Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
9
Erster Beitrag:
vor 5 Jahren, 2 Monaten
Letzter Beitrag:
vor 5 Jahren, 2 Monaten
Beteiligte Autoren:
Fanti, Rotblau, maischter proper, luki77, Spitzkick, Tschum, Kopfschüttler, Mätzli

FCB - Lutscher

Startbeitrag von Kopfschüttler am 28.04.2013 14:06

Naja... me hett vorem Match jo dermit miesse rächne, dass es schwer wird. Aber drotzdämm kas jo nidd si, dass me dermasse aifach zu drey Punggt im Joggeli kunnt.

Räschtloos überzügt hett mi dr Bobadilla, allerdings nur als beschte Luzärner Vertaidiger, är hett absolut jedi gföhrligi Situazioon zu Gunschte vom FCL berainigt. Und bi ihm kas jo z.B. nidd an dr Miedigkait glääge ha. Zumindescht nidd vom Schutte...

12 Eggbäll, kaine gföhrlig. Dr Ball ständig plaanloos hoch in Luft gspiilt, obwohl (nidd nur erscht in dämm Match!) 90% vo de Kopfbäll nidd bim Mitspiiler lande. Do bestoht schon no zimligg Noochholbedarf.

Hoffe mir, dass es dr beriehmti Schuss vor dr Bug gsi isch. D EL isch s Dessert (gsi), d Maischterschaft ischs läbensnotwändige Wasser. Also nidd dert dry schiffe!

Antworten:

Wenn ych gwysst hätt dass dr Streller nit emool uff dr Bangg hoggt hätt ych in mym Tipp s Basler Gool gstriche, denn hätt er gstumme - laider...

Richtig gfalle het mer bi Bossl hitte numme dr Frei. Dr Stocki het sich Mieh gää, aber me het em d Mehrfachbelaschtig halt scho aagmerggt. Au no aggzepdaabel dr Sommer, ooni iin hätte mer dr aint oder ander Döpf mee bikoo. Dr Räscht het schwach bis ganz schwach gspiilt, und en abselute Usfall isch dr Siibzähner gsii. Langsam, technisch mangelhaft, Schuss-Sterggi von eme Pampers-Junior - no zwei, drei so Mätsch und dr Ybernamme isch perfäggt: Floppadilla.

Dr Drääner het jo bis jetz vyyles richtig gmacht, hitte dr Streller nit emool uff d Bangg z nää isch e Fähler gsii. Ych dängg dr Pippi hätt in dr zwaite Hablzyt dr Karre no kenne us em Drägg zieh.

Jetz wie vom Schüttler gschriibe no e ehrevolle Abschiid us dr EL und denn aber volli Konzentrazioon uff d Maischterschaft!

von Fanti - am 28.04.2013 14:35
Das war ja wirklich ein Schämmer.

Allerdings: Luzern war zumindest in der ersten Hälfte enorm stark. Die haben offenbar mit Bernegger das grosse Los gezogen. Basel war in der 2. Hälfte nicht schlecht, so war der Match trotzdem noch einigermassen ansehnlich.

Zoua hat heute gefallen als Ballverteidiger und Ballaufleger, aber der Knipser ist er nicht, den brauchte es noch neben ihm. Jedenfalls war er bei weitem besser als Bobadilla. Der strengt sich nur an, wenn er den Ball bekommen hat, tut aber nichts dafür, dass er auch anspielbar ist, und will, wenn er den Ball hat, alles alleine machen. So hilft er der Mannschaft gar nichts. Sein Pech ist vielleicht auch, dass wegen der hohen Matchdichte nicht richtig trainiert werden kann und er so nicht lernt, sich ins Basler Spiel zu integrieren. Aber das ist keine Entschuldigung für sein ungenügendes Engagement.

Und es war schon eindrücklich zu sehen, was fehlt, wenn Streller nicht mitmacht.

Murat hat jetzt wenigstens gesehen, dass er alles machen kann punkto Aufstellung, aber sicher nie mehr die beiden Degen gleichzeitig.

von Tschum - am 28.04.2013 14:52
Grausliger Kick. Und jedesmal, wenn der FCB doch noch in der Nähe des Strafraums stand, war man entweder eigensinnig, sah den Mitspieler nicht, oder war zu kompliziert und zu wenig geistesgegenwärtig. Definitiv international nicht kompatibel scheint mir Sauro zu sein, Boca Juniors Background hin oder her. Und ob es Bobadilla jemals bringen wird als alleiniger Stürmer vorne drinnen, dass weiss ich noch nicht.
Es reicht nicht, 95 % zu bringen, auch gegen den Drittletzten der Liga nicht. Kämpferisch und von der Laufbereitschaft: Nicht genügend. Wars rechtzeitig ein Schuss vor den Bug?
Sonst stehen wir Ende Saison plötzlich ohne Titel da. Auch das wär denkbar.

von Spitzkick - am 28.04.2013 15:25
Dä Momänt hett jo mool miesse koh. En Uffstellig mit ere Mischig vo de ibermiedete Spiiler garniert mit de taläntfreye Dääge, Bobadilla und Zoua. Resultat: 0-3!!!!!!

Jetze muess dr Muri iber d'Biecher. Fertig mit Schiile no dr EL. Fertig mit dääne Träumereye!

Die errschti Garnitur isch z'schoone, und wird numme no in Maischterschaftsspiil yygsetzt. Nyt meh Stamford Bridge und so Mischt.

Stocker und Dragovic (eh gsperrt), Serey Die und Fabian Frei mien dringendscht e Pause griege. Streller erscht am Wuuchenänd wider yysetze. Und es isch mer scheissegal, wenn mir in Londe 0-7 verliere.

Das isch e Warnschuss gsi, hitte, Es verdraiht jetze nyt meh.

Dr FCB MUESS Maischter wäärde. (Do isch sogar dr Cupfinal wurscht drgääge.)

von Mätzli - am 28.04.2013 15:26
dr Bobadilla sott vor allem öbbe 15 Kilo abnäh...

Die beide Däge und dr Salah-Chancetod könne si vo mir us sofort verschängge.

von luki77 - am 28.04.2013 20:05


Us em FusiFo ;-)

von Fanti - am 28.04.2013 21:15
In der ersten Halbzeit waren die Gedanken in London und der FCB wurde vorgefürht wie noch nie, in der zweiten hat man versucht, das Gesicht nicht zu verlieren, aber die Katzenstrecker waren derart euphorisch, dass sie dagegen halten konnten.

Es ist offensichtlich, die Mannschaft konzentriert sich auf die EL und nimmt die Meisterschaft als lästige Pflicht. Bei einer Sensation in London würde der FCB kaum CH-Meister werden, ausser die beiden Verfolger lassen haufenweise Punkte liegen.

Mir selber wäre ein Rauswurf von Chelsea London auch lieber als Meistertitel Nr. 16. Da es aber kein Wunschkonzert ist, wird der FCB am Donnerstag ausscheiden und sich wieder auf die Meisterschaft konzentrieren können.

von Rotblau - am 29.04.2013 05:35
BLICK zeigt sich kreativ, macht aus raul bobadilla den faul bobadicka...

von maischter proper - am 30.04.2013 10:11
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.