Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
11
Erster Beitrag:
vor 2 Jahren, 6 Monaten
Letzter Beitrag:
vor 2 Jahren, 6 Monaten
Beteiligte Autoren:
Fanti, Tuborg, Spitzkick, Kopfschüttler, maischter proper, Captain Sky, Swiss_Rincewind, Rotblau

Göp: Sion - FCB

Startbeitrag von Fanti am 12.12.2015 10:09

Noch dr 384. Musggelverletzig vo dr lauffende Säsong stoot dr Salvi im Gool. Git aber sowieso e schwierige Match, ych hoff emool Sion laufft noch dr Dreifachbelaschtig au ewäng uff em Zahnflaisch und mer kemme wyter.

Antworten:

Y hoff au, dass es längt, zem Wyterkoh. Aber y befürcht, dass sich eher 1-2 wyteri Spieler uff däm Agger verletze wärde (wien e Rase het das am Donnschtig scho nümm so wirgglig ussgseh).

von Swiss_Rincewind - am 12.12.2015 14:24
1-1

von Tuborg - am 12.12.2015 17:11
Frei nach Hans Krankl: Im Cup muss man gewinnen, alles andere ist primär.

Ich hoffe auf eine konzentrierte Leistung, auch weil die (Feld-)Spieler aufgrund der Ausfälle auf der Goali-Position kein Risiko eingehen wollen.

von Captain Sky - am 13.12.2015 13:39
Sodeli Herr Fischer, s zwaite Säsongzyyl verbasst.

von Fanti - am 13.12.2015 17:16
Saisonziel isch xi, nid scho wieder dr Cupfinal verliere. Das het me hüt vorzitig erreicht, ergo Alles guet.

Me isch e Halbzit lang nit parat xi, het denn nochär wenn au nid qualitativ, denn aber wenigstens kämpferisch könne zuelege, het ändlig au mol d'Ellböge usgfahre und em Gegner ufzeigt dass me nid gedänkt, sich nomol e Halbzit lo zämetrampe und wägschupfe. Das het denn Respäkt erzügt, mit welem me sich denn 2 Goals erkämpft het. Für d'Verlängerig het me denn schlauerwis vom System und dr Istellig wo funktioniert het wieder umgestellt uf die Schissi wo nid funktioniert het und nochär im 11m-Schiesse hän die gwunne wo mehr dra glaubt hän, sprich e Spiegel vo HZ1.

Und nachem versteckte Hiwis an Trainer in Sache Umstellige do none dütlige Hiwis: Wenn e Spieler hesch wie dr Bjarnason wo dr ganz Matsch kei Glügg het, denn verglemmi losch sicher nid dä e Elfer schiesse du Seppl!


I hoff dass mr im Friehlig denn au mol e spielerisch/qualitativ überzügendi Leistig wärde seh vo dr Mannschaft. Qualität hets gnueg, und i nimm zugunste vom Trainerteam jetz eifach mol a dass d'Dreifachbelastig plus Verletzigspäch hauptverantwortlig drfür sin dass me vo de letzte 15 Mätsch 14x wagglig und fahrig gsi isch. Oder Andersch gseit, nach dr Pause sin Alli wieder fit, den gits keini Usrede me vo wäge "mr hän nur änglischi Wuchene und dass mr 172 Muskelverletzige gha hän im Herbst isch nur e dumme Zuefall gsi". Dass mr dä Herbst mit +10 abgschlosse hän isch ellei dr individuelle Klass in dr Truppe zuezschribe, dass dr UFi als Trainer öbbis Entscheidends biträit het bis jetz fählt mr bis do ane völlig.

von Tuborg - am 13.12.2015 18:51
Zitat

Saisonziel isch xi, nid scho wieder dr Cupfinal verliere. Das het me hüt vorzitig erreicht, ergo Alles guet.


:joke:

von Fanti - am 13.12.2015 20:48
Ein stunde lang ohne Inspiration, wie schon oft. Gegner einen wacker kämpfenden Gegner reicht es nicht. Gegen weniger gut aufgelegte Gegner hat es schon manchmal gereicht.

von Rotblau - am 14.12.2015 06:25
är isch fällig, definitiv. y würd dr muri zrugg hoole zum bischpil

von maischter proper - am 14.12.2015 08:57
War neben dem Uninspirierten auch Pech dabei. Ein zweiter Penalty wäre mit anderem Schiri dringelegen, auch eine gelb-rote Karte aus Sittener Seite. Jänusodenn. Zudem das 1:0 klar offside. Das Schiri Team hatte eine eher schlechteren Tag eingezogen. Von Dani Wyler sprech ich mal nicht, der war unterirdisch.

von Spitzkick - am 14.12.2015 10:51
Jä nu... sölle sich halt irgendwelli Loser-Verain um dä Titel stritte, wo sich eh nur als Dail vome Double guet macht! ;-)

Ych ha nidd dr ganz Match könne luege, ha aber sälbscht im Livestream uff em Handy bim 1-0 s Offside gseh. Was für e Baum isch dämm Linierichter im Wäg gstande?

E Match, wo uff gwüssne Dail vom Spiilfäld besser Schlittschueh montiert hättisch und drumm (s. d Szene vorem 2-0) vyylmools die glyych Lotterie wie s schlussändlige Penaltyschiesse woorde isch. Ych mach em FCB kai Vorwurf, dass es schlussändlig in d Hoose isch.

Sion mit sine ständige Dräggeleie (hett me welle Fiorentina nochemache?) ungfähr glyych sympathisch wie ihre Presidänt und e Schiri, wo sich in Sache Karteverdailig em Wintersport abasst und e Slalom anegleggt hett. Im Griff hett dä genau nüdd ka.

Em Wyyler hann ych (aimool mehr) kaini zwai Minute könne zueloose. Hätt ych schnäller usegfunde, uff wellem Programmplatz scho wiider dr zwait Wälsch isch, wärs no kürzer gsi. Unterirdisch isch bi dämm ehnder no e Lob...

von Kopfschüttler - am 14.12.2015 12:04
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.