Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
17
Erster Beitrag:
vor 3 Jahren
Letzter Beitrag:
vor 3 Jahren
Beteiligte Autoren:
Kopfschüttler, Swiss_Rincewind, Lemieux, Captain Sky, grufty, Fanti, Latteknaller

Poete-Hogg, Februar 2015

Startbeitrag von Swiss_Rincewind am 04.02.2015 06:09

Y wär äigentlig widder mol am Hogg drby, wenn denn äin z'stand kunnt...
Aber mr wärden ys wohl en anderi Lokalität miesse sueche. D ex Hattrick-Bar het jo numme no bis am 20:30h offe und dä Donnschtig, so wie's ussgseht, nur bis 20:00h (es isch ab 18:00h die offiziell Eröffnig vo dr Bar).

Wär wurd morn am Hogg täilnäh?

Antworten:

...sorry, goot nit (Donnschtig und doodermit Seibi-Drummle).

von Fanti - am 04.02.2015 07:12
Bi in Zirü und kumm erscht nach de 9i zrugg :(

von Lemieux - am 04.02.2015 08:41
Wenn e hampfle zämme chäm, wär i au drbi

von grufty - am 04.02.2015 13:11
ha eigendlich (ändlig) wider emol welle cho, jetzt häns mr aber e iiladig vom mittwuch uf e donnschdig vrschoobe. hmmpf..

wo würd me sich träffe?

von Latteknaller - am 04.02.2015 23:18
Ych ha hütt e bitz e Segglerei und wüsst nur kurzfrischtig, öbs no längt zum Yneluege.

Hattrick-Bar... wenn si aim am Achti wänn usekeie, macht mines Erachtens kuum Sinn. Zuedämm könnts (je nach "glaadene Gescht"...) au zume Sehen-und-Gesehen-Werden Alass wärde, dass muess ych nidd unbedingt hat.

Also wenn, denn ehnder in anderer Location, Dailnahm minersyts offe (s. obe...).

von Kopfschüttler - am 05.02.2015 08:51

Re: Poete-Hogg, Februar 2015; Örtligkäit

Wie wär's mit em Rest. vo dr St. Jakob Arena (Yyshalle)?
Schüttler: Isch das öbbis?

von Swiss_Rincewind - am 05.02.2015 10:05
S Arena-Reschtaurant ka me aktuell wiider ehnder bsueche, als au scho!

(Nidd wägem EHC, sondern dr Spiiskarte und de Pryyse...)

von Kopfschüttler - am 05.02.2015 10:37

Poete-Hogg im Arena-Restaurant (Yyshalle)???

Also... Do käini andere Vorschleg bezüglig Örtligkäit gmacht worde sin, stellt sich für mi folgendi Frog:
Träff mir ys ab 19h im Rest. vo dr St. Jakob Arena oder löhn mr dr Hogg hüt ussfalle?

(Ych ha vo 16:00h bis ca. 17:30h käi Internetzuegang.)

von Swiss_Rincewind - am 05.02.2015 13:58
Also, mir kömme!

D Zyt muess ych allerdings no offe loh, irgendwenn zwüsche 19.00 und 19.45 sötts aber klappe!

C U

von Kopfschüttler - am 05.02.2015 14:38
PS:

Öffnigszyte und Spyyskarte etc:

[www.restaurant-arena.ch]

von Kopfschüttler - am 05.02.2015 14:40
Y wird zwüsche 19:00-19:30h yyträffe.

von Swiss_Rincewind - am 05.02.2015 14:48
Wird läider ca. 19:45h wärde...

von Swiss_Rincewind - am 05.02.2015 17:49
Faszinierend, die Website scheint älter zu sein als die St.Jakobs-Halle.

(mir reichts einmal mehr nicht)

von Captain Sky - am 05.02.2015 18:27
Zitat
Captain Sky
Faszinierend, die Website scheint älter zu sein als die St.Jakobs-Halle.

(mir reichts einmal mehr nicht)


Soooo schlimm find ych si nidd. Vom Erschynigsbild här e bitz "huusgmacht", aber immerhin rächt aktuell. Das isch aigentlig mehr wärt, als e top Design aber nie aktualisiert.

von Kopfschüttler - am 06.02.2015 07:09
Tjä.... daas hett nidd klapp... :-(

Nachdämm dr Rincewind kurzfrischtig hett miesse absaage und d Kopfschüttlers doch erscht schpööter als erwartet hätte könne "areise" isch dr Hogg ussgfalle.

Ych hoff, s isch niemert agrennt. Grufty... Dir hann ych e SMS gschiggt, befürcht aber, s isch e nümm gültigi Nummere gsi?

Villicht klappts näggscht mool jo wiider...

von Kopfschüttler - am 06.02.2015 07:12
Fritig übere Mittag bini in der neue Rob-Blau-Bar gsii: Naja. Alles rotblau gstriche, e Töggeli-Chaschte, alli Fänschterverkleidige uusegnoo und e baar Glotzene mehr iinegstellt als vorhär, that's it. Nit wirglig der Brüller, aber immerhin e Fortschritt gegenüber vorhär...

von Lemieux - am 09.02.2015 07:22
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.