O.T. Blaggedde 2017

Startbeitrag von Kopfschüttler am 28.12.2016 16:00

Gseh hänn Dr si uff irgendme Online-Portal sicher scho (und falls nidd: Blaggedde)

Falls aber öbber nidd waiss, wo-wie-wenn är die ka bikoh, dörf me si sehr gärn au bi mir bschtelle! :D

Und sunscht:

E guete Abschluss vom 2016 und e no bessere Staart ins neje Joor!

Antworten:

Gfallt mer nit bsunders. Langwyylig wie s Motto au.

von Fanti - am 28.12.2016 17:21
Ych find si guet, vorallem will vyyli Elemänt vo dr Basler Fasnacht abbildet wärde. Speggtakulär isch s Sujet nidd. Aber wenn ischs daas scho....? :D

von Kopfschüttler - am 29.12.2016 07:12
...und wenn 'mol fasnachtsmässig us em Rahme fallsch dien aim die glatte Sieche mit de groosse Hiet d Subvenzioon kyrze - kennsch jo au... :rolleyes:

von Fanti - am 29.12.2016 07:23
Denn ka daas haisse...

...daas Joor dörf me kürzigsfrey usem Rahme falle
oder
...es wird grundzipiell bi allne gschpaart!

Ych tipp uff letschters ;-)

von Kopfschüttler - am 29.12.2016 08:41
Duesch d Route nit ganz absolviere
Und dorum Di nit bresentiere
Gnueg mool vor em Comité
Macht Dir das in dr Kasse weh
Oder duesch bim Sujet wooge
S Thema z kritisch hinderfrooge
Bisch politisch nit korräggt
Oder s Goschdym z weenig gschläggt
Kyrzt me au dr "Fasnachts-Lohn"
Das haisst s git wen'ger Subvenzioon…

von Fanti - am 29.12.2016 09:19
Als Wäägeler duets Di fascht nümm gratze,
s git eh nur e ganz glaine Batze!

von Kopfschüttler - am 29.12.2016 11:40
Jä guet, im 17 sell's jo syy
Dass d Wäägeler sinn schyynts derbyy
Am Drummeli nääb Glygge, Gugge
Und dien deert iiri Sprychli spugge.
Fir das wird's dängg e Batze gää
Pro Uffdritt Fuffzähfranggezäh
Mit däm kaasch denn in's Foyer lauffe
Und zwai Bier mit Dringg-Gäld kauffe...

von Fanti - am 29.12.2016 13:59
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.