Delgado... :-(

Startbeitrag von Fanti am 30.07.2017 17:49

MUCHAS GRACIAS fir alles... :-(

Bi irgendwie total perpläggs und kaa's noonig so rächt fasse...

Antworten:

Ha ihn geschter no am Juniore-Turnier z Aesch gseh (daas hett dr FCB übrigens hütt im FInal gege Fulham gwunne) und ha gmaint, är sig nidd "granz rund gloffe", aber sicher nüdd gröbers.

Drumm hann ych dänggt, är isch agschlaage und spiilt drumm nidd. Drotzdämm isch mir vor em Match uffgfalle, dass sie niemert (also au ihn nidd...) als verletzt gmäldet hänn.

Und denn die Negativ-Überraschig hütt Zobe im TV... :-(

Schad, sehr schad. So e Karriere-Ändi hett är jetzt wirglig nidd verdient...

von Kopfschüttler - am 30.07.2017 17:52
Was für ein Choc!

Aber er hat das Recht, seinen Entscheid (die Vertragsverlängerung) zu überdenken und sich anders zu entscheiden. Das hat Streller ja nicht anders gemacht, einfach mit einem etwas anderen Timing.

Jede Art von Verschwörungstheorie halte ich für abwegig.

Und Wicky hat auch recht: Man muss das jetzt als eine Chance verstehen.

von Tschum - am 30.07.2017 18:49
Wirklich ein Schock!

Ich würde ihn gerne wieder spielen sehen.
Erinnern wir uns an den Cupfinal als eines seiner besten spiele....
doch der Häusler-Heitz Abgang hat ihn (trotz Pippi) sehr geschmerzt.

jetzt kann man spekulieren ob der mit Fischer noch gemocht hätte.. als 10ner mit allen Freiheiten.
Aber das bringt nichts, ist nun so und sollte man akzeptieren.

Danke Maty für wunderbare Jahre!
Möge dein Sohn ähnlich schön spielen :-)

von Faninho - am 31.07.2017 10:55
Danke Maty für alles Schöne und die wunderbaren Jahre!

Keine Ahnung was/wie passierte. Ich empfinde im Augenblich den Abgang als einen ehrlichen, schmerzvollen Entscheid. Die Hoffnung, da wieder anzuknüpfen wo man es sich vorstellt, kann sich in einem Moment in Klarheit auflösen, oder in einem Schleichendem Prozess fällt es wie Schuppen vor den Augen. Sowas geschieht immer wieder.
Den Mut haben das anzunehmen, dazu zu stehen, das erfrordert Grösse!

Danke für alles und alles Liebe auf dem Lebensweg!
.

von Mahatma - am 31.07.2017 11:37
dr mati het scho bi sim comeback gseit, dass är wird uffhöre, wenn är s gfühl het, dass är im fcb nümm ka hälfe. dass är das jetzt tatsächlich macht het mi gröschte respäggt... und macht dr vrluscht irgendwie no schlimmer.

merci mati. du bisch ein vo de gröschte, wenn nid dr gröscht, woni in mine bald 40 johr fcb-fan sy ha dörfe uf em rase gseh.

von Latteknaller - am 31.07.2017 12:29
Bei allem respekt vor diesem grossartigen fussballer: da hat er euch ein rechtes ei gelegt. Zu diesem schluss hätte er schon vor ein paar wochen kommen können/sollen. Scheiss zeitpunkt.

Schön für ihn, dass ihr alle es mit der rotblaurosaroten brille beurteilt.

von Zuschauer - am 31.07.2017 13:31
Zitat
Kopfschüttler
So e Karriere-Ändi hett är jetzt wirglig nidd verdient...


au wenn das jetzt blöd tönt: das Karriere-Ändi hett är jetzt wirglig sälber usgsuecht... :(

von RKB - am 31.07.2017 15:13
mir sin halt alles verdammt naivi FCB-Fans, wo IHN über alles gliebt, oder zmindescht bewunderet hän.... ;)

von RKB - am 31.07.2017 15:14
gsehn ych au eso!

sorry, fyr mi isch si abgang pussylike!!!

be allem respäggt und bewunderig, e champ goot nit durch d'hinterdüür sondern mit zwei pokääl in de händ durch die groosi düüre. und wenn är meint, dass das nit ändi 17/18 isch denn hätt är das mit em double immer no könne mache letschte juni.

dr cöpfinal isch no kei quartal här und dört isch är topfit gseh. wenn är e depro het sell är e "sebättigl" mache und in 3 möönet wieder do stoo. und wenn dämm nit eso isch, denn soll är die wohre beweeggrind fyr en abgang durch d'hinterdüür nenne...

ych wird en au vrmisse, dängg aber, dass är ersetzbar isch in vyylne belange (genau so, wie n är dr haki het lo vrgässe zB)

dangge fyr alles mati!

von maischter proper - am 31.07.2017 16:33
Falsch zitiert

von Zuschauer - am 31.07.2017 17:24
Zitat
RKB
mir sin halt alles verdammt naivi FCB-Fans, wo IHN über alles gliebt, oder zmindescht bewunderet hän.... ;)
vollkomme ok. Isch nur mini meinig vo usse.

von Zuschauer - am 31.07.2017 17:26
Het eppis. Abgang noch em Double wäär King gsii, jetz isch's ewäng Prinz Aschenbrödel (remember Pelzkappe & wyssi Strumpfhose).

von Fanti - am 31.07.2017 21:50

Alles Fake News...

In Tat und Wohrhait tritt dr Delgado gar nidd zrugg. Aber es isch s ainzige Mittel gsi, um wiider moll e bitz Schwung ins Forum z bikoh. Drumm hann ych ihm am Samschtignommidaag am U18-Turnier gsait, är söll ys moll alli schogge...

Und jetzt ärnschthaft.

Es isch e unschöne Abgang, do sinn mir uns in de leschte Joore scho bitz anders gwöhnt gsi. Me ka das Ganze sicher unterschidlig aluege, ych finds ehnder muetig (wenn au ärgerlig), dass aine anestoht und quasi zuegit, dass är e Fähler gmacht hett, denn underem Strich hett är sich wohl zunere Verdraagsverlängerig überschnuure loh, obwohl är vermuetlig denn scho gwüsst hett, dass Kopf/Körper nümm so richtig wänn/könne. Öb daas jetzt pussyhaft isch, oder im Gegedail sogar öbbis an Eier bruucht, vor Fans und Medie z stoh, ka jede nach sim Guetdüngge entschaide.

Mir persönlig isch dä Schritt uff jede Fall vyyl lieber, als wenn sich aine e Saison lang hinder faadeschynige Verletzige verschteggt und/oder e bitz mitschuttet, obwohl är sälber waiss, dass es im Verein nidd daas bringt, wos aigentlig miesst und nääbebei e Saison lang no e schöne Zapfe yyschtriicht. Das wär für mi d Pussy.

In dämm Sinn:
E glanzvolle Abgang durch e falschi Entschaidig verbasst, die positive Erinnerige überwiege aber bi wytem. Dangge, Mati!

von Kopfschüttler - am 01.08.2017 09:54

Re: Alles Fake News...

nei, nit fake news

y verstand was du meintsch möcht aber nomol betoone: dr MED het fyr mi eifach nit klarteggscht gsproche. (körperlich) nümm fit isch är wenn scho nie meh gseh sytt em 2013, wenn ich au nach am cupfinal nit dere meinig gseh bi. fyr mi zell dä offebar zentrali aspäggt dämphall nit ;-)

är het dr vrtrag im februar sälber vrlängeret, wie het dr BH gseit, nur är entscheidet, ob, wenn und wielang dass dr MED no schutte wott.

y ha eifach s'gfühl, dass hinter sym sinneswandel meh steggt, zB die ganzi entwicklig bym FCB, au dr trainer, au sini neui position. die isch absehbar gseh vor dr meischterfyyr. y glaub, är hät miese wüsse, was uff en zue kunnt! dr notfallschirm hätt är immer no vor em saisonänd miese zieh und adios saage. y glaub (und unterstell ihm jetzt eifach), dass är die woohre beweggründ vrschwiege het (wäxel vo dr fiehrig, neye trainer, konzäbbt jungi, positioon vom 6er etc.). und be allne emotioone (wo au ych kha ha), si ufftritt isch mr nit authentisch gseh, wie n y das vomene champ erwart sondern het ebe e touch pussylike dr aaschyyn gmacht.

bi gspannt, ob dr wicky jetzt dr fransson uff em 6er bringt...

mache mr nomol ein uff nostalgie am 10.08. wenn dr MED vrabschiedet wird ;-)

von maischter proper - am 04.08.2017 04:58

Re: Alles Fake News...

Maischter: Ich ha für eimol Insider-Wüsse mitgschnitte vo öppere, wo vor der offizielle Kommunikation mit em MED Kontakt gha het und guet mit ihm befründet isch. Zumindescht im Fründeskreis seit der MED genau s'gliiche wie an der PK.

Zuedäm kanni - uff extrem bescheidenen Niveau - sini Argumentation absolut nochvollzieh: Wenn de kei Füür me hesch, kasch nit 10 Mönet die sälber "zwinge" ans Limit zgoo. Denn muesch d'Rissleine zieh, das bringt denn niemerem.

Iiverstande bini absolut, dass es vill schöner gsii wär, wenner der Abgang durch die grossi Tüüre gnoo hät nachem Cupfinal, aber mänggmol isch me halt im Nochhinein gschiider.

von Lemieux - am 04.08.2017 06:40

Re: Alles Fake News...

denn isch jo alles beschtens. fyr mi befinde blybbt die sach eifach en enttüschig...

von maischter proper - am 04.08.2017 08:10

Re: Delgado => Interview in dr bz

[www.bzbasel.ch]

von Fanti - am 04.08.2017 10:25

Re: Delgado => Interview in dr bz

bekrefftigt mi be all mine usssage... pussylike

von maischter proper - am 04.08.2017 21:50

Re: Alles Fake News...

dasch au ok so. Goot mir ähnlich, aber i kann ihn trotzdäm verstoo.

von Lemieux - am 09.08.2017 07:11

Re: Delgado => Interview in dr bz

I find das Interview Klasse. Ehrlich und deckigsgliich und lot tief blicke. Me ka das "pussylike" finde, dasch denn aber e anders Bild vo der Wält. Ich finds schlicht schön, wenn me sich so au innere Zittig ka zeige. Eifach e geile Siech!

von Lemieux - am 09.08.2017 07:20
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.