Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
8
Erster Beitrag:
vor 3 Jahren, 7 Monaten
Letzter Beitrag:
vor 3 Jahren, 6 Monaten
Beteiligte Autoren:
Fanti, Kopfschüttler, Tuborg, Latteknaller

OT: d Blaggedde 2015

Startbeitrag von Fanti am 29.12.2014 13:19



"Mir basse in kaai Schublaade" isch's Motto.

Mir gfallt si ainigermasse, ha scho besser's gseh. Vor allem dr Baslerstab-Fasnachtsgaischt bi dr Goldige dunggt mi ewäng gsuecht.

Antworten:

Najo, "Standard-Johrgang" würdi mol sage :)

Nätt zem Aluege aber Keini wome in 10 Johr no weiss wie si usgseh het.

von Tuborg - am 29.12.2014 13:38
Zitat

aber Keini wome in 10 Johr no weiss wie si usgseh het.


Ych ha ehrlig gsait scho zwaimool miesse yberleege was ych vor/an dr letschte Fasnacht am Röwehr drait ha bis mer denn em Kottmann sy Mischtkyybel wieder in Sinn koo isch. Die letscht Blaggedde wo bi mir hängge bliiben isch: s Stadion vo anno 2001 (wie kennt's au anders syy... ;-)).

von Fanti - am 29.12.2014 13:50
Gfreut hetts mi, dass es wiider emolle neue Blaggedde-Kinschtler gäh hett.

D Blaggedde an sich gfallt mir rächt guet. Wie maischtens, wenn verschiideni Fasnächtler zum "Handkuss" kömme. Und will die Goldig nidd so "broschehaft" (sprich nidd aifach rund und vyyl Goldadail) isch.

E Jooruhndertwärg isch es nidd. Aber uff die waart ych in dämm Joordausig eh no... ;-)

von Kopfschüttler - am 29.12.2014 15:34
Jetz woni se in de Finger ha, gfallt si doch e Stügg besser als vorhär ab Föteli. Dr glich Effäkt wies oft au mit FcB-Libli isch...

von Tuborg - am 03.01.2015 14:33
Zitat
Tuborg
Jetz woni se in de Finger ha, gfallt si doch e Stügg besser als vorhär ab Föteli. Dr glich Effäkt wies oft au mit FcB-Libli isch...

künschtlerisch find i si ganz i.o.
die bronzeni won ych ha isch aber furchtbar schlächt gstanzt (oder wie au immer me die härstellt). schlächti konture, fascht wie vrschwumme. em kolleg sy silbrigi seht disbezüglich vyyl besser us.

hany eifach eini ussere schlächte charge vrwütscht, oder sehn alli bronzene so us?

von Latteknaller - am 19.01.2015 09:06
Asso die Kupfrige wo mir dehai hänn sinn alli i.O., schyynbar hesch wirgglig e "schlächti Serie" verwytscht. :-(

von Fanti - am 19.01.2015 16:32
Das isch d Oschtschwizer-Versioon! :D

Nai... ych ha au die aind oder ander, wo im Verglyych zur Silbrige abfallt. Wobi ehnder nidd bzgl. Kontuure, sondern irgendwie "fläggig", evtl. schlächt bürschtet.

von Kopfschüttler - am 20.01.2015 07:52
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.