Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
11
Erster Beitrag:
vor 10 Jahren, 10 Monaten
Letzter Beitrag:
vor 10 Jahren, 10 Monaten
Beteiligte Autoren:
Fanti, Faninho, Chrättli, Tuborg, Kopfschüttler, maischter proper, grufty

ROOOOOOOOODSCHER!!!!!

Startbeitrag von Fanti am 10.09.2007 06:04

Gaile Siech!



S Uffblyybe bis zem Sieger-Interview het sich mee als glohnt und doorum die glaine Äugli demoorge im Büro sch****egal! :D

Antworten:

Respäkt, mir sin go ligge nachem Matchball.

Beidruckend isch nid dass är besser spielt als alli Andere, sondern dass är immer denn am Stärkste wird, wenn dr Druck am Grösste isch. Wiener denn eifach mit Wille und ere unheimlige Eleganz dr Punkt uf sini Site zwingt, wenns am Nötigste isch, DAS isch die grossi Klass vo däm Spieler. Eleganti Spieler gits, mental starki Spieler gits und trainingsflissig Spieler gits au. Är isch ebe alli 3 Sache und das machten so einzigartig.

Gester het me's ideal gseh, 2x ins TieBreak ko us brenzlige Situatione use und im Satz 3 ohni Fäderläse dr Sack zuegmacht, do zeigt sich d'Grössi im Kopf vo däm Ma. Isch kei Zuefall dass är 19 vo 20 Tie-Breaks für sich entscheidet und au so knappi Spiel wie Halbfinal/Final jetz am US-Open in 3 Sätz hei bringt. Isch au wemme bitz sportpsychologisch die beide Spieler ufem Platz beobachtet extrem interessant. Geste/Optik/Reaktion/Mimik usw, do seht me's überdütlig, was d'Grössi vom Roger usmacht. Do kame nur dr Huet zieh.

von Tuborg - am 10.09.2007 06:23
Dr erscht Satz han i in dr Stuube gluegt, denn bin i ins Bett und ha dr zweit Satz liigenderwiis gluegt. Ha denn gfunde, jetzt ischs Zyt zum pfuuse - aber nach 10 Minute hellwachem umedrülle han i dr Färnseher wiider aagmacht und au no dr Räscht gluegt. Es hän glaub beidi meh Fehler gmacht als iiblig - aber ebe, dr Roger het im entscheidende Momänt die Fähler denn ebe doch nimme gmacht. Vor allem bewundere ich si absoluti Rueh. Är losst sich weder durchs Gestöhne vo siine Gegner (v.a. Nadal) no durchs 100x bällele vor em Uufschlag vom Gegner (Mann, i hät däm Kovak am liebschte dr Ball wäggnoh und ihm gseit, äntwäder schloosch jetzt uuf oder gosch hei! ;-)) us em Konzept bringe; mi bringe so Mödeli schnäll uf 180... :rolleyes:

von grufty - am 10.09.2007 07:46
Zitat

Vor allem bewundere ich si absoluti Rueh

Isch mer in däm Match au speziell uffgfalle (dr Tuborg het sich jo au in die Richtig gysseret). Während dr Djokovic bi Fähler vo sich oder aber au "Zauberbäll" vom Federer amme rächt emozionaal reagiert und synere Entdyschig Usdrugg gää het isch dr Roger immer ruehig und "cool" blyybe - zemindescht gääge usse... ;-)

von Fanti - am 10.09.2007 08:22
es isch zwar nid ihm si sträkschte match gsi.. aber bi de entscheidente bäll isch er präsent gsi.. und dr andr hät ä riisä nerväflatterä gha.. - trotzdem, dass sell em zerscht eine nochemachä.. so dr match zgünnä wie das gescht passiert isch! geile siech!!

und irgendwie si jo beides winner.. dr Federer wegem titel und dr Serb weg dr Russin (scharapova).. guet me weiss jo nid was dört lauft.. aber dr hübsche russin hed me scho funkelndi augä agseh.. :-)

PS: dr Cohn hed au zimlig emotionä zeigt.. :-)

von Chrättli - am 10.09.2007 15:55

brüller!!!

zitat: "dr nadal und dr tschoggovitsch selle zerscht emolle s'nummer 2 unter sich usmache..."

LONG LIVE KING ROGER :D

von maischter proper - am 10.09.2007 22:07

Re: brüller!!!

Ha au grad miesse gröhle, wo är daas gsait hett.

S'git jetzt sicher ainigi, wo daas als Afluug vo Yberhebligkait wänn interpretiere, aber wenn-me ehrligg isch, hett är aifach rächt und alles andere wär zur Zyt falschi Beschaidehait.

Ych ha's genial gfunde, wie är daas härzerfrüschend und schicht ehrligg gsait hett! :D

von Kopfschüttler - am 11.09.2007 07:59

Re: brüller!!!

:-)

in interviews so cool wie auf dem platz!!

king rodscher, nicht der 1. sondern der einzige!!!

die nächsten ziele: olympia-sieger, davis-cup gewinnen und paris gewinnen, dazu die 14 grand-slam siege von sampras egalisieren und möglichst lange die nummer 1 bleiben :-)

von Faninho - am 11.09.2007 08:00

Re: brüller!!!

Zitat

dazu die 14 grand-slam siege von sampras egalisieren

Nö-ö, yberdräffe isch aagsait ;-)

von Fanti - am 11.09.2007 09:06

Re: brüller!!!

isch geil gsi.. sowiso, mit weller stoischer rueh er das ganze über sich loht lo ergoh isch scho nid leid.. am timesquare ä fotosessions etc. und den git er em sf sone locker flockigs interview.. guet vilicht freut er sich eifach jedes mol wenn er ä schwizerdüschtes interview cha geh.. odr er isch eifach effektiv immer so druf.. - er isch eifach genial..

Pro stehendi ovationä bim nögschtä Matchbsuech vom King roddscher..

von Chrättli - am 11.09.2007 13:12

Re: brüller!!!

ich denke auch dass er es geniesst wenn er wieder einmal sprechen kann wie ihm der schnabel gewachsen ist.
habe aber bei englischen interviews nicht den eindruck dass er gross nervös wirkt :cool:

von Faninho - am 11.09.2007 14:11
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.