Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
12
Erster Beitrag:
vor 3 Jahren, 5 Monaten
Letzter Beitrag:
vor 3 Jahren, 4 Monaten
Beteiligte Autoren:
Latteknaller, Rotblau, Fanti, It`s in the game, Faninho, Kopfschüttler, grufty

Teschtspiil FCB - SC Freiburg...

Startbeitrag von Fanti am 16.01.2015 06:54

...am Samschtig 24. Jänner 2015, halbi Drei zmidaag uff dr Schytze. Myni Weenigkait wird deert syy.

Und am Zyschtig druff spiile si zer glyyche Zyt uff em Rankhof gääge Schaffhuuse. Denn aber ooni mi, me sett jo au no irgendwenn schaffe... :-(

Antworten:

merci für d info. wird mr wohl leider für kein vo beidne möglich z sy z goh.

von Latteknaller - am 19.01.2015 09:08
Viilicht beidi, ha jetzt nämlig tonnewyys Zyt --> het eber e Job fir mii ;-) ?

von grufty - am 20.01.2015 22:49
Zitat
grufty
Viilicht beidi, ha jetzt nämlig tonnewyys Zyt --> het eber e Job fir mii ;-) ?


Nidd schön! :-( Ych hoff, findsch bald öbbis vernünftigs!

von Kopfschüttler - am 21.01.2015 18:00
Zitat
Kopfschüttler
Zitat
grufty
Viilicht beidi, ha jetzt nämlig tonnewyys Zyt --> het eber e Job fir mii ;-) ?


Nidd schön! :-( Ych hoff, findsch bald öbbis vernünftigs!


dito

von Latteknaller - am 21.01.2015 22:47
Eine Frechheit. Die Firmen verlegen Jobs ins Ausland. Oder entlassen Einheimische über einem gewissen Alter, holen neue Mitarbeiter aus dem Ausland. Die Einheimsichen fallen dann irgendwann in die Sozialhilfe. Dann jammern die Firmen, wenn zu viele Leute im Ausland einkaufen. Und die Spirale dreht sich.
.
Hoffe trotzdem für dich auf ein Job-Wunder.

von Rotblau - am 22.01.2015 06:25
und, wie isch gsy?

von Latteknaller - am 24.01.2015 17:11
2:0

Streller, Neny ;-)

von Faninho - am 25.01.2015 14:40
Zitat
Faninho
2:0

Streller, Neny ;-)

merci für dä usfiehrlich bricht. :p

von Latteknaller - am 25.01.2015 22:35
Zitat

und, wie isch gsy?


KALT! ;-)

Freiburg het in de eerschte baar Minute mee vom Spiil kaa, denn het aber dr FCB s Zepter ybernoo. Fir e Teschtspiil het mi s Tempo rächt hooch dunggt (okay, kalt halt...), baidi Mannschafte sinn sehr angaschiert zer Sach gange. Dr Gonzales isch zwaimool ellai uff e Bürki zooge, het aber baidi mool versait. D Kurve het ybrigens dr Bürki nit vergässe, fascht bi jeedem Ballkontaggt het men e "Buuh" vernoo. S AinsNull vom Streller isch verdient gsii, au wenn Freiburg no die aint oder ander gueti Chance ghaa het (merci Vaclik!).

In dr zwaite Halbzyt isch vo Freiburg bis e baar Minute vor Schluss gar nyt koo! Es isch jo zwor nummen e Tescht gsii, drotzdäm het me sich scho kenne wundere ob dääre mässige Laischtig, denn näggscht Wuchenänd goot's jo in dr BuLi scho wieder los. S ZwaiNull vom Elneny isch dorum irgendwie logisch gsii. Eerscht in de letschte Minute, vo Basel 2/3 vo dr Mannschaft usgwäggslet het, isch dr SC nomool uffkoo und dr FCB het ewäng Glygg bruucht zem s Resultat halte.

Guet gfalle bi Basel hänn mir vor allem dr Xhaka und dr Vaclik (wenn er denn eppis z due kaa het), abgfalle isch kaine. Usser d Frau Holle: die hätt mit em Schneie losse no e halb Stund waarte kenne... ;-)

von Fanti - am 26.01.2015 07:04
Bi mit em Fanti völlig iverstande.

Dr FCB isch besser gsi und het guet gschpiilt. Men of the match au bi mir dr Vaclik und vellicht dr Gonzalez, wo die Ditsche nid in Griff kriegt hän.

Ganz grandiosi Randnotiz isch dr "Geschtesektor" mit Sicherheitspersonal gsi. Si hän is (und viili Anderi) also tatsächlich au nid mit kleine Kinder für die zweiti Halbzit hinders andere Gool loh goh. Jo, es het jo au gfühlti 350 Freiburger Hooligans im Sektor gha!

von It`s in the game - am 26.01.2015 15:05
Man wollte dich nur vor den Hooligans beschützen.

von Rotblau - am 27.01.2015 09:40
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.