Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
15
Erster Beitrag:
vor 4 Jahren, 1 Monat
Letzter Beitrag:
vor 4 Jahren, 1 Monat
Beteiligte Autoren:
Fanti, maischter proper, Latteknaller, Captain Sky, Tuborg

Teschtspiil gääge Solothurn / 24.06.14 / 20:00 Schytze

Startbeitrag von Fanti am 23.06.2014 07:54

Moorn zoobe findet dr eerscht Match mit em neie Drääner statt. Am Achti zoobe spiilt dr FCB uff dr Schytze gääge Solothurn. D Aaspiilzyt isch perfäggt zwysche d WM-Spiil glegt. Myni Weenigkait wird vor Oort syy, gseht me no wyteri PoetInne?

Antworten:

Je nach Wätter wurdi mr's no überlege, wär scho glatt, und dasses zwüsche de Mätsch ligt hani erst jetz bim Läse grad realisiert, me danggd also füre Typ Fanti :)

von Tuborg - am 23.06.2014 12:43
...letscht Wuche no isch dr Match uff die Siibeni aagsetzt gsii, mit dr Verschiebig um e Stund basst's jetz aber in WM-Spiilblaan. Wobyy ych nadierlig dr Vordail ha in dr Neechi z wohne und esoo voll brofitiere kaa.

von Fanti - am 23.06.2014 13:21
wobyy me sich d'10i mätsch kha schängge...
y hoff schwär, dass uns dr PIRLO no e paar spiil erhalte blybbt!

von maischter proper - am 23.06.2014 13:30
Immerhin kennt me dr Serey Die und/oder dr Sio schutte gseh, wenn si denn yygsetzt wuurde. Aber grundsätzlig hesch rächt, es git interessanteri Gruppene als s C.

Pirlo: ych dängg es git e hartumkämpts Unentschiide und me wird en no in mindeschtens aim wytere Match bewundere kenne.

von Fanti - am 23.06.2014 15:49
wenns irgendwie längt, bin i au dert.

von Latteknaller - am 23.06.2014 16:41
Das Spiel dauert übrigens nur 2 x 30 Minuten. Ich wäre trotzdem gerne dabei. Leider bin ich aber heute Abend in Ziiri.

von Captain Sky - am 24.06.2014 09:23
Zitat
Captain Sky
Das Spiel dauert übrigens nur 2 x 30 Minuten.


isch denn doof.

Zitat
Captain Sky
Leider bin ich aber heute Abend in Ziiri.


isch denn doof.

von Latteknaller - am 24.06.2014 10:30
di däm einheitsfuessballbrey an dääre WM bin y um jeede individuell guete spiiler froh, y hoff, dass s'niveau biz stiggt, generell... wägedäm PRO PIRLO ;-)

von maischter proper - am 24.06.2014 13:23
Zitat

einheitsfuessballbrey an dääre WM


Asso ych find ai Team sticht uuse: CH - und zwor negativ... ;-)

von Fanti - am 24.06.2014 14:07
du meinscht die multikulti truppe wo meint, dass me in brasilie spanisch reedet?

wenn de nach em von bergen sym out mol s'team aaluegsch und was für dütschklingende nämme dinne sinn, denn VADUZt mi das scho sehr... y ha kei härzbluet für die truppe, nit zvrglyyche mit 1994, 2006 oder gar 2010

von maischter proper - am 24.06.2014 14:26
Zitat

du meinscht die multikulti truppe wo meint, dass me in brasilie spanisch reedet?


Yep, genau die wo s näggscht Mool d Fähler no besser mache... :joke:

von Fanti - am 24.06.2014 14:49
3:1 gwunne, nätts Mätschli gsii. Ych hätt gärn 2x45 Minute zuegluegt als numme 2x30. Nadierlig losst sich noonig vyyl saage yber dr "nei" FCB, dr eerscht Yydrugg vom Vaclik isch aber schomool durchus positiv.

von Fanti - am 24.06.2014 20:18
das war für ein testspiel erfrischend unterhaltsam. immer wieder wurde der direkte weg zum tor gesucht, aber auch gut auf die seiten verlagert. machte lust auf mehr. murillo spielte die zweite halbzeit (spiel dauerte leider nur 2x30min.), hatte aber wenige aktionen, da sehr vieles über links lief, wo delgado so etwas wie den flügel gab (als captain übrigens). vaclik hatte etwas mühe mit den auskicks, einmal hat er gegen einen alleine anstürmenden gegner in costanzo-manier hervorragend gehalten. weitere gelegenheiten sich auszuzeichnen erhielt er nicht.

von den jungen gefielen mir in der ersten halbzeit huser (DM) und in der zweiten cani (OM) sehr gut. vor allem huser, mit seinem 16 jahren.. beeindrucked.

hat laune gemacht.

[www.fcb.ch]

von Latteknaller - am 24.06.2014 21:44
dasch notabene dr captain gseh, nit? :eek:

y kas nümm ärnscht neh, blibbt no SCHLAND wos muess richte jetzt :D

von maischter proper - am 24.06.2014 21:48
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.