Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
5
Erster Beitrag:
vor 10 Jahren, 11 Monaten
Letzter Beitrag:
vor 10 Jahren, 11 Monaten
Beteiligte Autoren:
Kopfschüttler, Rotblau, Latteknaller

Erläbnisbricht uss en Seggtor A(uschtereschlürfer)

Startbeitrag von Kopfschüttler am 05.12.2006 15:42

Tja... geschter hann-ych also mi Premiere im Seggtor A, samt Zuegang zum Buffet derfe erlääbe.

Ych stand ehrligg gsait halt nidd so uff gwüssi kulinarischi Höheflüüg und bi au kai guete Wyydringger. Und alles, was usem Meer kunnt, dörf nach mim Gschmagg au gärn dört inne bliibe! Ych ha mi drumm am Buffet zwar bedient, "zuegschlaage" hänn aber anderi. Alli die "Köschtligkaite" sinn aber sicher sehr guet gsi, wenn me's halt gärn hett. Nätt isch, dass s'Bier e Glaas drummumme hett und kai so gwagligge Plastikbächer :D

E fiehrendi Rolle hann-ych höggschte bim erfreuliggerwyys au vorhandene Glacé-Wägeli gspiilt. Au s'Desserbuffet isch kurz bsuecht worde. Es hett mi allerdings dunggt, d'Pause sig vyyl schnäller umme gsi, als sunscht! :confused:

Dangg-em alles in allem doch flotte Spiil vom FCB hann-ych mi nur an dämm dütsche Naasebär miesse uffreege, wo sine baide Kollege scho bi Matchbeginn erkleert hett, was denn ebbe die Muttenzerkurve dört äne die sinn, wo immer alles uff's Fäld abe schmaisse (es hätt nidd vyyl gfählt und är wär gflooge...). Am ominöse "Entschaidiggs-Spiil" gege Züri sig die ganz Muttenzerkurve uff s'Spiilfäld gseggled. Do hett's mer denn halt kurz dr Nuggi use druggt. Ych ha drumm minere Schwöschter (wo grad hinder dere Dumpfbagge gsässe isch...) lut und dütligg miesse saage: "Hejo waisch no: 6'000 Lüt us dr Muttenzerkurve hänn's Fäld gstürmt. S'halbe "A" isch au no gseggled, aber die hänn-mer denn nümm mitzellt". Vornedra isch denn dütligg ruhiger woorde und ych ha mi wiider könne uff dr Match konzentriere und GOOOOOL scho bin-ych s'erschtmool - e bitzeli elai zwar, aber nidd minder gfreut - gstande.

D'Plätz sinn laider - für mi Gschmagg - e bitzeli sehr nooch am Gäschteseggtor gsi. Me hett die laider besser ghört, als d'MK... immerhin hänn-mer d'Lutscher denn dr Gfalle gmacht, dass sie Liedli gsunge hänn, won-ych fröhligg ha könne ystimme. S'Lieblingslied isch gsi: "Alli Basler sinn coooooooool". Dr Sinn vom "Ho-o-opp Lausanne" hann-ych denn nidd ganz kapiert.

Mi Schwöschterhärz hett sich scho vor-em Match beklagt, dass ihre die Anti-Basler-Lieder amigs scho sehr uff dr Wegger gönn. Uff dr Vorschlag, si könn jo amigs au s'aind oder andere Liedli in Richtig Gäschteseggtor astimme, isch si nidd sofort yygangen. Und tatsächligg, bi mim "Hurra, das ganze Dorf ist da", hett niemert wölle yystimme. Apropos Stimm: D'Stimmig isch halt scho lasch und de maischte Zueschauer (!) isch s'Buffet fascht glyych wichtig (oder wichtiger) wie dr Match.

D'Nääme vo de Goalschütze sinn doch au do und dört mitgrueffe worde, s' "gaile Siech" nach em "Tschipperfiild" , isch aber nur vo mir koh. Do bruuchtis' no e bitz Entwigliggshilf! Die hann-ych immerhin am Dessertbuffet könne gäh. E fains Crémli im-e-ne Schäleli ka me au näh, wenn's kaini Däller fir drunter me hett! So isch doch mindeschtens ai Daame doch no in Gnuss vo dämm Dessert koh. Diennt doch um Himmelswille nidd so stiff!

Am beschte hett mer aigentligg gfalle, dass e Zytli nach-em Match denn no d'Spiiler uff-em Wäg in d'Yystellhalle durch d'Baiz, pardon, d'Lounge gloffe sinn. Em Chippy (bewaffnet mit sim Sohn uff em Arm) hann-ych e luts "Scotty! Well done!" entgegegschmättered und e fründliggs "Thank Ya" dörfe mit haime näh. Em Zanni hann-ych immerhin kai Höpperli gschtellt, wo är grad an mir duuren isch ;-) (Nai, Digge, hesch Di jo gstaigered, au wenn ych au in dämm Match ab und zue gfroggt ha "Pfanni wo?"). Dr Lupo hett schynbar nidd zum Mannschaftsbus miesse und isch drumm au dr ihm no beschtens bekannti Wäg gloffe. E glaine Tip vo mir: Frau Oeri, lüte-si dämm aa, dä würd zrugg koh!!!

Fazit: Isch doch emolle interessant gsi. Aber wäggsle möcht-ych wirgligg nidd.

Antworten:

Und alles, was usem Meer kunnt, dörf nach mim Gschmagg au gärn dört inne bliibe
Hoffentlig hett's sunsch no gnueh gha.

e bitzeli sehr nooch am Gäschteseggtor gsi. Me hett die laider besser ghört, als d'MK...
Dasselbe Schicksal trifft alle Zuschauer, die in den Sektoren A und B in der Nähe des Gästesektors sitzen.


Dr Lupo isch au dr ihm no beschtens bekannti Wäg gloffe. E glaine Tip vo mir: Frau Oeri, lüte-si dämm aa, dä würd zrugg koh!!!
Um Himmels Willen, nur das nicht. Auch gestern demonstrierte er Alibi-Fussball in Reinkultur. Er meidet Zweikämpfe wie der Teufel das Weihwasser oder wie Häiländer die CH-Nati.



von Rotblau - am 05.12.2006 18:54
Rotblau schrieb:

Zitat

Auch gestern demonstrierte er Alibi-Fussball in Reinkultur. Er meidet Zweikämpfe wie der Teufel das Weihwasser oder wie Häiländer die CH-Nati.


Nix neues im Staate Rotblau :D Dr Lupo isch villicht nidd s'Zwaikampfmonschter, aber är ka derfür au emolle uff dr Ball stoh und denn e gute Ball spiile, wo sogar akunnt...! Bi dr Fählpassquote in letschter Zyt e gueti Sach.



von Kopfschüttler - am 05.12.2006 19:12
Jä, dass kha er alles, aber ebe nur wenn er nit in Bedrängnis isch. Er ich vom FCB praktisch niä vortscheggt worde, zu sim Glück.



von Rotblau - am 05.12.2006 19:39
Kopfschüttler schrieb:

Zitat


D'Plätz sinn laider - für mi Gschmagg - e bitzeli sehr nooch
am Gäschteseggtor gsi. Me hett die laider besser ghört, als
d'MK... immerhin hänn-mer d'Lutscher denn dr Gfalle gmacht,
dass sie Liedli gsunge hänn, won-ych fröhligg ha könne
ystimme. S'Lieblingslied isch gsi: "Alli Basler sinn
coooooooool". Dr Sinn vom "Ho-o-opp Lausanne" hann-ych denn
nidd ganz kapiert.

brüller :joke:



von Latteknaller - am 06.12.2006 16:25
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.