Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
1
Erster Beitrag:
vor 10 Jahren, 9 Monaten
Beteiligte Autoren:
Mayor

Matchbricht Arsenal-Bolton

Startbeitrag von Mayor am 30.01.2007 12:50

Bi widr zrugg vo London und muess sage dä Match isch e Erläbnis gsi!

Bim aanelaufe scho dä Blick uff die wunderbari Schüssle. Vor em Satdion isch e regs due gsi. Vieli Lüt mit und ohni Sixpacks, no die letschti Siggarette rauchend am umestoh. s Yynelaufe isch denn e loggeri Sach gsi. Yygäng noch und nöcher, kontrolliert sin nur die worde, wo e Däsche, oder e Sack bi sich gha hän.

Denne de Yymarsch durch d "Katakombe" an unseri Plätz. 15. Reihe binere schwache Styygig - Top-Plätz. Grad bi mir unte an de Linie sin de Senderos und Henry zämme am uffwärme gsi. Ha denn grad emol e luts "Philiiiipppe" duuregäh, woruff är doch prompt schnäll zue mir uffegluegt hett. Leider hettr nidd könne erkenne, dass ych uss em glyyche Land kumm wien är ;-)

Wie in Ängland ieblich, hett sich s Stadion erscht kurz vor Aapfiff richtig gfüllt. Aber denn dä Aablick - eifach HAMMER! De Match isch eigentlig rächt schwach gsi. Aber denn noch de Halbzyt - vorallem noche em 1-1, isch es denn abgange. Dä Lärmpegel isch scho krass! Ha denne sogar richtig mitgfieberet gha (obwohl ych kai Arsenal-Fan bi). Leider hetts nümm zum Siegesträffer glängt.

Muess sage: s Ganzi isch scho rächt beidruggend! Es hett sogar immer widr Versiech z gäh, vo de Kurve e bitz Stimmig mit Gsäng z bringe, aber leider schaffe die das in Ängeland halt nidd. 90 Minute Duursupport mit Gsäng kenne die dört nidd. Aber immerhin: Stimmig ka uffko wenn Arsenal im Aagriff isch und ei Wälle an de ander startet.

Fazit: Isch ganz e tolls Erläbnis gsi und freu mi e anders mol widr (viellicht mit anderne Teams) in Ängland an e Match z goh.

Cheers

Antworten:

Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.