Sensationnelle Täggscht vo dr Haafehuere (im parlamänt)

Startbeitrag von Mätzli am 17.08.2009 12:32

Zer Melodie "im Auto vor mir fährt ein hübsches Mädchen", iber d'Amateur bim SFV!:

Im Wagen vor mir...

--------------------------------------------------------------------------------

..fahre dr Studer und dr Bürgy:

In Muri teilt dr Einzelrichter Studer
E Büro mit em Bürgy Odylo
Fuesbballerisch kei Blasse
Ihri Stärki sig schynts s’Jasse
Entscheide si moll so und denn eso

Rätärätä, tärätärärä, rätärätä, tärätätätä

Zum Bischpiel wär e Matsch im färne Jura
Im Winter gits schynts hi und wieder schnee
Doch dä wo dr pflueg cha fahre
Macht grad frei uff de kanare
Ganz logsisch hets e wiederholig gee


Rätärätä, tärätärärä, rätärätä, tärätätätä

En anders moll, bitz östlicher z’sangalle
Wär au e fuessballmätschli zobe buecht
Doch leider funze d’lampe
Nit bi dene güller schlampe
Für sie isch’s klar, dass mes nomoll vrsuecht

Rätärätä, tärätärärä, rätärätä, tärätätätä

Denn schutte mir dehaime gege ge ce
E fuessballfeschtli z’basel an mym ry
Do griegt die borer-tugge
E leer tetra-pak an rugge
Für sie isch klar, eso darf sport nit sy

Rätärätä, tärätärärä, rätärätä, tärätätätä

Dr blick isch in dr allererschte reihe
Vrurteilt, fordret, schimpft und propagiert
Me muess das stadion sperre
Finde au die feine herre
E klar exämpel wird jetzt statuiert

Rätärätä, tärätärärä, rätärätä, tärätätätä

Dr fcb dä het e schwarzi perle
Dä schiesst in bärn e wunderschöne topf
Är duet sich zimmli freue
Doch scho bald grad au bereue
E füürzüüg trifft ihn zimmli hart am kopf


Rätärätä, tärätärärä, rätärätä, tärätätätä


s’isch nit so schlimm, das sinn halt emotione
au schiris falle z’bärn halt mängmoll hi
doch denne wird die wunde
halt mit pfläschterli vrbunde
s’urteil muess im sinn vom sport au syy


Rätärätä, tärätärärä, rätärätä, tärätätätä


dr fcz dä schuttet gege gülle
und luege dört nach 90 minute y
denn miens ne ums verregge
die drei pünggt ins füüdle stegge
schlussändlig cha nit sy was nit darf sy

Rätärätä, tärätärärä, rätärätä, tärätätätä

bi thun dört schuttet dr armand deumi
ob schwarz oder wyss das isch doch obsolet
mit absicht trampt denn sälle
unsrem petric voll in d’schälle
me cha nit alles strooffe was me seht…

Rätärätä, tärätärärä, rätärätä, tärätätätä

und jetze chunnt dr absoluti gipfel
drei sunntig für dr costanzo franco
so wies dr blick het welle
miend ihr eure kaschte stelle
het euch dr letschti funk vrstand vrloh?

Rätärätä, tärätärärä, rätärätä, tärätätätä

Die letschti strophe die isch zimmli simpel
Wills mir nur no um euch z’beschimpfe goht
Hueresöhn, das sinder
Und ich glaub ihr stönd uff kinder
Sisch wohr, ich hass euch zwei bis uff e tod

Rätärätä, tärätärärä, rätärätä, tärätätätä
__________________

Antworten:

.. die näggschti Strophe us agtuellem Aaloss vo mir

Dr Margairaz, die Lettestricherschnalle
foht nid mol 6 Daag speeter z'Sitte aa
Si knochig Stricherarm im Falle,
Im Gägner voll in d'Frässi z'knalle
Är waiss, dr Studer nimmt en ainewääg nid draa
rätä rätaterä...

Är maint, dr Schiri haig das halt lo gälte
e Mahnig haigs drzue jo sogar gäh
Dr Verband syg doch kai doofe
pletzlig d'Stricher go bestroofe
das kennt ne d'Chance um dr Kibel nääh!

rätä rätaterä...

von Mätzli - am 17.08.2009 13:13

Re: .. die näggschti Strophe us agtuellem Aaloss vo mir

Saggstargg!

Jetzt nur no Xamax durch Sion ersetze... ;-)

von Bahndämmler - am 17.08.2009 14:49

Re: .. die näggschti Strophe us agtuellem Aaloss vo mir

Oops. messi!

fait.

von Mätzli - am 18.08.2009 06:30

Re: .. die näggschti Strophe us agtuellem Aaloss vo mir



My 2 Cents.

Mit lychter Verspötig halt.....

Zur Melodie "I ha nes Zündhölzli azündt", vom Mani Matter:


I verzell Eych jetzt e Gschicht,
wo nidd ändet wie sie sott,
will dr falschi Wäg me wählt,
und so ärntet Hohn und Spott,
aber läsed das jetzt mol,
au wenn’s isch nidd wirgglig toll,
i glaub ihr nämmed die denn nochhär nimm fyr voll.

Z Basel gscheh im Ziiri Spyyl
uns're Gaucho gheyt voll dure,
grifft dr Beg Ferati aa,
nimmt dä voll grad an dr Schnuure,
dr Skandal dä isch perfeggt,
hett dr Bligg gly scho entdeggt,
und hetzt vo deert a jede Dagg denn ganz verregt!

Grad e halb Stund no-nem Spiel,
stellt dr Franco sich dr Press,
und entschuldigt sich denn au,
fyr dä Ufttritt, dä arg kess.
i find s gheert viel Muet drzue,
sowas öffentlig grad z due,
und i find me sott ihn loh jetzt au in Rueh.

Doch in Muri, däm bi Bärn,
kunnt dr Studer ins rotiere,
denn dä gseht deert drin e Chance,
dene Basler aini z schmiere,
isch vor Fraid scho ganz erregt,
kurz nochdäm er das hett cheggt,
das är isch dä wo ungstrooft jetzt ain niederstreggt!

Drei Spiel Sperri, das isch derb,
s wär humaner doch au gange,
bitzli Fyngfyhl hätt nidd gschadet.
und so stiegt jetzt das Verlange,
au mol alli Regle z bräche,
Unrächt au mit glychem z räche,
suggeriert uns Muri das sich lohnt Verbräche?

Au dr Ispruch wird nytt nitze,
dängg ich grad so vor mi ane,
denn me will nur Musggle zaige,
das macht hässig, nundefahne,
was isch das fyr e Inschtanz,
wo trotz heftiger Brisanz,
nur uffzaigt ihri aig’ni Ignoranz.

Ha verzellt Eych jetzt e Gschicht,
wo nidd ändet wie sy sott,
will dr falschi Wäg me wählt,
und so ärntet Hohn und Spott,
und so kunnt’s fyr die jetzt so,
wie au paar mol vorhär scho,
sie wärde in däm Land nimme ärnscht jetzt gnoh!


...oder so....


von atzge - am 26.08.2009 21:27
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.