OT - Yybrigens

Startbeitrag von Mayor am 05.02.2007 11:08

Gratulation an d Seibianer do ynne! Ihr hännd jo am Offizielle gaaar nidd sooo schlächt abgschlosse, wenn me de Medalliespiegel aaluegt...;)

:cheers:

Antworten:

Vyyle Dangg fir "d Blueme"!! Speziell isch nadierlig dr Hattrick vo dr Dambuure-Gruppe; doodermit deerf d Seibi dr Wanderbryys bhalte - wo si vor nyyn Joor sälber gstiftet het! Yberhaupt sinn mer in dääre Konkurränz scho no rächt erfolgryych: es het in de Achzger, in de Nyynzger und jetz im aggduelle Johrzähnt je e Hattrick gää duur d Seibi-Dambuure.

Nit z vergässe sinn aber au d Naarebaschi wo eppe glyych abgruhmt hänn wie mir. Si stelle jo mit em Sämi Meyer au dr abselut verdient Drummelkeenig.



von Fanti - am 05.02.2007 12:08
Wenn-mer scho bi fasnächtligge Theme sinn:

D'Kopfschüttlers sinn geschter am Pfyfferli gsi. Uns hetts sehr guet gfalle! :spos:



von Kopfschüttler - am 05.02.2007 12:13
Zitat

Uns hetts sehr guet gfalle!

Ahjää, "drotzdäm"? ; -) Glaini Aneggdote am Rand: am Pfyfferli sinn jo nit immer die glyyche Muusiker im Yysatz. Syt geschtert sinn fir die näggschte zwai Wuche Seibi-Dambuure und -PfyfferInne draa. Drei vo de vier Drummler wo geschtert gsee hesch sinn unseri "Hattrick-Gruppe", und Du kaasch Dir jo vorstelle dass die noch iirem Sieg am Samschtig no zymftig gfyyrt hänn. Wo ych u.a. mit iine am Sunntig demoorge am Sächsi zem Antygge-Käller uuse bi sinn si "no e Huus wyter", ych alte Maa ha definitiv miesse go pfuuse... ;-)



von Fanti - am 05.02.2007 12:25
Klar!

S'Highlight isch jo au s'Lied «Vo de Wääge kunnt dr Sääge» vo dr Colette Greder gsi! ;-)



von Kopfschüttler - am 05.02.2007 12:30
Yep! Dr Sämi isch e glungene Typ - liegt wohrschyyns am Nochname...;)

Y weiss dass d Seibianer erscht ab däre Wuche im Pfyfferli sin. Aber defür han ych letscht Wuche de Singvogel im Goschdyym vom Hansli (Anneli und Hansli) dörfe gniesse.



von Mayor - am 05.02.2007 13:01
Zitat

Drei vo de vier Drummler...


glaine yyschuub: aigentlig sin nur 3 dambuure blaant am pfyfferli, so hämmer das mit de streifer zemindescht die letschte 2 wuche gmacht gha und die 10mol won ych uff dr biihni gseh bi, hämmer das als trio zelebriert. aber wär wais, villicht het sich e quartett geschter geegesittig miese stitze ;-)



von maischter proper - am 05.02.2007 13:38
...ha ych nit gwysst, ych ha si amme z Viert gsee Iebe und ha doodruss gschlosse dass au vier uff dr Bihni sinn. Ych nimm aa si sinn au z Dritt uff dr Bihni und dien halt amme abwäggsle. Wobyy geschtert e Vierte ellai wohrschyynlig nit glängt hätt zem Stytze... ;-)



von Fanti - am 05.02.2007 13:41
schbeggbredd lachen:



von maischter proper - am 05.02.2007 13:55
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.