Belaade wie Kameel hämmer dr Aldi Schwiiz verloo
mer ächze, steene, jommere, hänn kuum me kenne stoo
in Zuekumpft dien mer s Flaisch vyyl lieber wieder z Dytschland kaufe
s schmeggt zwor e bitzli sträng, doch ka s ellai uff Basel laufe

In Istanbul am Türggematsch mien d Schwyzer undeduure
dr Streller griegt e Schutt in Arsch, dr Huggel haut s uff d Schnuure
dr Grichting brinzlet Bluet und alli hänn sich enerviert
drbyy hänn d Türgge nur e bitzli - heftig gratuliert

Dr Hansruedi Laich carved elegant vo dr Bangg zum Skiverband
dass er vo Ski kai Aanig het, das isch doch allerhand
daas Manko macht er mit sym Bänggerwisse wett
är isch dr ainzig im Verband wo mit Gold Erfaarig het

Dr Gimenez haut bi Nacht und Nääbel ganz verstoole ab
dr Müller dä sait &Mac226;au revoir' und kindet isserscht knapp
nundebuggel zischt jetz d Gigi gstresst zem Christian Gross
alli geen - numme dr Murat wäärde mer nit loos

S menschlig Erbguet isch fascht glyych wie daas vom e Schimpans
wenn d dr Couchepin aaluegsch, dänggsch: daas stimmt voll und ganz
dr Deiss luegt wien en Uhu, dr Schmid lauft wien e Pfau
dr Moritz glyycht em Fuuldier und dr Blocher isch e - Fuggs

Im Pisa-Quiz hänn sich d Ziircher mega engagiert
und am Schluss, s isch total geil, dr eerscht Bryys kassiert
die Määr vom gscheite Kanton wird e weeneli relativiert
wenn me mit 100 Schugger e lääri Bangg attagiert

Dr Pfuus fallt uus und alli Faargescht mache sich uff d Sogge
statt ass dr Weibel waiblet blybt dää Dissi aifach hogge
miir glaube nit an e PC-Panne, au nit an schlächti Sitte
vermuetlig isch s e Variante gsi vo dr Voogelgrippe

Dr Prinz Albert vo Monaco het e schwaarze Soon
dää brünftig, ryych Fraueheld stygt ainewääg uff e Troon
wenn das ganz so aifach wäär, hätte mir am Änd
scho lengschtens unsere Oschpel als Bundespresidänt



von atzge - am 09.03.2006 08:11

Schloofkappe





Es duet no lang nit alle gfalle
sich im Auti rächt aazschnalle
e SChugger het my Bappe stroppt
und iin mit äärnschter Mine gfroggt:
"Was isch denn loos mit iirer Schnalle?"
Do isch my Mammen in Oonmacht gfalle!

Zem s Anggebliemli nit z verliere
dien si s grindlig renoviere
dää Frielig syg s wie nei im Stand
faart z Basel wider ummenand
e soone Kur wäär doch, das schwöör y
au nit schlächt fir d Gigi Oeri

Y haa - drum bin y ganz vergniegt
im Zyygnis Super-Noote griegt
dr Bappe het e Zaiche gsetzt
und my Saggäld zimftig uffegsetzt
wenn s so wytergoot, duet sich s bald loone
wäge de Styyren in Kanton Zug go z woone

Daas isch en A, und daas e B
e Null isch wäder A no B
noonemool:
Daas isch s A, und daas isch s B
die Null isch wader A no B
iir hänn s begriffe? Wunderbaar!
Aber mach daas emool em e Ziircher glaar!

Doletschti han y en Albdraum ghaa
e Kampfhund gryfft mi vo hinden aa
vor Angscht, dass dää my Fuudi drifft
han y fascht no ins Pyjama gschifft
dr Swisscom-Chef het s glyych Brobleem
wenn si dr Blocher ab dr Laine leen

D Wildsäu mache, s isch e SChand
e Riiseschaaden in däm Land
y hätt e Bombeväärs doo präsentiert
aber my Babbe het en zensuriert
är maint - ych find s zwoor eenter dumm
fir d Politik syyg yych no z jung

Me ka jetz scho - s isch nit zem lache
au Kinder ganz synteetisch mache
es glappt zwoor noonig jeedesmool
s Hiirni blybt schyynts mänggmool hool
die, wo soo drnääbe groote
haisse hittigsdags Chaote

Bi dr NASA schreyt ain ganz uffgreggt:
y haan e nei schwaarz Loch entdeggt!
vom Hubble-Teleskoop uus gsee
isch daas Loch ganz dytlig z gsee
soon e Sensazioon git s sälte mee
jetz zaigt är s Bild em Nicolier
dää lacht und rieft: ojee, ojee!
mach doch nit soon e grooss Grageel
dasch doch dr Chienbäärg, du Kameel!



von atzge - am 09.03.2006 08:12

Schmiirfingge





Im Bischtum kocht e Gfliigelsuppe langsaam vor sich aane
In Röschenz schreit me Sabo-tasch, das isch doch nur Schikaane
Em Koch dämm waggst e Fääderglaid, do sin mir aber froo
So Vyycher mues me yynespeere, und nimme use loo

Dr Ospel zieht no Wollerau, will zinftig Styyre spaare
Mir hoffe doch ass siini Frind, au deert sich um ihn schaare
E soone Umzug isch jo diir, mir wurde ihm gärn spände
Dr ganzi Stutz vom Schnabelbryys, denn duet die Gschicht mool ände

Mit blaue Disch und gääle Stiehl, e Palme und Mimöösli
Drei Sunneschirm in rot und grien, e Vaase mit me Röösli
Mir finde das nit halb so schlimm, estethisch no im Glaare
No besser als die Waalplakat, mit dääre Zanolaare.

Dr Jugend iir Kultuurfest isch, e riise groose Frust
Dr Wirtverband dä redet so, das bringt doch nur Verlust
Sits schiffe duss e Fufzger koscht, as glaine Tip vo uns
E Pissoir mee in jeder Baiz, bringt Stutz mit jedem Brunz.

Dr Äschbi sait zem Epiney "Du etze han is duss"
Bi dääne änge Sitzplätz isch's im Joggeli e Gnuss
Dr Elton John as Fuessball-Fään maint zu sym Schatz "kai Gfaasel
Dr näggschti Matsch wenn d'Wärmi bruuchsch dää luege mir in Baasel

Mir Schwyzer sin jo wältbikannt, mir sin e Raridäät
Ob Rolex oder Omega, mit steen fir Qualidäät
Jetz hän die Diirgge uns entdischt, dien haillos iibertryybe
Und dien vor unsre Uhre jetz sogar e H no schryybe

Suechsch Glaider, bitz modäärn und schigg, muesch in dr Freie schoppe
D'Finanzschongglöör aller culöör dien deerte au gärn stoppe
Dr Ackermaa zer Behringsfrau &Mac226;Di Maa derf nimmi knaiffe!
Am beschte machsch em jetz e Glaid mit scheene schwarz-wyss Straiffe!

Jetz dien die "FIFA-Santigläus" dr Benni Huggel Speere
Das syg nur wäg em Blatter Sepp die hän e Spleen die Heere
S'wäär besser gsii dr Zubi hät dä Tritt in Arsch begange
No hätt dr Köbi Kuehn jetz ein im Gool wo d'Bäll kaa fange

Dr Vosseler sait zer Frau Frey my ganz lieb Saskia-Schätzli
S'isch truurig wie me's macht de Baim jetz stehen sy nimm am Plätzli
Du hättisch miesse aane goo und's länger deerte tryybe
No hätte si vor lutter Schregg denn s'Fälle glatt lo blyybe



von atzge - am 09.03.2006 08:13

Sechbeggi





Unseri BAZ, isch Vor dr Wiehnacht hämmer miese arg studiere
Je wie wämmer unser Bäumli dekoriere
Dorum dien mir uns ganz klaar,uff ains beschrängge
Und dien dr Schorsch vom Haafebeggi anehängge

D'Calmy-Rey die macht e myserabli Falle
Do hett'ys s'Dreyfuess-Ruthli doch no besser gfalle
an dr Gosche und dr Mähne'jo do mergges alli gli
das ka nur em Dimitri,oh Schregg,sy Zwillings-Schwester sy

D'Barbara Schneider -- die isch bi dr Ha-ne-ro
Im Bluse naije,ouw-wouw-wouw,gross use ko
Mir finde das isch wirgglig toll,aber looset im Vertraue
Uns Drey isch es nämmlig lieber, Si duet näye anstatt baue

Am Jugend-Wältfescht-Kirche-Daag,duets gruusig Kroose
Do hetts e'mängge Kirchefürscht ganz böös verbloose
Nur dr hailig BENEDIKTO het juhui dä gueti Maa
Mir drey hänns am Färnseh gseh,ganz bestimmt kai Kappe-n-aa

E mängge Schuggerboschte, isch jetz am verschwinde
Dr Megge Meier ka sy Schloofstell nimme finde
In Zuekunft muess Är amme, jee das isch zem gruuse
Wenn`r mied isch, uff-em nägschte Bänggli pfuuse

Mir Sechbeggi sammle-sammle-sammle-sammle
Fir s`Stadt-Casino und firs Bähnli vo de Rammle
Au sammle mir fascht alli Daag, fir jedes Doddeli
Als neyschte Gägg do sammle mir im Drämmli Foddeli

Unseri Fuessball-Natzi schudded, das sin Sache
Langsam sin au unseri Schy-As, am verwache
Und wie dr Küttel gumpt, sau-wyt, so wämmer meine
Nur als Bundes-Presi blybt dr Leuebibs, e' Glaine

Dr Hansli dued sich in dr erschte-Klass beschweren
Warum müssen wir,das kaiben Hauchdeutsch lehren
Schliesslig ka Herr Bundesroot: " der mit der Glatzen
am Fernseh über die Finanzen, auch nicht schwatzen"



von atzge - am 09.03.2006 08:14

d' Uffeschtuehler





Dr Guschbää sait - ich due saniere
by dr - Ah…Ha…Vau…
e ganz ney Gsetz - daas han ych gmacht
es gilt fir - Maa und Frau
ych muess daas nur noo - duuresetze
by Kollege - und Bundesgricht
denn darfsch ab fuffzig - by root iber d'Schtroos
yber sächzig - ischs denn Pflicht

Alaarm in Ziri - s'scih Bangg Yberfall
dr Gängschter - nimmt zwai Gaisle
d'Schugger sinn - mit Muusig koo
dr Gängschter hett - s Hinterdiirli gnoo
sy warte zirkaa - sibe Schtung
gehen hai ganz stolz - goo feschte
jää Zircher sinn - noo Pisa Tescht
offiziell - die Beschte

By dr Beate Uhse - in dr Clarastroos
im Laade - die Sach isch haiss
steehn säggs Schugger - ai Fyrweehrmaa
und mache schambaar - Mais
ych haa dänggt - dasch e Razzia
die steehn saudumm - im Gländ
doch sy wänn - nur ebbis kaufe
und händle - um Staats Prozänt

ych Achmed krass - bin Basel koo
an Dutschlandgränz - waisch Bässler gut
woo Babyyr gitt - in Asylhaim
drum mir gfallt doo - und gooht au gut
ych integriert und - Faasnacht mach
mit Mustafa, Ali - und Aische
bänggschnitzel fertig - sinn alli frooh
muess Achmed näggscht Joohr - widder koo.

alli Veegel - sinn uff Basel koo
uss Ziri - und Umgääbig
d'Trottoir-Amsle - sinn au scho doo
sinn frooh - sinn sy noo lääbig
ganz bruttaal - mache d'Zircher jaggt
wääge - dr Vogelgribbe
sofort sinn alli - uff Basel gschtartet
nur dr Eemuu - hett zlang gwartet.

Graad - isch e Mäldig ynekoo
vom Ratzi - im Vatikaan
är isch graad - zer Ysicht koo
und syg - ab hitt humaan
s'draage vo kondoom - isch ab jetzt erlaubt
fir alli syni - Scheefli
waas doo demitt - nit mache derfsch
sinn jeegligi - By Schleefli

Gescht z'Oobe im Schluuch - am Masgge-Ball
hett gschpielt - e Rääntner-Bänd
woo ych dopfniechter - zer Baiz ussgang
stooht mir e Dotsch - uff d'Händ
ych schtand denn uff - und lueg dää aa
und saag - duu bleede Wicht
y drill my um - will haimzuegooh
doo gumbbt mir d'Schtroos - ins Gsicht.

Mir fraien is scho - uffs s näggschti Joohr
uff d Faasnacht scho - ganz gryysli
denn singe mir - doo inne denn
in dääm glaine - Hyysli
sisch furchtbaar äng dinn - kaasch mers glaube
und schmegge duets - ganz gruusig
doch doo yyne - kunnt sicher nitt
ai ainzigi - Guggemuusig.

D'Meedie hänn - en Umfroog gmacht
vo Basel bis - Sangt Galle
welle Schwyzer - isch dr Bescht
hett allne - am beschte gfalle
s'isch dr Gooly - Zuberbieler
s'Volgg ihm - d'Schtimme bringt
äär hett sogaar - en aige Lied
woo ganz Basel - singt ………
……… die Hände zum Himmel es isch soo wunderscheen
………wenn dr Kööbi und dr Gross my in Kischte leehn
……… und die Hände zum Himmel es isch soo wunderscheen
……… wenn d'Balle am e Matsch nir zwische d'Finger geehn



von atzge - am 09.03.2006 08:14

Weggli-Buebe






em Bischoff Koch vo Solothurn duet's gruuuse
belegt dr Pfarrer Sabo mit em Bann
är hett em gsait wenn du nit folggsch fliegsch uuuse
s'nützt nüt - dr Kirchewandel isch im gang
am beschte gseh'schs im Vatikan - mir schtuune alli vier
jetzt gitts wäge däm Schwoobepapscht - schtatt Mässwyy nur noh Bier

Pandemie - unbekannti Süüüüche
fir d'Menschheit do wird's langsam kompliziert
jetzt gitt's e neyi Grangget - s' goht an d'Psyyyyche
sy hett dr Zuberbühler infiziert
s'isch nit d Vogelgrippe nai - das wär nur halb so schlimm
är hett s' Dernäbelängsyndrom - schprich jede Schuss isch dinn

zem s'Pilotebrevet kenne z'grieeege
muesch lang in d'Schuel und alles ohni Lohn
schaff'sch by der Swiss muess wenig Gäld dir gnieeege
worum fiehrt ys das nur zum Raymond Cron?
jo dä verdient doch gnueg - und wenn's nit längt denn duet är's biege
s'isch nur will dä bym BAZL sötti - gratis lehre fliege

d'Schwyzer Nati - jo das freut ys schuuurig
die hett sich gäge d'Türgge duuregsetzt
jetzt sin die dert am Boschporus ganz druuurig
und hänn derwääge alli d'Mässer gwetzt
jetzt gitt's denn noh ne Schtaigerig - jo das wird richtig gschpässig
denn wenn se d'EU au nit will - was mainsch wie sin die hässig

Politisch nit korräggt - s'isch kuum z'ertraaage
d' Moral die goht an Arsch ganz peu à peu
das goht doch nit - nai pfui - uns platzt dr Kraaage
dr Saskia ihre schafft im Milieu
jetzt wüsse mir doch ändligg - pscht…mir dien's ganz lysligg singe
wämm mir denn nach em Schaffe als - dr letschty Schtutz dien bringe

z'Basel hett me scheeni neyi Drämmli
die bräche zämme vor sy roschte dien
mir maine doch d'Combinodrämmli nämmli
mit Klima und höchscht elegantem Grien
die letschte zwei sin bis jetzt nonig - vomelai verreggt
drum hett se ain am Barfi unde - im Schloof no zämmegleggt

im Schwoobeland es duet nit iiberrasche
herrscht aimool meh scho wider d'Euphorie
im Fuessball dät me d'Gägner klar vernasche
und glaubt me wurd denn Worldcupsieger sy
doch nimmsch d' Frau Merkel als Symbol-die risst denn als e Schnutte
denn muesch kai Angscht ha-nai- do waisch genau wie die denn schutte

als Schnitzelbänggler sotsch dy nit verdinge
am Schnaabelbryys fir Gäld uff d'Bühni stoh
doch fir e guete Zwägg do derf me singe
drum dien mir uusnahmwys jetzt das Johr goh
dr Gwünn - he Marcel Ospel - e Griessli an die neyi Frau
bringe mir dir zem Stüüreschpare - sofort uff Wollerau

die Dütsche wänn ys z'Rieche zimpftig schelle
s' gooht um die gruusig bleedi Zollfreyschtrooss
die frooge nim - die dien ganz aifach felle
d'Empeerig die isch z'Basel zimmligg gross
das sett me nit so äng gseh - denn die scheeni neyi Schtrooss
fiehrt d'Schwoobe an dr Schtadt verby - jo das isch doch famos

um ys vor dr Vogelgrippe z'schütze
hänn mir e Packig Tamiflu uns kauft
mir hoffe dass das Mitteli duet nütze
bevor die Grangget usem Rueder lauft
die Angscht muesch ha, denn syt de Wahle - es isch unerklärligg
hett's im Roothuus scho drei Hiehner - jo jetzt wird's langsam gfährligg



von atzge - am 09.03.2006 08:15

vo fcb.ch (gsammleti Fuessballvärs)





Im Siestahotel Merian, jo s isch fascht zem lache,
kenne gstressti Aarbedslyt e Midaagsschleefli mache,.
Zwai Altbekannti geen sythäär dääglig uss und yy,
d Yakin Brieder mache deerte d Füüsiotherapyy.

Hätti d Schwyz vor duusig Joor scho d Alinghi kaa,
wääre mir d Entdegger gsii vo Südamerikaa.
Dr Ronaldinho wäär denn Schwyzer, jetzt wird d Gschicht geniaal,
mir glopfe d Schwoobe siibe null und gwinne dä Finaal.
(Schuumschleeger)

Dr Herr Präsdiänt vom FCB
Jä so aine hett's doch gäh in dem Varieté
Wo jetzt nimm Präsidänt sy wett
Ich waiss gar nimm wie dä ghaisse hett
(D'Clochard)

Y find’s guet, hett dr FCB dä Japaner kauft
Well’s in dr Verdaidigung jetze vyyl besser lauft
Bi jedem Stiirmer verbeugt sich dä und sait mit Lache
«Bitte walten mit schiessen, elst Foto mache!»


Waas die Gigi Oeri kah, daas kaa-n-y au
Sait sich d Esther G. – daas isch die Pittbull-Frau
Bald due-n-y als Presidäntin vo Bayern Münche walte
Dert «Kahn»-y legal e Kampfhund halte.
(Aigebreetler)

Si pilgerä zum Dalai Lama
uns gfallt dä halt, in sym Pyjama
Är stoht vor däne schlaue Gselle
schnurrt allewyyl, vom Spirituelle
E Ziircher schreit: "Das mues nöd si
bring due euis doch lieber s'Tschuute bi"

Dä Giggel het e riese Knall
mit Grippe - ganz e schwääre Fall
stoht nääb de Schue, duet sich veriire
und planlos umenander schwiire
mir aber lueges glasse a
dr Zubi isch no schlimmer dra
(D'Rambasse)

In Istanbul am Türggematsch mien d Schwyzer undeduure
Dr Streller griegt e Schutt in Arsch, dr Huggel haut s uff d Schnuure
Dr Grichting brinzlet Bluet und alli hänn sich enerviert
Drbyy hänn d Türgge nur e bitzli heftig gratuliert.
Dr Gimenez haut bi Nacht und Nääbel ganz verstoole ab
Dr Müller dä sait «au revoir» und kindet isserscht knapp
Nundebuggel zischt jetz d´Gigi gstresst zem Christian Gross
Alli geen – numme dr Murat wäärde mer nit loos.
(Rätschbääse)

Bi GC klappt fascht gar nüt meh
Kei Stadion kei Trainer das duet weh
Nur eins blibt derte no bim Alte
Ihri grossi Schnuure könne si bhalte.
(Gluggsi)

Fyyrlig sait dr Edelmaa zur Giggi Oeri:
Jetz han y gnueg als Bresidänt und dorum hör y
ändlich uff - do frooge miir ys under Fründe:
muess ain en Amt, won är nie gha het, wirgglig künde?
(D Zahnstocher)

No em Barag-Spiil, in der Diirggei,
gits in de Katakombe, e Schleegerei.
Der Benni Huggel, ligt uff em Buggel,
und dr Philipp Degen, isch freiwillig aane glääge.
Es boxt au mit, der Zuberbieler,
dä drifft zwoor nit, aber d L'Luft wird kieler.
Au dr Cabanas, het am schleegere spass.
Der Alex Frei luegt zue, dää duets nit jugge,
dää het jo kai Graft, aber är ka jo spugge.
Den gryfft bletzlgi, e Schiedsrichter y,m
noch ere Faadegraade, isch au das verbyy.
Noo däm den äntlig, kai Fuscht me fliegt,
het jeede Schwzher, e Pfläschterli griegt.
Nur dr Köbi Kuhn, sait konsterniert,
"Läckch, was isch den mit euch passiert?"
(dr Superbebbi)

Iirem «Zubi» haig me Unrächt tue
Hett sy Frau doo letschthii zwängt
Me saag anstatt dr Ball verwitscht
haig äär drnääbe g’längt
Sii kenn das aifach nit verstoo
Sy wuurd’s jo als erlääbe
Wenn äär als mit re zämme syyg
No läng er nie drnääbe.
(Dr Edeli)



von atzge - am 09.03.2006 08:20

Re: OT: E hampfle Bängg ... TV-Tipp

Danke Atzge für die "schriftlichen" Beiträge.

Ich habe die beiden "grossen" Sendungen am Montag und Mittwoch von Telebasel ex Video angeschaut. Ab Video, weil mir die Pausen zwischen den Vorträgen etwas auf den Geist gehen. Die Beiträge vom Mittwoch waren etwas besser, so meine Meinung. Ist allerdings immer Geschmackssache.

Die allerbeste Bangg-Sendung war allerdings "Schnaabelbryys 2006". Sehr empfehlenswert. Es geht Schlag auf Schlag und auch in guter Ton- und Bildqualität. Die Sendung wird heute Abend um 20.00 Uhr nochmals auf Telebasel gesendet.

Weitere Sendungen auf Telebasel
-Samstag 20.00 Uhr Querschnitt Drei Daag Offe
-Samstag 20.00 Uhr Schnaabelbryys 2006

Viel Spass wünscht Euch Betty Bossi. Ich arbeite nicht bei Telebasel ...

von Betty Bossi - am 10.03.2006 12:21
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.