Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
7
Erster Beitrag:
vor 3 Jahren, 6 Monaten
Letzter Beitrag:
vor 3 Jahren, 4 Monaten
Beteiligte Autoren:
Mätzli, Latteknaller, Swiss_Rincewind, Kopfschüttler, Fanti, Captain Sky

Wider emool e Värsli - 's Lääbe isch wie Fuessball

Startbeitrag von Mätzli am 26.11.2014 09:58

`s Lääbe isch wie Fuessball

Du kunnsch uf d’Wält, und muesch gly lehre
Kämpfe, spiile und sich wehre
D’Technik Taggtigg, wo duesch bruuche
Denn `s Lääbe wird Di zimftig schluuche
Unnoochgibig hart zue Finde
Hilfryych, tolerant zue Frinde
So suechsch dy Wääg als Junior
Denn Du hesch verdammt vyyl vor!

Spiilsch denne in dr Nati A
Wirsch mänggi Fraid, doch Fruscht au ha
Spiilsch mänggmool guet, und mänggmool schlächt
‚s Schiggsaal als Schiri ungerächt
De fyyrsch Triumph; fyyhlsch Di als Keenig
Verliersch au vyyl und merggsch…. Bisch weeenig
Wirsch oft verletzt, und liggsch am Boode
Oft dailsch au uss, mit Tritt in d’Hoode

Noh Johre hesch Dy Team wo goht
Fir Dy, wo immer zue Dir stoht
Wie Du zue Ihm,… hesch aber au
Gägner, beesartig und schlau,
wo ihre Hass uf Dy lehn prassle
in dr Hoffnig, Dyni Ziill z’vermassle
Die duesch am beschte ignoriere
und si duur Laischtig fescht fruschtriere.

Im Alter bisch denn nimm so rammlig
luegsch zrugg uf Dy Trophäesammlig,
Dr Schiri Gott duet 's Spiil abpfyffe
Dr Tod wird noh Dym Trikot gryffe
Statt rotblau draisch denn wyss, bigott,
will's so dr ewig Kreislauf wott
Denn hoffsch, Dy Team dänggt still an Dy
am Mittelkreis,…. wenns isch verby

Antworten:

:spos:

Ych vernaig mi - aimool mee...

von Fanti - am 26.11.2014 10:13
Top!

von Kopfschüttler - am 26.11.2014 12:45
merci, Ihr zwai!

von Mätzli - am 26.11.2014 14:25
Einmal mehr: Grosses Kino, bzw. grosse Dichtkunst!

Hoffen wir, der Tag geht so weiter...

von Captain Sky - am 26.11.2014 16:14
Egal wie dicht die Verteidigung ist, Mätzli ist Dichter! :joke:

Danke für das tolle Gedicht, Mätzli! :spos: :spos: :spos:

von Swiss_Rincewind - am 26.11.2014 22:25
wow. has erscht jetz gseh. so scheen.

von Latteknaller - am 24.01.2015 17:13
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.