Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
3
Erster Beitrag:
vor 4 Monaten
Letzter Beitrag:
vor 4 Monaten
Beteiligte Autoren:
Tschum, Fanti, Kopfschüttler

Matchreview

Startbeitrag von Kopfschüttler am 10.08.2017 20:31

Üüüüüüühhhh.... was isch denn daas wiider gsi?

Sensationelli 1. Halbzyt, wo me fascht (Betoonig uff fascht, s isch jo schliesslig GC gsi...) hätt könne Mitlaid ha, will unserne ALLES glunge isch und d Zircher zytewyys ussgseh hänn wie SChuelbuebe. Denn no e glungene Start in die zwait Halbzyt und schwupps, nach em erschte Ball uffs und ins Goal fascht no usenander keit.

Scho bitz schaad, wärde die guete erschte Halbzyte bislang durch Uffbauhilf in dr Zwaite driebt.

Ja nu... me waiss hoffentlig, wo me dra ka schaffe. Drey Punggt, näggscht bitte... ;-)

Antworten:

Ych glaub ych ha in mynere Karriere als FCB-Fan (und die goot scho bald emool 50 Joor... ;-)) no nie esoon e schwach GC gseh wie geschter. Nit emool bim legendääre 8:1 sinn die soo schlächt gsii. Aigetlig isch es e Armuetszygnis gääge soon e Gäägner numme 3:2 gwynne, e 5/6/7:0 wäär standesgemäss gsii. Aber ebe...

Laid doo het mer dr Vaclik. Är het usser aimool e Flangge underlauffe kai Fähler gmacht (will er jo au nyt z due ghaa het) und bikunnt drotzdäm zwai Kischte. Em Oberlin sett me no mitdaile dass er Mitspiiler het und nit ellai uff em Blatz stoot, sunscht gfallt mer dä. Und won er aimool abspiilt schaffts dr VW us rund 1,35m s lääre Gool NIT z dräffe :eek:. Erstuunlig dunggt mi dr Balanta; ych ha en scho als Fählyykauff abdoo, aber die Säsong spiilt er rächt stargg.

S Nochlosse in dr zwaite Halbzyt muess vom Staff analysiert und kritisiert wäärde, aber das wird jo sicher au gmacht. Sunscht stimmt mi dä Match in ainere Hiisischt positiv: Basel gwynnt so Gurggespiil wyterhin und YB verliert si immer no - zemindescht bis jetz...

von Fanti - am 11.08.2017 05:49
Ein merkwürdiger Abend gestern

Die ersten 70 Minuten war es gar kein Spiel, weil die zweite Mannschaft nicht mitspielte. Langweilig, obschon der FCB gut spielte.

Nachher machte GC plötzlich mit, es wurde spannend, aber auch etwas absurd. GC hatte im Ganzen zwei Schüsse neben das Tor und zwei auf das Tor, alle in den letzten 20 Minuten, und machten daraus zwei Tore. Warum? Viel Fortune, aber vor allem: GC hat unsere Spieler erfolgreich eingeschläfert.

Das Spiel des FCB gefällt mir sehr, aber noch ist es nicht stabil, Vereinzelte neigen zur Überheblichkeit (Elnyoussy), für andere (Verteidigung) war es verständlicherweise schwer, die Konzentration hoch zu halten, und Lang ist einfach noch nicht in die Gänge gekommen.

Es wird enorm spannend zu beobachten sein, wie sich dieses Team weiter entwickelt.

von Tschum - am 11.08.2017 20:16
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.