Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
1
Erster Beitrag:
vor 8 Jahren
Beteiligte Autoren:
Kopfschüttler

Total O.T.: Wurumm YB Maischter wird!

Startbeitrag von Kopfschüttler am 29.08.2009 20:02

Morn z Obe wird IIIbäääh 13 Punggt Vorsprung uff dr FCB uffwiise und aschliessend souverän Richtig Maischtertitel zuestyyre. Dr Grund isch ganz aifach:

YB gwynnt nie e wichtigs Spiil! Morn isch es nur fir Basel wichtig z gwynne, dr Vorsprung vo YB isch so gross, dass si nidd wie sunscht immer nervösele mienn. Daas wird so no e ganzes Zytli aduure und plötzlig hänn si sovyyl Punggt uffem Konto, dass si Maischter worde sinn. Nadyrligg wärde si genau daas Spiil, wo sis zum erschte Mool uss aigener Kraft könnte schaffe, nidd gwynne, aber e Daag druff spiile denn die verbliibene Konkurränte und punggte au nidd. In dr näggschte CL-Quali schaitere si denn im Duell gege Dynamo Kirsischtai.

Konkurränz isch daas Joor drumm kaini in Sicht. Wärfe mer e Bligg uff die derzyt fir d Cucumber-League gmäldete Mannschafte:

Dr FCB bruucht no ca. 20 Mätsch, bis alli Spiiler wysse, wie si mienn laufe und wenn si wämm dr Ball mienn zuespiile. Je nach Ruggstand, wo me sich bis denn yghandlet hett, längts am Schluss no fir e Uefacup-Platz. Immerhin ka me in dr Winterpause e neye Hoose-Co-Sponsor präsentiere: "Emmentaler Käse". S Logo erschyynt allerdings nur uff de Trikot vo dr Vertaidigung.

Ziri zollt dr CL-Dailnahm Tribut. Me hett hytt scho gmerggt, das die ständige Gedangge an s Bernabéu, San Siro etc. butal belaschte, wenn me im Krüpplifäld oder dr Kehrsagg-Arena muess adrätte. D Millione keie jetzt vom Himmel, also was sell ych uff de CH-Grympelturnierplatz no Verletzige riskiere, um mi denn nidd im CL-Rampeliecht fir e guet zahlte Bängglidruggerplatz in ain vo de 12 europäische Draumligene kenne z empfähle...?

GC? Nai GC goht nidd! (Grundzipiell und wirgligg steere duets eh kaine)
Nach dr erfolgryyche Uffiehrig vom "Stärbende Schwan" uff dr Luzärner Allmänd, wärde d Spiiler dämmnäggscht ins Zircher Schauspiilhuus abdelegiert. Irgend so ne komische Vogel (:D) hett dert uss Versehe e paar Inseggte gfrässe, wo ersetzt wärde mienn. Siehe: [bazonline.ch]

Sion? Hmmmm. .. Spöötischtens in dr kältere Jooreszyt dramatische Laischtigsverluscht durch e Überdosis Fondue, Raclette, Wysswyy und Constantin.

Xamax: Hänn bald emolle die üsserscht hässlig grieni Plastikunterlaag im aigene Stadion satt und bringe drumm zu de Usswärtsspiil uff herrlich fryschem Raase d Camping-Ussrüschtig mit und mache sichs denn dermit bequem. Raise hingege entdyscht uss Bärn ab. Au nur Plastik. 3-0 forfait. Könnte alternativ zu dr obe beschryybene Situazioon d "Championship-Winning-Points" fir d Biene Mayas si!

Luzärn: Spöötischtens nach em Abgang vom Hakan (also entweder vor Ablauf vo dr internazionaale Transferfrischt ybermorn, oder denn halt im Winter...) wiider nur no in dr fir si vorgsehne Rolle als Punggtelieferant.

Bellinzona: Nätte Platz zum Ferie mache. Finde mit dr Zyt au d Spiiler und göhn mit entsprächendem Yysatz ans Wärgg.

Sangalle: Styyre unbeirrt in e finanziells Desaschter und könne d Stromrächnig nur no fir jewiils ai Halbzyt zahle. Nach dr Pause gohts Liecht ab und d Spiil wärde 0-3 forfait gwärtet. Usser daas gege dr FCB, daas wird ney uff e Zyschtig, 13.45 agsetzt. Sangalle gwynnt daas Wiiderholiggspiil durch e Penalty in dr 98. Min. Dr Zelli isch im Basler Stroofruum yber sini Hoor gstolpered.

Aarau: *lol*, Hey, mir reede vo Aarau!

In dämm Sinn: Cheers! :drink:

Antworten:

Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.