Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
18
Erster Beitrag:
vor 5 Jahren, 2 Monaten
Letzter Beitrag:
vor 5 Jahren, 2 Monaten
Beteiligte Autoren:
Kopfschüttler, Fanti, Tschum, maischter proper, Mätzli, Latteknaller, Don Daniel

Chelsea vs Basel

Startbeitrag von Fanti am 02.05.2013 08:58

Immerhin isch hit zoobe no e EL Halbfinal mit Basler Bedailigung...

Ans Wunder vo London glaub ych ehrlig gsait nit. Ych hoff aifach es git kai Paggig, das wuurd nääbe de physische Strapaaze au no uff's Gmiet schloo und wäär e schlächte Abschluss fir e tolli Europagöp-Kampagne vom FCB.

Tippe due ych numme bi Spiil wo ych au sälber derbyy bi. My "Tendänz" goot Richtig Niederlaag mit zwai oder drei Gool Underschied. Uffstellig: Sauro fir Drago isch jo klar; derzue vyllicht dr Voser hinde linggs, dä het in Tottenham scho guet gspiilt. Und bitte dr Strelli uusenää oder eerscht gar nit uffstelle wenn's "zwiggt"; dä bruuche mer in de näggschte Wuche mehr denn je, denn ych waiss nit eb dr Bobadilla in dääre Säsong d Kurve no griegt...

Antworten:

Ich glaub au nit an e sieg mit zwei goal differänz hüt zobe. Sotts den doch so sie wurd mi ungemein freue.

allerdings glaub ich, das es durchuus dr wärt isch, alles z'riskiere. immerhin gohts ume finaliizug.

so oder so wurd ich em zoua am sunntig e chance gäh. dr strelli bruchts im cupfinal, gege gc und gege st. galle. dert wird d'meisterschaft nach minere meinig entschiede

usserdäm trifft bald dr salah ins goal und den klappts mit de titel :)

von Don Daniel - am 02.05.2013 09:04
Dr letscht Sunntig hett doch Einiges relativiert.

Y hoff, dass Chelsea no n em 2-0 die Sach als gässe betrachtet, und zwei Gäng zruggschaltet. Im wytere hoff y, dass sich d'Mannschaft bewusst ish, wie entscheidend die näggschte 3 Wuche fir d'Maischterschaft sin.

Tip 2-0, s Gsicht isch gwahrt.

Bitte numme kai Klatschi. Wär schlächt fir d'Moral.

von Mätzli - am 02.05.2013 09:27
villicht kanni nid emol luege hüt zobe. so odr so wirds nid länge.

ich tipp e 2:0 für chelsea.

von Latteknaller - am 02.05.2013 10:33
ych bi optimistisch, alli dängge, dass das gloffe isch...

y tip uff e 2-0 fyr uns

uffstellig: die wo könne und dörfe söllen au!!!

von maischter proper - am 02.05.2013 11:32
Du hesch Di vertippt. Nur mit eme 5-0 fir uns gits e 7-1! ;-)

2-0 Chelsea. Si schalte nach eme friehe 1-0 e bitz zrugg und mache denn in dr 2. HZ s zwaite Goal. Dernooch isch me so lieb zunenand wie d Spanier mit de Dütsche gsi sinn...!

von Kopfschüttler - am 02.05.2013 13:18
amigo, bruchsch e rächner oder hesch DU di vrtippt?

von maischter proper - am 02.05.2013 13:42
"Irrtum!" sprach der Igel und stieg vom Kaktus! :D

*lol*... isch vermuetlig immer no s Wunschdängge gsi, aber ych glaub Du hesch rächt und s 2-1 isch doch fir Chelsea gsi... (wobi... e 6-2 fir uns giengt jo au okay...!)

von Kopfschüttler - am 02.05.2013 14:28
3:1 für Chelsea, nach einer Führung für uns drehen sie noch auf, bei uns reichen die Kräfte nicht.

von Tschum - am 02.05.2013 15:33
3:1 noch ere Stund => Streller und Stocker richtigerwyys uuse, denn die Sach isch gloffe. Hoffentlig schaltet Chelsea wieder e Gang zrugg dermit's kai Kanterniederlaag git.

von Fanti - am 02.05.2013 20:28
Isch guet gange. In dr Pause hett me noh kenne draume. Nochhär halt dr Hammer. Macht aber nyt.

Guet gmacht Jungs!

Guet gmacht Usswärtsmob. (Dääne Zeckefans zaigt, wo dr Hammer hängt.)

... und dr Zoua isch halt immer no nyt....

UND JETZE VOLLDAMPF IN DR MAISCHTERSCHAFT!

von Mätzli - am 02.05.2013 21:02
Zitat
Tschum
3:1 für Chelsea, nach einer Führung für uns drehen sie noch auf, bei uns reichen die Kräfte nicht.


Söll nomoll aine behaupte, dr Tschum heig kai Ahnig...! :D

von Kopfschüttler - am 02.05.2013 21:05
Zem Glygg het Chelsea - wie vo Dir vorusgsait - noch em Zwaigool-Vorsprung zrugggsteggt, sunscht wääre mer undergange. Esoo het me sich kenne mit Wyrde us ere grossartige EL-Kampagne verabschiide.

Jetz bruucht's aber wieder emool en Erfolgserlääbnis, sunscht stehn mer am 1. Juni nit uff em Seibi...

von Fanti - am 02.05.2013 21:06
En Unentschiide wär dinneglääge, aber immerhi: D Pause hänn mir dene schön versaut! :D

Merci FCB fir e oberhammermässigi EL-Saison. Wär hätt daas dänggt, wo dr Sommer sinerzyt dä Penalty ghebbt hett!

von Kopfschüttler - am 02.05.2013 21:07
Willst du jetzt andeuten, dass das je jemand behauptet hat? Ich bin empört!

von Tschum - am 02.05.2013 22:06
Schade, die erste Halbzeit war so schön.

Chelsea ist viel zu einfach zu den drei Toren gekommen. Hat jemand ein klare Antwort darauf, warum das so schnell und einfach geschehen konnte?

Nach der Pause spielte Chelsea Pressing, und sofort verloren wir ständig den Ball. Hätte es dagegen kein Mittel gegeben? Das wurde doch sicher in der Pause besprochen? Oder mangelt es eventuell an den strategischen Anweisungen in der Pausenkabine?

Jedenfalls hat sich der FCB gut verkauft und hat ein zu schlechtes Resultat nachhause genommen.

von Tschum - am 02.05.2013 22:10
Zitat
Tschum
Chelsea ist viel zu einfach zu den drei Toren gekommen. Hat jemand ein klare Antwort darauf, warum das so schnell und einfach geschehen konnte?


Will dr Steini vorem 1-1 in dr Vorwärtsbewegig dr Ball verliert. Daas Goal hett Chelsea unnötig Ufftriib gäh und die gsamt Vertaidigung isch fir e baar Minute nur no e Hiehnerhuffe gsi.

Die klar Antwort lutet also: Dr Steini! ;-)

von Kopfschüttler - am 03.05.2013 06:27
aha, dr deyfel an d'wand go mohle, saagehaft, du bisch tschuld, und dr steini bim 1-1 au grad no... ;-)

von maischter proper - am 03.05.2013 07:50
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.