O.T. Scotland 2015

Startbeitrag von Kopfschüttler am 14.12.2014 19:05

An alli Schottland-Fahrer (dermit sinn NIDD die schottische Fuessball-Stadie gmaint... :D):

Ych ha wiider emolle die agnähmi Uffgoob, für näggscht Joor e ca. dreywüchige Trip durch Schottland z plaane. Mir wärde denn wiider emolle mit eme Mietwaage unterwäggs z si, dr Töff blibt dehaime.

Drotzdämm längt d Zyt nadyrlig nidd, alles go azluege, was me gärn würd und ych wär für e baar Tipps danggbar. Under anderem bin ych z.B. mit Glasgow noonig richtig "warm" worde, möcht aber evtl. nomoll en "Alauf" näh.

1. Was sött me in Glasgow gmacht oder gseh ha und in wellem Egge bietet sich derfür e Hotel aa?

2. Welli vo de Insle Mull, Skye und Lewis and Harris würdet Ihr am ehndschte wägloh und wurumm?

3. Wievyyl Zyt sött me sich für e Bsuech uff Orkney könne näh?

Merci fir Euri Mainige und e guete Staart in die ney Wuche!

Antworten:

Y ha Dir ho m Mainig scho uf Facebook ibermittlet. Y wurd Orkney uussloh, und d'Hebride (inne und usse) under d'Lupe näh.

Route: EDI - Glasgow- Ardrossan- ARRAN- Campbeltown durchquere und via Tarbert und coastal road noh- Oban- ISLE OF MULL(Iona, Staffa)-Oban-Glenfinnan-road to the Isles- Mallaig-SKYE- derte vo nördlige Uig-Lochmaddy, NORTH UIST- SOUTH UIST - BERNERAY- HARRIS- LEWIS vo Stornoway -zrugg uf Ullapool und iber Wester Ross Richtig Oschte zrugg noh EDI.

Bequäm machbar in 3 Wuche. Alli "Filetstigg" vom Weschte drbi.

von Mätzli - am 15.12.2014 09:35
Merci, Mätzli!

Das tönt nidd schlächt. Uff Skye bin ych scho zwaimool gsi, gang aber gärn no e dritts Mool, au wenns wättertechnisch vom letschte Moll här nidd ka toppt wärde.

Alles wird drotzdämm nidd dinne liige, will's sicher no e "Abstächer" uff Islay git. Und evtl. im Oschte no s Dunnottar Castle.

Wievyyl Zyt hesch für Iona und Staffa ka und wie hesch Dr dört "d Zyt vertriibe"...? Und hesch e Tipp bzgl. Glasgow?

:cheers:

von Kopfschüttler - am 15.12.2014 17:36
Bi Glasgow bi n y die falsch Adrässe. Bi zwai Mool dert gsi. Vyllicht am falsche Ort. Find y nid dr Hammer. Fir dr Räscht hilf y Dir gärn. Uf Iona isch me in 3 Std. au gsi, uf Staffa au. Aber s'isch yydrügglig! Mull hett vor allem e tolli Landschaft, wenn de d'Weschtküschte aabefahrsch.

Skye isch immer 3-4 Daag wärt. (Fairy Pool, Kilt Rock etc.) Uf Arran ha n y e guete Frind, wo Dir mit sym 4x4 Unimog Sache zaigt, wo e normale Touri nid seht. Am Loch Shiel bi Glenffinan ha n y dr Jim, wo mit sym Boot Alles kennt wie kai Zweite.

Aso, bi n eme Kaffi kene mer die Route mool diskutiere.

von Mätzli - am 15.12.2014 21:47
Daas mache mir gärn emolle! Unimog tönt ganz interessant! :-)

Vo dr Isle of Mull kenn ych hauptsächlig dr Dail zwüsche Craignure und Tobermory (nadyrlig!), im Nordweschte mag mi guet an dr wyssi Sandstrand in dr Nööchi vo Calgary gfalle, d Gegend dört hett mir scho moll guet gfalle.

Merci zum voruss! Slainte!

von Kopfschüttler - am 19.12.2014 18:31

Re: Der £££

hey, und übrigens, gestern geguckt, und Devisenmässig ist der brit. £ derzeit bei 1.315 zu kaufen. So gesehen wird Schottland noch vorteilhafter.
Ich überlege mir auch eine 2wöchige Ferienreise dahin dieses Jahr.

von Spitzkick - am 23.01.2015 12:11
Isch so... ha dr Pryys für "unser" Hotel in Edinburgh (am Schluss vo de Ferie) immer e bitz im Aug ka, aber mit em bueche no gwartet.

Die drey Nächt hann ych jetzt für 100 Stutz weeniger könne bueche... :D So hett dr Crash weenigschte ebbis guets an sich.

von Kopfschüttler - am 23.01.2015 19:45
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.