Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
9
Erster Beitrag:
vor 8 Monaten
Letzter Beitrag:
vor 8 Monaten
Beteiligte Autoren:
Fanti, Latteknaller, Don Daniel, Kopfschüttler, Lemieux, Spitzkick, Swiss_Rincewind

Aadie Urs

Startbeitrag von Fanti am 10.04.2017 10:07

Gemäss FCB-SMS Ändi Säsong - ych vermuet si jaagen en scho friehner vom Agger...

Wie au immer: merci fir alles, sooooo schlächt het er dr Job nit gmacht.

Antworten:

Re: Aadie Ursli

Wird nicht einfach für den neuen Coach, und die neue Führung. Man stelle sich vor: FCB holt das Double. Und im kommenden Jahr muss dieses Ziel dann getoppt werden.
International hängen die Trauben eh nicht allzu hoch. Aber ebbe: Der eigene Erfolg drängt einem in diese Position.

von Spitzkick - am 10.04.2017 10:42

Re: Aadie Marco

Sooooo schlächt scho nit. Aber y truur em trotzdäm nit bsunders noche.

Was mit meh überrascht het: Au dr Walker (und Hoffmann) mien goh!

von Swiss_Rincewind - am 10.04.2017 10:55

Re: Aadie Marco

Uss minere Sicht isch der Entscheid, dass der Walker mues goo, zumindest vill besser begründbar als bim UF. Freu mi au uff e neui Lösig, bi aber nit überzügt, dass das guet kunnt. Isch mer im Momänt no biz vill blabla, allerdings wärs im jetzige Zitpunggt no biz verfrüeht, mehr als das z'erwarte. Bi sehr verhalte optimistisch...

von Lemieux - am 11.04.2017 05:14

Re: Und wär sell koo?

Ych bi fir dr Raphael Wicky. Är macht als U21-Drääner schyynts e guete Job und wuurd zem "Basler Wääg" basse, au wenn er e Walliser isch.

von Fanti - am 11.04.2017 07:19

Re: Und wär sell koo?

Vermuetlig au e bitz günschtiger z ha, als irgend e "Trainer mit Naame". Mit Bligg uff die plaanti Sänggig vo de Lohnlaischtige um e baar Millioone macht daas Sinn.

Ych würd au uff dr Raphael ("Jean Michel" oder wie au immer...) Wicky tippe.

von Kopfschüttler - am 11.04.2017 09:49
d tatsach überrascht nid, so frieh hät i s communique aber nid erwartet. dass dr walker und dr hoffmann au mien go isch eigentlich konsequänt. es isch z erwarte, dass dr neui trainer au si staff möcht bestimme. e klare schnitt halt unter dr neue fiehrig. öbs guet kunnt? abwarte.

em urs wünsch i alles gueti. är isch mr sympatisch und dr fuessball hani unterem sousa teilwies vyyl öder empfunde.

von Latteknaller - am 11.04.2017 10:31

Re: Und wär sell koo?

wunsch: tuchel, streich, aber unrealistisch.

wicky wär e muetigi lösig, wony könnt drmit läbe.

ein vo de beide schmidts (mainz, heidenheim) fänd i au no witzig.

von Latteknaller - am 11.04.2017 10:35
dr fischer het e solide seriöse job abgliferet.

ich hät no e saison draghängt mit em, es wär wenigstens ei fixpunkt gsi im ganze umruch.

wenns um d'emotione goht, do wünsch ich mir natürlich offensivere fuessball und dorum freu mi uf e neue trainer mit hoffentlich mehr muet zum risiko.

dangge Urs Fischer. er het uns guet do nach em prozäss-pauli-sousa

von Don Daniel - am 11.04.2017 20:47
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.