Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
7
Erster Beitrag:
vor 3 Jahren, 8 Monaten
Letzter Beitrag:
vor 3 Jahren, 8 Monaten
Beteiligte Autoren:
Fanti, Rotblau, Latteknaller, maischter proper

OT: NY Giants Football

Startbeitrag von Fanti am 05.10.2014 23:01

Es isch e unvergässligs Erlääbnis gsii!!! Ändlig ha ych d Gläägehait ghaa e NFL-Match live erlääbe z deerfe! S Fantis sinn mit yber 80'000 andere Fans im MetLife Stadium gsii (in däm het aafangs Hornig 14 dr Super Bowl stattgfunde) und hänn sich Atlanta Falcons vs Giants yynezooge.

S ganze DrumUndDraa mit Tailgate Party, Games, Muusig und sunschtigem Rambazamba vor em Spiil isch scho e Hit gsii. Dr Flagship Store isch riesig - mir hänn nit kenne widerstoo und eppe 280$ ligge losse... ;-) Und d Stimmig im Stadion: uuuuuunglaublig! Es isch au spannend gsii: zeerscht sinn d Giants mit eme Touchdown in Fiehrig, denn hänn aber d Falcons uffdrumpft und sinn mit 20:10 dervozooge. D Giants hänn s Spiil aber im letschte Quarter kenne draie, doo dr Catch vom Beckham Jr. (sic!) zem 23:20:



Zemänd het Big Blue 30:20 gwunne. Und fir dr Fanti isch e lang gheegte Draum in Erfyllig gange! Aber es kemme no e baar NY-Highlights, u.a. Lion King am Broadway, Judas Priest und Steel Panther im Barclays Center etc....

Antworten:

cool.
y has leider bis jett numme zumene NHL match in tampa gschafft. isch au witzig gsy, aber sicher mehreri dimensione glainer.

vyyl spass wyterhin und saisch em rob e gruess ;)

von Latteknaller - am 06.10.2014 07:23
HELL BENT FOR LEATHER

(fyr mi immer no die yydriggligschti rööhre zem live luege und ebe loose, au wenn är mit 63 nimmi dä schuub hinter d'stimmbänder bikunnt wie be painkiller vor mittlerwyyle au scho meh als 20 joor...)

von maischter proper - am 06.10.2014 11:05
Nätti Setlist uff dääre Tour:

[www.setlist.fm]

Schyynbar het dr Rob yygseh dass er Painkiller wirgglig NIMME singe kaa... ;-)

von Fanti - am 06.10.2014 13:20
Dä Alass isch jo guet und rächt, aber gosch in USA au no go e Fuessballmatsch luege, wenn meeglig no mit em FCB-Lybli?

von Rotblau - am 06.10.2014 16:06
Nö-ö. Wieso sett ych drittklassige Fuessball mit alte (ehemoolige) Stars us dr Italiäänische Serie A go luege, das ha ych z Basel au... :rp:

Aber s FCB-Liibli isch im Gepägg, das hänn mer bruucht wo mer aafangs Feerie in ere Sportsbar z San Francisco zer Mittags(oorts)zyt Real vs Bossl gluegt hänn.

von Fanti - am 06.10.2014 21:40
Denn bisch du offebar nit eso fuessballkrank wiän ich.

von Rotblau - am 09.10.2014 12:10
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.