Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
7
Erster Beitrag:
vor 5 Jahren, 8 Monaten
Letzter Beitrag:
vor 5 Jahren, 8 Monaten
Beteiligte Autoren:
Rotblau, Fanti, Captain Sky, Mätzli, Kopfschüttler

"Schiins" reloaded...

Startbeitrag von Kopfschüttler am 11.11.2012 16:36

...isch hytt e Cupmatch gsi.

Dr FCB hett ybrigens 4-1 gwunne...! ;-)

Zimlig schwirige Platzverhältnis gsi, entsprächend schwer e wirgligi Beurdailig abzgäh. Uffgfalle isch mir allefalls, dass dr Park au gege NLB-Spiiler die maischte Zwaikämpf verliert.

Alles in allem rächt souverän, wenn au nidd wirglig "spektakulär", was uff dämm Boode und dr ungwohnte Zämmestellig aber nidd verwunderlig gsi isch.

Antworten:

E Unterklassige klar dominiert ( isch uf TSI2 koh). D'Mannschaft isch duurerotiert gsi, dr Stamm hett kenne pausiere, und me isch mit 4-1 wyterkooh, trotz sehr guete Chance, wo me uussgloh hett. So, I won't complain.

Y mecht do no aafiege:

1. Under em Voogel hätte mer wohrschynlig miesse zittere, falls mer iberhaupt wyter koh wääre.

2. Sogar under em Benthaus hämmer im Tessin amme verloore (Mendrisio 2x) . E klare Siig isch dert unde also nid emool schlächt. Isch mir wurscht, wie n er z'stand koh isch, erscht rächt bi däm katastrophale Boode.

von Mätzli - am 12.11.2012 10:12
Bemerkenswert ist in diesem Zusammenhang noch, wie wenig die anderen NLA-Mannschaften teilweise rotieren. Der FCZ hat meines Wissens gar nicht, YB nur auf einer Position (Bobadillia) rotiert. Dabei war deren jeweilige Aufgabe ja erheblich einfacher (rein von der Liga her)...

von Captain Sky - am 12.11.2012 10:55
...häärzigi Aneggdoote derzue: ych ha eerscht ab dr zwaite Halbzyt uff TSI2 kenne luege (bi vorhär am Augusta Raurica-Lauf duur dr Rääge gsegglet...). My liebi Frau und die älter Dochter hänn aber vo Aafang aa gluegt. Wobyy: si hänn e baar Sekunde noch em Aapfiff yygschalte und sinn z Dood verschrogge wo die Wysse gääge die Rootblaue grad e Gool gmacht hänn - bis si denn ändlig gmerggt hänn wäär wäär isch... ;-)

von Fanti - am 12.11.2012 12:19
Die lange NLA-Absenz des FC Chiasso hinterlässt ihre Spuren ...... :)

von Rotblau - am 12.11.2012 15:17
Zitat
Fanti
bi vorhär am Augusta Raurica-Lauf duur dr Rääge gsegglet

I seh, du bisch das Joohr e ganz e flissige Tschogger.
Birslauf, GP Fricktal, 3-Länderlauf, Bruggelauf, Hallwilerseelauf, BS Stadtlauf.

Am Klauselauf gang i au an Start. Sytt minere Diskushernie vom Jänner 2012 goht's langsamer als au scho. Mä wird hat elter.

von Rotblau - am 12.11.2012 15:56
GP Bäärn und Aargauer Volkslauf ha ych au no gmacht, bim zwaite aber numme dr 10km-Lauf. Klauselauf bi ych nadierlig denn au no derbyy.

Ych ha au nit esoo drääniere kenne wie blaant wil mi syt guet zwai Monet e hartnäggige Hueschte blogt - ebe, s Alter halt... ;-)

von Fanti - am 12.11.2012 16:35
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.