Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
20
Erster Beitrag:
vor 4 Jahren, 4 Monaten
Letzter Beitrag:
vor 4 Jahren, 4 Monaten
Beteiligte Autoren:
Fanti, maischter proper, Kopfschüttler, Latteknaller, Zuschauer, Rotblau, Spitzkick

CUP TIP: Münsige bi Bärn-EffCeeBee

Startbeitrag von maischter proper am 13.09.2013 09:06

1-7

dave mach e dopf, gopf!

Antworten:

0-6

Sio mach e Trio! ;-)

von Kopfschüttler - am 13.09.2013 10:36
...plus Dreierpagg vom Kwang Ryong Pak?

von Fanti - am 13.09.2013 10:58
Sauro schiesst ein Goal über die Mauro
Stocker schiesst ein Goal ganz locker
Frei schiesst Goal Nummer drei
P. Degen schiesst ein Goal im Regen
D. Degen schiesst ein Goal mit Tschums Segen
Andrist schiesst ein Goal mit dem Aussenrist
Ajeti schiesst ein Goal wie der Yeti
Voser schiesst ein Goal wie ein Grosser
Schär schiesst ein Goal wie ein Bär

von Rotblau - am 13.09.2013 11:27
Zitat
Rotblau
Ajeti schiesst ein Goal wie der Yeti
Schär schiesst ein Goal wie ein Bär

also uf die beide bini gspannt ;-)

von Latteknaller - am 13.09.2013 11:41
Ganz ooni Gschiss und Larifari
Macht s eerschte Gool unsre Safari
Zem ZwaiNull drifft, Du wirdsch es gseh
Us dr Dischtanz: Marcelo D.
S NullDrei folgt grad uff em Schritt
Vom Serey-Irokeeseschnitt
S vierte Gool macht kurz und schroff
Mit em Kopf dr Ivanov
E Draumdopf schiesst mit lingger Hacka
Dr Granit-Brueder Taulant Xhaka.
Und noch me Solo wo duet gfalla
Drifft zemänd au no dr Salah.

von Fanti - am 13.09.2013 11:43
...und per bicicletta
drifft au dr barnetta

dä spielt zwoor fyr bayer
drfyr reimt sich dä zweier

:D

von maischter proper - am 13.09.2013 13:23
...dasch verbyy, au nimm fir Schlacke
Hebt er aane syni Hacke
Nai, är hoggt jetz, s macht en grangg
Bi Eintracht Frankfurt uff dr Bangg.

von Fanti - am 13.09.2013 13:28
da han i ganz vergesse
de spiilt ja bi de hesse

aber au frankfurt am main
gitt am änd e scheene raim

von maischter proper - am 13.09.2013 13:50
Ändlig wird 'mol wieder dichtet
Denn aigetlig wäär me verpflichtet
Dermit me User do kaa blyybe
Ab und zue in Värsform z schryybe
S isch jo e Forum vo Poete
(Waisch no amme unsri Fete...?)
Hälli Kepf und glatti Sieche
Wo schyynts tolli Väärsli mieche
Wenn si dr Finger uusenämme
Machet mit, kain muess sich schämme!

von Fanti - am 13.09.2013 15:25
und s beschte isch an dere schau:
gstartet het si dr rotblau :eek:

:D

von Latteknaller - am 14.09.2013 08:59
und usserdäm dänggt dr vailati
die münsinger , das sin no glatti
und länggt - vor allem wäg g dr grati -
alli bärner schüss an d latti


..oder so.

von Latteknaller - am 14.09.2013 09:04
Zitat
Latteknaller
und s beschte isch an dere schau:
gstartet het si dr rotblau


Mensch Latti, sig doch kai Banane
und lueg nomoll richtig ane

Es isch ganz obe scho bassiert
mit "Dopf" und "Gopf" ganz klar lanciert!

E kurze, knappe Raim hetts bruucht
wo em Forum Luft yyhuucht

Tatsächlig scheen dass s Forum doo
wiider ebbis poetehafts hett bikoh!

:D

von Kopfschüttler - am 14.09.2013 09:19
Yep, es isch e wohr Vergniege
Wie d Väärsli aim um d Ohre fliege!
A propos "Fliege", s isch sowyt
Fir d Fantis isch jetz Feeriezyt
Am Mäntig goht's per "avion"
Mit TuiFly noch Heraklion
Und bald scho, es isch allerhand
Liige mir am Sunnestrand!

von Fanti - am 14.09.2013 12:38
Mit däm Lingg, das isch Kai Quatsch
Luegsch am PC live dr Match:

[www.cupplay.ch]

Zer Pause isch's mer nit so wohl
Jetz machet ändlig 'mol e Gool!

von Fanti - am 14.09.2013 15:49
Zitat
Fanti
Yep, es isch e wohr Vergniege
Wie d Väärsli aim um d Ohre fliege!
A propos "Fliege", s isch sowyt
Fir d Fantis isch jetz Feeriezyt
Am Mäntig goht's per "avion"
Mit TuiFly noch Heraklion
Und bald scho, es isch allerhand
Liige mir am Sunnestrand!


E Wuche spööter kasch Ummehüpfe
und vor Ort mit uns ain-zwai go Lüpfe!

Yamas!

von Kopfschüttler - am 14.09.2013 15:58
E Chicken- oder Pork-Souvlaki
Und zem Verrysse denn e Raki!

von Fanti - am 14.09.2013 16:40
war ja ein Minimalisten Gekicke....OK, gwonne isch gwonne...

Chelsea hat heute in Liverpool bei Everton 1:0 verlore...

der FCB hatte nach der letzten schlechten Leistung gegen OB die Kurve gut gekriegt, schau mer mal obs wieder so sein wird..

von Spitzkick - am 15.09.2013 15:59
d'trööte und de gwaggligrind
reised gli mit töff und chind
zu de ouzo-/raki-grieche
ich mags ne gönne, seili gieche

:cheers:

von Zuschauer - am 16.09.2013 06:14
Merci! :D

von Fanti - am 16.09.2013 08:35
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.