Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
11
Erster Beitrag:
vor 1 Jahr, 1 Monat
Letzter Beitrag:
vor 1 Jahr, 1 Monat
Beteiligte Autoren:
Fanti, Rotblau, Mätzli, Kopfschüttler

PééEssSchéé - FCB

Startbeitrag von Fanti am 18.10.2016 06:46

Moorn git's z Paris mit an Sicherhait gränzender Wohrschyynlichkait wieder gheerig ain an Pinsel. Gääge soon e Truppe hänn mer kuum e Chance, uswäärts scho gar nit. Ych tipp emool uff e "gnäädigs" 3:1 (Gool vom Birkir).

S Fantis wäärde vor Ort syy, zämme mit e baar weenige Unentwägte. Schyynts syyg vo de 800 Woutschers wo em FCB zer Verfiegig gstellt woorde sinn numme guet d Helfti bezooge woorde. Es wäärde sicher no e baar Fans in andere Seggtoore hogge, aber vyyl Basler wird's nit im Stadion ha. Wie au immer, mir fraien uns uff d Rais und ewäng "Sightseeing" vor em Match.

Hopp FCB!

Antworten:

Glaine Nochdraag: soo läär wird dr Gäschteseggtoor denn doch nit syy... ;-)

[www.blick.ch]

von Fanti - am 18.10.2016 07:46
Alles andere als eine Klatsche wäre schon gut. Ein Unentschieden wäre sensationell, ein Sieg mega-super-hyper-geil-grandios.

Fanti, gar nicht solidarisch mit den vielen boykottierenden FCB-Fans, die nicht hingehen, weil sie nicht anoynym ins Stadion dürfen.

Wäre das Spiel heute Abend, wäre iuch mit dem Te-Sche-We zum Pe-Es-Sche gereist.

von Rotblau - am 18.10.2016 08:15
Zitat

Fanti, gar nicht solidarisch mit den vielen boykottierenden FCB-Fans, die nicht hingehen, weil sie nicht anoynym ins Stadion dürfen.


Ha nyt z verbäärge... ;-)



von Fanti - am 18.10.2016 08:49
Hani ganz vrgässe, s'schtimmt jo, wär nytt z'verbärge hett, kha jo logger sini ID am Ygang zaige.

von Rotblau - am 18.10.2016 09:09
Ych hoff uff e gueti Laischtig vom FCB, fir e Punggt wirds laider nidd länge.

Und allne Reisende e gueti Zyt vor Ort!

von Kopfschüttler - am 19.10.2016 06:22
Wenn dr FCB so muetloos uffdritt wie z'Londe gits grad nomoll e ungmietlige Oobe. Y hoff jetze, dass me nid will dr Betonmischer aaschmaisse, sondern keck noh fiire spiilt. Wenn mir das mache, und vorne ebbis probiere, noh isch mer au e Klatsche wurscht. Denn hämmers wenigschtens versuecht!!

1-1

von Mätzli - am 19.10.2016 08:49

noh n em Matsch

Bravo! Genau so isch es gsi. Mir hänn heecher verloore als bi Arsenal, aber um WÄLTE besser gspiilt. Fuessball isch nid immer logisch! Spannend wär gsi, z'luege, wie dä Match ab der ca. 20. Minute wytergloffe wär, wenn dr Doumbia troffe hätti......

Item.. E Spiill, wo me international ka druf uffbaue. Au guet, dass Razgrad bi Arsenal unter d'Reeder koh isch. Fazit: Mir wärde europäisch iberwintere. Alles Anderi wäri Zuegoob!

von Mätzli - am 19.10.2016 23:06
Gueti Laischtig gsi und um zwai Goal z hoch verloore.

von Kopfschüttler - am 20.10.2016 05:47
Sodeli, zrugg vo Paris (und laider im Büro... :-()

Schlächte Lohn fir e gueti Laischtig, vor allem in de eerschte Halbzyt. E Punggt wäär definitiv dinne glääge, jänusodenn.

S Raisli het sich drotzdäm glohnt, numme uff die chaotisch Ruggfahrt hätt me kenne verzichte. Bim Aanegoo het alles no klappt wie blaant, mir sinn pynggtlig am Zwai zmidaag bim Stadion gsii. Das het gnueg Zyt gää fir e Besichtigung vo Sacré Coeur und Montmartre inggl. eme Dreigänger bim "Eugène". Und uff em Ruggwääg zem Stadion het's au no fir e kurzi Visite bim roschtige Turm glängt.

D Yygangskontrolle isch logger gsii, d Schugger im Seggtor hänn nit gsteert. S Stadion isch rächt guet, ab und zue het's stimmigsmässig rächt grääblet vo de Pariser. Bi uns isch es halt ooni Capo/MK-Fritze ewäng liisliger zue und häär gange, aber ych dängg d Mannschaft het uns drotzdäm wohrgnoo.

Noch em obligaate Waarte im Gäschteseggtor denn d Haimrais.....d Stadtautibahn "uuse" isch gsperrt gsii, dr au am Elfi zoobe immer no massiv Verkehr het sich duur Quartierstroosse zwängt. Wo mer denn ändlig uff dr Autibahn gsii sinn het me die wäägen eme Unfall bald wieder verloo miesse, und laider isch unsere Schofföhr dernoo verglemmi lang im Landstroosse-Lauch ummegfahre. All 500m e Graisel, mit em groosse Bus duur ängi Deerfli - bi däm Gewaggel isch schloofe kuum meeglig gsii. Zemänd sinn mer mit yber zwai Stund Verspeetig (lyycht ybermieded :o) am Viertel ab Achti demoorge bim Joggeli aakoo...

von Fanti - am 20.10.2016 09:47
Mein Kommentar etwas spät:
35 Minuten hat der FCB das Richtige gemacht, den Gegner schon früh gestört. Dann hat man plötzlich darauf verzichtet. Wie kann man nur.

von Rotblau - am 21.10.2016 12:45
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.