Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
5
Erster Beitrag:
vor 10 Jahren, 11 Monaten
Letzter Beitrag:
vor 10 Jahren, 10 Monaten
Beteiligte Autoren:
dr Dave, atzge, Betty Bossi, grufty, Fanti

Zem Jooreswäggsel

Startbeitrag von Fanti am 31.12.2006 13:03

My perseenlig Highlight bim spontaane Zruggdängge an's vegangene Joor isch dr Momänt gsii wo uff em Wääg vo Stonehaven noch Dunnottar s entsprächende Castle us em Nääbel uffdaucht...



Dr Diefpunggt vom 2006 isch nadierlig dr 13.5. - was sunscht... :-(

Und 2007? D Vorfraid uff's Runrig-Openair in Drumnadrochit am 18. Auguscht isch jetz scho riesig, das deerfti aine vo de wenn nit yberhaupt dr Heehepunggt vom neie Joor wäärde...



S Fantis wintsche alle Poetinne und Poete e guete Rutsch in's 2007 - Slàinte mhath!

Antworten:

Am meischte bloggt im 2006 het mi d'Gringschätzig, wo mir e aigentlig gachteti Person entgegebrocht het, am meischte gfreut het mi drgege d'Frau Bigler, wo mr zeigt het, dass me drgege bim FCB mi Aarbet doch het möge schätze. Und im neue Joohr freu i mi uf d'Uufholjagd vom FCB und hoff, dass dr ainti oder anderi Publikumsliebling und Identifikationsfigur no lang bliibt.

Ich wünsch s'Fantis und allene andere Poete au e guete Rutsch in e perseenlig erfolgriichs 2007



von grufty - am 31.12.2006 14:22
Ich kenne Barbara Bigler seit vielen Jahren persönlich. Sie war immer sehr hilfsbereit und macht seit ca. 10 Jahren einen guten Job beim FCB. Ich wünsche ihr viel Befriedigung in der neuen anspruchsvollen Aufgabe als Geschäftsführerin.

von Betty Bossi - am 31.12.2006 15:31



E-n-Ibergang winsch ich vom Fyynschte,
fyr die Greeschte und die Glyynschte,
die Lyyse und die Lutte,
die Casuals und die Kutte,
die Junge und die Alte,
die Haisse und die Kalte,
die Cüplischlirfer und die Biervernichter,
die Motzer und die Värslidichter,
die Aggt- und die Passive,
die Fyyne, die Massive,
die Nichtern- und die Bsoffne,
die Mit- und Nitbetroffne,
wo steehn joohruss, joohryy,
fyr dr FC Basel yy!



Happy landing in '07!

von atzge - am 01.01.2007 02:07
e guet's neu's



von dr Dave - am 02.01.2007 06:35
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.