Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
13
Erster Beitrag:
vor 5 Jahren, 2 Monaten
Letzter Beitrag:
vor 5 Jahren, 2 Monaten
Beteiligte Autoren:
Fanti, Kopfschüttler, Zuschauer, Rotblau, maischter proper, Spitzkick

Bayern näggscht Joor scho 10 Runde vor Schluss Maischter...?

Startbeitrag von Fanti am 23.04.2013 12:30

[bazonline.ch]

Zahle diens en mit de Styyrersparnis vom Bresidänt... ;-)

Antworten:

Re: FCB vs FCB

Wohrschyynlig het dr Wurscht-Uli em Schiiri vo hitte vom unverstyyrte Kapital au no e baar Schyynli zuekoo losse - (bis jetz) zwai vo (bis jetz) drei Gool sinn irreguläär.

von Fanti - am 23.04.2013 20:17

Re: FCB vs FCB

Daas isch mir au durch dr Kopf. Zwar isch dr Siig verdient, will Barcelona zimlig harmlos (Messi nidd wirgligg fit...) gsi isch, aber...

...vorem 1-0 wird doch zimligg klar uffgstützt
...Offside bim 2-0
...e yyshockeywürdige "Rämpler" vorem 3-0, wo die maischte würde pfiiffe, wills mind. Sperre ohni Ball gsi isch
...aber immerhin e regelkonforms 4-0

Anderersyts hätt me sicher ai Handspenalty könne gäh, also wär e 2-0 laider scho au in Ordnig gange. Alles in allem aber Kai CL-würdigi Laischtig vo dene vyylne Schiris und Assischtänte uff em Platz.

Immerhin... firs Ruggspiil muess ych Kai TV-Zyt "opfere", daas Dääfi isch scho glutscht.

von Kopfschüttler - am 24.04.2013 06:07

Re: FCB vs FCB

ach was...
- dr dani alves söll gumpe wenner wott bym 1-0, denn fliegt dr dante ewäg (är het sini händ nit uff em agstützt gha...)
- offside nach eme corner pfyffe isch sehr sälte, am TV gseht mes klar, aber im stadion hätsch du das au nit pfyffe, 100%!
- 3-0: das sinn ebe no männer... :D

y bi froh, het barça mol ein an pinsel bikoo. wenn si real könne 5-0 heime schigge, denn würd ych uff ruggspiil am TV nit vrzichte, amigo

aber dr richtig FCB spiil erscht morn *freu"

von maischter proper - am 24.04.2013 06:28

Re: FCB vs FCB

Dr Sieg isch verdient, kai Froog. Wenn au vyllicht mit aim Gool z vyyl. Barça isch erschreggend schwach gsii; au wenn d Innevertaidigung gschwächt und dr Messi nit fit gsii isch muess doo mee koo.

Am maischte gnäärvt het mi dr fett Presi uff dr Tribüne. Au wenn syni macheschafte (wohrschyynlig) diräggt nyt mit em Club z due hänn goot mer dä uff e Sagg. Klar isch er nit dr ainzig vo so Zyyg macht, aber bi iim isch es extreem steerend dass er sich vorhär bi verschiidene Gläägehaite zem Thema gysseret het (Zitat: "Ich weiss es ist doof, aber ich zahle meine Steuern."). Sell doch aifach d Schnuurre halte! Ych hoff dä kunnt draa, aber die Hoffnig isch mit an Sicherhait gränzender Wohrschyynlichkait vergääbens.

Kunnt no dr Termin vo dr Bekanntgaab vom Götze-Transfer derzue wo jo sicher Bayern derhinder steggt. Daasch underschti Schublaade. Fir mi sinn si halt aifach e Dräggsverain (sorry Shaq).

von Fanti - am 24.04.2013 06:47

Re: FCB vs FCB

Zitat
maischter proper
ach was...
- dr dani alves söll gumpe wenner wott bym 1-0, denn fliegt dr dante ewäg (är het sini händ nit uff em agstützt gha...)
- offside nach eme corner pfyffe isch sehr sälte, am TV gseht mes klar, aber im stadion hätsch du das au nit pfyffe, 100%!
- 3-0: das sinn ebe no männer... :D

y bi froh, het barça mol ein an pinsel bikoo. wenn si real könne 5-0 heime schigge, denn würd ych uff ruggspiil am TV nit vrzichte, amigo

aber dr richtig FCB spiil erscht morn *freu"


- d Händ nidd, aber baidi Unterärm. Do bassiert bi jedem zwaite Kopfballduell weeniger und es wird pfiffe
- also ych hätt sicher pfiffe, scho elai wills Bayern isch! :D
- mir reede doch nidd vom Yyshockey! ;-)

Macht mir au nüdd, dass die Schönwätterfuessballer emolle verliere. Miesst aifach nicht gege Bayern si. Und.... 5 Goal würde nidd länge, will Hühnchen mind. aimool topft.

Und s lescht isch s ainzig wichtige! :D

von Kopfschüttler - am 24.04.2013 09:25
Es scheint wie eine Ablösung an der Topspitze beim europ. Fussball, was gestern geschah. Erstmals sah man einen Gegner von Barça der mitspielte und dagegenhielt (und nicht kampflos das Mittelfeld preisgab und sich massiv hinten reinstellte).
Es ist ja häufig so (auch in der Wirtschaft): Man glaubt, eine Dominanz hielt ewig, und plötzlich ist es vorbei und andere werden auch besser. Barça wird immer eine Top-Mannschaft bleiben, keine Frage, aber die massive Überlegenheit (zumal bei einer Unterform von Messi ) scheint der Vergangenheit anzugehören.
Vor allem aber fiel auf: Die Bayern waren deutlich team-fähiger, solidarischer, als Barça, wo Ego-Vorstösse im Sand verliefen. Kämpferisch könnte Barça nicht mithalten, aber vor allem fand man taktisch kein Rezept (kein Plan B), wie man unter diesen Umständen zu operieren hatte.

von Spitzkick - am 24.04.2013 09:31

Re: FCB vs FCB

Zitat
Fanti
Wohrschyynlig het dr Wurscht-Uli em Schiiri vo hitte vom unverstyyrte Kapital au no e baar Schyynli zuekoo losse - (bis jetz) zwai vo (bis jetz) drei Gool sinn irreguläär.


das isch de fcb-bonus. no nie devo ghört? ;)

von Zuschauer - am 24.04.2013 12:25

Re: FCB vs FCB

"fcb" kaa au FC Barcelona haisse.......wobyy die ehrlig gsait geschter au Schiri-Glygg ghaa hänn, es hätt zemindescht ai Händspenalty sette gää.

von Fanti - am 24.04.2013 13:07

Re: FCB vs FCB

:D


du weisch, wani mein
:cool:

von Zuschauer - am 24.04.2013 13:24
Us eme BVB-Forum:



Bi jo gspannt eb dä hit zoobe spiilt und wenn jo wien er empfange wird...

von Fanti - am 24.04.2013 13:49

Re: FCB vs FCB

Zitat
Zuschauer
:D


du weisch, wani mein
:cool:


Fantomgol !

von Rotblau - am 24.04.2013 13:52

Re: FCB vs FCB

[www.youtube.com]

:joke:

von Fanti - am 24.04.2013 14:01
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.