Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
7
Erster Beitrag:
vor 1 Jahr, 4 Monaten
Letzter Beitrag:
vor 1 Jahr, 4 Monaten
Beteiligte Autoren:
Latteknaller, Kopfschüttler, Mätzli, Rotblau, Tuborg, Fanti, grufty

Sali zämme

Startbeitrag von grufty am 05.06.2016 16:54

Es git mit no!

Ha sit 7 Wuuche wider e Job und drum au wiider weniger Freyzyt - aber i ha jo 5/4 Joohr lang chönne uf dr fuule Huut liige und mi vo dr Bärn-Pändelei z'erhole. Jetzt wird wider aaneklotzt, isch aber natiirlig ganz anders, wenn me am finfi wider hai cha.

Bi au es paar mool an eme Training gsi zum mis obligate Joohrestrikot unterschriibe z'loh. E chlini Episode:

Noch em Training, wo au vo ne paar FCB-Juniore beobachtet worde isch, sind die 'groose' schnäller wäg gsi, als me het chönne luege. Ainzig dr Embolo und no aine vo de Junge isch zrugg bliibe und dr Embolo het d'Juniore ermunteret, Eggbäll zschiesse und het si au entspächend globt, wenn sie guet gschosse hän und ermunteret, wenns nit ganz so guet klappt het. Ächt stargg! D'Juniore sind hi und wäg gsi. Dä wird glaub emol e guete Juniore-Träner, wenn är in viiile, viiile Joohre us em Usland zrugg chunnt und die aggtivi Karriere bim FCB beändet het ;-)

Winsch euch allene e scheeni EM, uf dass euri Favorite gwünne und d'FCB-Spiiler unverletzt zrugg chömme.

Antworten:

Hey Grufty!

1. Schön wiederemol Öbbis vo dir z'läse
2. Freut mi saumässig dass de wieder in Charge bisch
3. Schöni Story vom Embolo, passt zum Bild vome vonem het

Zauberet mr grad e Lächle uf d'Lippe, Merci :)

von Tuborg - am 05.06.2016 19:27
Scheen dass wieder emool schriibsch! Aber no vyyl scheener dass wieder e Job hesch, vor allem e "pändelfreie"!! :spos: :D

von Fanti - am 05.06.2016 20:12
Erfreuliche Meldungen sind das.

Nur hoff i aber, dass dr Embolo nit so villi Johr im Usland und gli wyder fir dr FCB uf Gooljagt goht.

von Rotblau - am 06.06.2016 07:00
Vyyl Gligg bi Dym neye Job!

Die Gschicht vom Breel isch bezeichnend. E Riisetyp. Schaad, wird er uns verloh......

von Mätzli - am 06.06.2016 09:14
hey grufti. gratulation zum neue job. 5/4 joor? hmm.. do kanni mr jo no 10 mönet zyt lo :D

von Latteknaller - am 09.06.2016 13:30
Welcome back!! :spos:

von Kopfschüttler - am 17.06.2016 18:26
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.