Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
11
Erster Beitrag:
vor 7 Monaten, 3 Wochen
Letzter Beitrag:
vor 7 Monaten, 2 Wochen
Beteiligte Autoren:
Fanti, Kopfschüttler, grufty, Zuschauer, Tuborg, Mätzli

Maischter - scho hitte?

Startbeitrag von Fanti am 28.04.2017 06:14

Ych glaub si pagge's mit eme "humorloose" Unentschiede z Luzärn. Und denn uff e Seibi? Zemindescht myni Weenigkait nit, ych gang denn (hoffentlig!) noch em Göpfinal go feschte und nadierlig am offizielle Aaloss aafangs Juni.

Antworten:

Vermuetlig rafft sich Luzärn wiider emolle gege dr FCB zunere guete Laischtig zämme und gwünnt. Und YB kunn am Sunntig nidd über e Unentschiide use.

Mir isch es aigentlig glyych, ych bi hütt Zobe unterwäggs nach Bischofszell, bi über Nacht dört und ha weder TV no Internet. Villicht bikumm ych s am Radio mit.

Was fir e doofi Idee, dä Match hütte z schpiile... :-(


PS: Drotzdämm hoff ych uff e 0-2 oder 1-3 für dr FCB :D

von Kopfschüttler - am 28.04.2017 10:38
Moorn isch z Luzärn Stadtlauf (sinn halt ebe Waichaier, mache e Stadtlauf im Friehlig, unsere isch im Winter! ;-)), wääge däm kaa dr Match nit am Samschtig stattfinde. Aber es gääb jo au no dr Sunntig... :rolleyes:

von Fanti - am 28.04.2017 11:08
1-1 gits. Dr Mätzli hets gsait.

von Tuborg - am 28.04.2017 11:16
Richtig.

Es länggt scho hitte.

Das hett d'Mannschaft au so welle, behaupt y. Die hänn uf kai Fall welle "Sofamaiaschter" wärde. Pyrogaili Sieche! :-) Dorum dä Match gääge Vaduz.

Ohne Brillianz e 1-1. Bi beide Team isch d'Luft scho duss.

Y bi laider hitte zoobe nid z'Basel, sondern im scheene Bärner Oberland, wintsch aber Dääne wo gehn, e gediigene 20. Titel zem abfyyre. Proscht!

von Mätzli - am 28.04.2017 13:27

Re: Ewualla!!!



von Fanti - am 28.04.2017 19:44
und täglich grüsst das murmeltier... eimol meh bliibt mir nüt anders übrig, als mini gratulatione uf basel und insbesondere zu de poete z schicke. gnüssets und uf dass i 8 johr die plant spontani meisterfiir mit ehregascht rica so richtig rockt. das wär wieder mol e party wo chönnt emotione freisetze;)

hau rainer :cheers:

von Zuschauer - am 28.04.2017 20:48

Re: Maischter - scho hitte? YESS!!

Scheene Song!

[www.youtube.com]

:spos:

von Fanti - am 28.04.2017 21:52
Härzligi Gratulation an alle vom FCB, die wo uf em griene Raase schutte und die wo alles möglig mache.

Und uf em Blöööck hebe si natirlig wider emol füre, dass immer no GC Rekordmaischter isch :rolleyes: Mini Antwort: '... und von den 27 GC-Titeln stammen 25 noch aus dem letzten Jahrhundert und weit mehr als die Hälfte sind über 50 Jahre alt... Kein weiterer Kommentar nötig ;-) ' - isch aim bös uufgstoose und het e Antwort provoziert, wo aigentlig voll näbem Thema verbii isch - Niid, Verzwiiflig und Hilflosigkait pur :rp: . Also: ab 2025 cha dr FCB neue Rekordmaischter si :rp::xcool: - mien sich die andere halt ebis meh aastränge anstatt em FCB dSchuld drfür gäh

Freu mi ufs Fescht im Juni!

von grufty - am 29.04.2017 15:16
Joooooooo!

Maischter, Schwizermaischter, schölölölööööölöölölölölööööölö!

S wird halt doch nidd langwiilig, rotblau am Fyyre gseh! :D

von Kopfschüttler - am 01.05.2017 10:35
Interessant ybrigens dr Bricht us Münche in dr geschtrige Sportreportage vo ZDF. Am Oobe wo si Maischter woorde sinn - nix los in dr Stadt. Und am Daag dernoo eerscht rächt nit, es schyynt kuum aine z interessiere. In eme Intereview mit eme Fan isch e no schlimmeri Glyychgyltigkait ybere koo als bi uns, derbyy sinn die eerscht zem fimfte Mool hinderenand Maischter woorde.

Bi gspannt was abgoot falls mer dr Göpfinal gywynne sotte, ych glaub denn git's wieder emool richtig gaili Emozioone im Stadion und uff em Seibi. Aber ebe: falls...

Uff jeede Fall frai mi uff das Stadt-Maischterfescht am 3. Juni! @grufty: gseht me sich? Ych bi denn dä im rootblaue Lyybli... ;-)

von Fanti - am 01.05.2017 11:44
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.