Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
5
Erster Beitrag:
vor 6 Jahren, 1 Monat
Letzter Beitrag:
vor 6 Jahren, 1 Monat
Beteiligte Autoren:
Fanti, Don Daniel , maischter proper , Captain Sky

Tipp FCB - Thun

Startbeitrag von Fanti am 02.05.2012 07:09

Team: Sommer; Steini, Kovac, Dragovic, Park; Beni, Yapi, Andrist, Stocki; A. Frei, Zoua

Uswäggslige: Cabral fir Beni, F. Frei fir Stocki

Resultat: 2:2

Gool: A. Frei, F. Frei; Schneuwly (je 1x)

Fans: 31'234

Und sunscht: gmietlig und "ooni Drugg" e Mätschli gniesse... :D

Antworten:

3-0

y wurd alli spiile losse wo mr wän bhalte, v.a. dr fibbe (usser em beni, dä drfyyr als capitano)...

...und denn geege GC die uffstellig wo soll am cupfinal spiile und dr pott uff e barfi bringe.

von maischter proper - am 02.05.2012 07:45

Re: FCB - Thun.....nooch em Match

Drotz alle guete Vorsätz: ewäng e "Kehrus-Mätschli" isch es halt scho gsii. Vo de sunscht nit esoo vyyl Yygsetzte hänn mir dr Andrist und dr Colomba am beschte gfalle. Dr zwait het ai Bogg gschosse won er kurz vor dr Pause e bitz unentschloose uusekoo und vom ainte Schneuwly yberloffe woorde isch, är het dr Fähler mit ere guete Parade aber denn sälber korrigiert. Ganz gross syni Abwehr gääge Ändi vom Spiil wo dr Milaim "Immer wenn ich iinegumme mach ich Goll" Rama ellai uff en zuegstyrmt isch.

Scho fascht traagisch-koomisch isch em Park si Aigegool gsii, abselut underhaltsam - au vo wytem - em Bernard "mais noooooooon" Challandes syni Gestigg, mir hänn uns halber kaputtglache ab em :-).

Myni Weenigkait het's gnosse wieder emool e Maischterschafts-Spiil abselut "unbelaschtet" gniesse z kenne, fir mi doorum unbegryfflig dass sich e Dail vom Bahndamm scho bald emool uffgregt und die aige Mannschaft uspfyffe het - Vollpföschte... :rolleyes:

von Fanti - am 03.05.2012 10:15

Re: FCB - Thun.....nooch em Match

Es war wahrlich keine berauschende Partie, aber insgesamt OK. Der Sieg war glücklich, aber angesichts der Tatsache, dass Thun kein Tor geschossen hat, nicht nur unverdient.
Ich konnte mit dem gezeigten auf dem Platz leben. Mit dem neben dem Platz habe ich hingegen Mühe: Da spielt vielleicht die beste Mannschaft der Neuzeit, feiert Erfolg um Erfolg und gewisse Leute sind immer noch nicht zufrieden. Für mich ist es völlig verständlich, dass nach dem Sonntag es etwas ein "Kehraus-Spiel", bewundernswert finde ich, dass es das erste dieser Art in der aktuellen Saison ist (nachdem es bereits grosse Siege gegen ManU und Bayern gab...).
Aber irgendwie habe ich mich auch ein wenig damit abgefunden, schliesslich höre ich jeden Match ein riesen gemotze. Normalerweise über Steini; gestern halt über den Lampenberg...

von Captain Sky - am 03.05.2012 10:56

Re: FCB - Thun.....nooch em Match

Das gepfeiffe führe ich teilweise auch auf die 25-Franken-Ticket-Eventbesucher zurück.
Es war ja sonst sehr gesittet diesbezüglich im Verlauf der Saison und es war nicht alles berauschend was wir gesehen haben.

Ein Satz zum Spiel:
Wahrscheinlich sind wir Meister, weil wir gerade solche Spiele gewinnen.

von Don Daniel - am 03.05.2012 13:38
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.