Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
21
Erster Beitrag:
vor 1 Monat, 1 Woche
Letzter Beitrag:
vor 1 Monat
Beteiligte Autoren:
Fanti, Kopfschüttler, Zuschauer, Tschum, Swiss_Rincewind

Baraasch

Startbeitrag von Fanti am 09.11.2017 08:40

Isch alles andere als e Sälbschtlaifer. Wichtig wär e Uswärtsgool, sunscht kennt us dääre Baraasch e Blamaasch wäärde...

Au wenn - nit numme fir mi - dr FCB um ainiges wichtiger isch als d Nati: e Dailnahm an dr WM dunggt mi scho no wärtvoll fir dr CH-Fuessball, dorum "Hopp Schwyz".

Antworten:

D Nordire hänn durch e stärggeri Grubbe miesse und sich guet behaauptet. Fir mi sinn si d Favorite.

von Kopfschüttler - am 09.11.2017 10:11
Stimmt, d Tscheche => mit Vaclik & Suchy! und d Norwääger => mit Nüssli! sinn um ainiges stärgger als Unglettandöer. Fir mi isch drotzdäm CH dr Favorit.

von Fanti - am 09.11.2017 11:09
Kein Tor zustandsgebracht, nur diesen erfundenen Penalty. Das bisschen, das ich vom Spiel sah, war schwach und langweilig.

von Tschum - am 09.11.2017 21:46
Ych ha ehrlig gsait au nur mit eme 3/4 Aug gluegt. In dr erschte Halbzyt hänn mi d Schwizer überlääge, aber nidd grad "brandgföhrlig" dunggt. Nachem Fiehrigsdräffer sinn d Nordire besser ins Spiil koh (oder unseri hänn sich zruggzooge).

Was ych aber sogar mit halb zuekniffenem schlächtem Aug gseh ha, isch dass daas nie im Lääbe e Penalty gsi isch...

Alles in allem e sehr guets Resultat fir s Ruggschpiil...

von Kopfschüttler - am 09.11.2017 21:57
Dr Penalty isch wirgglig kaine gsii, speeter aber hätt's aine sette gää (Liibli-Risse am Schär).

In Aabedracht vo dr schwache Laischtig vo de Nordiire froog ych mi wie die in iirer Gruppe hänn kenne Zwaite wäärde...

von Fanti - am 10.11.2017 06:50
Wär sträng gsi. Aber hätt me dä yberhaupt "dörfe" gäh?

S Liibli-Zupfe (und s allgemaine Duurenander im Stroofruum) isch m.E. no gsi, bevor dr Corner freygäh/erfolgt isch. Und falls doch noochhär: Är isch jo hinder dr Linie duure, also ins "out" und dermit kai verhindere von ere Goalchance.

von Kopfschüttler - am 10.11.2017 09:48
...kunnt au no druff aa eb dr Schär katholisch oder brotestantisch isch, das spiilt jo deert ääne durchus no e Rolle... ;-)

von Fanti - am 10.11.2017 12:29

Re: Baraasch - Ruggspiil

Git e kalti, winidigi und fiechti Sach. Doo hilft nummen eppis: dä doo im Flachmaa, Slaìnthe!



von Fanti - am 12.11.2017 13:31

Re: Baraasch - Ruggspiil

Gaili Sieche die Nordiire! :-)

von Fanti - am 12.11.2017 16:05

Re: Baraasch - Ruggspiil

Pause. CH schwach, uff em Raase und uff de Räng. Zemänd fahre mer wääg eme gschänggte Penalty an d WM - wäär saggpyynlig...

von Fanti - am 12.11.2017 17:52

Re: Baraasch - Ruggspiil

Ist sackpeinlich. Mit viel Glück und nur dank dem Fehlentscheid des Schiedsrichters qualifiziert.

Was für ein unsympathisches Team. Ich habe nur zweimal kurz reingeschaut. Ganz am Anfang fällt Lichtsteinen über die Beine eines Verteidigers (er könnte auch darüber springen), dann fällt er dramatisch, dreht sich einmal am Boden, dann stemmt er sich nochmals in die Luft und rollt noch zweimal. Italienische Schauspielkunst. Der Schiedsrichter gibt dem Iren die Gelbe. Zehn Minuten vor Schluss schaue ich wieder rein. Lichtsteinen rennt in einen Angreifer hinein, lässt sich fallen, hält sich so ziemlich alles, was man sich halten kann, gewinnt einen Faulfreistoss und jede Menge Zeit. So ein sonniger Kerl.

von Tschum - am 12.11.2017 18:57

Re: Baraasch - Ruggspiil

Rodriguez......lägg mir, dä Ball ha ych scho dinne gseh, mir sinn grad hinter däm Gool ghoggt in dr 6. Raihe Parkett. Ych waiss nit eb CH e Verlängerig "yberläbt" hätt.

Dr Bescht fir mi dr Akanaji; wenn dä so wytermacht und sich denn au an dr WM esoo bresentiert isch er im Summer ewägg. Am andere Ändi vo dr Skala dr Seferovic, soon e Pfyffe.

Aber s "Highlight" an dr ganze Sach sinn die nordiirische Fans gsii. Die hänn duuregsunge, sinn unglaublig sympathisch und luschtig gsii. Wo mer noch em Match yber d Gryzig zem 36er gloffe sinn het ys ain noch em andere gratuliert, au im Bus het's e baar ghaa wo uns d Hand gschyttlet und e scheeni WM gwunsche hänn. Saggstarggi Type!!!

P.S.: das mit dr scheene WM wird nyt wenn CH so schuttet wie hitte... :rolleyes:

von Fanti - am 12.11.2017 20:18

Re: Baraasch - Ruggspiil

Zitat
Fanti
Rodriguez......lägg mir, dä Ball ha ych scho dinne gseh, mir sinn grad hinter däm Gool ghoggt in dr 6. Raihe Parkett. Ych waiss nit eb CH e Verlängerig "yberläbt" hätt.

Dr Bescht fir mi dr Akanaji; wenn dä so wytermacht und sich denn au an dr WM esoo bresentiert isch er im Summer ewägg. Am andere Ändi vo dr Skala dr Seferovic, soon e Pfyffe.

Aber s "Highlight" an dr ganze Sach sinn die nordiirische Fans gsii. Die hänn duuregsunge, sinn unglaublig sympathisch und luschtig gsii. Wo mer noch em Match yber d Gryzig zem 36er gloffe sinn het ys ain noch em andere gratuliert, au im Bus het's e baar ghaa wo uns d Hand gschyttlet und e scheeni WM gwunsche hänn. Saggstarggi Type!!!

P.S.: das mit dr scheene WM wird nyt wenn CH so schuttet wie hitte... :rolleyes:



Het cheibe viel san galler im stadion gha, nöd? :rolleyes:

Mis highlight sind devinitiv d nordire gsi. Wenns e fangruppe verdient hetti, uf russland z fahre, denn die. Grosses kino. D schwizer uf de andere site e reini katastrophe. Scheissnatipublikum. Die beide flitzer hend mi wenigschtens amüsiert :D

von Zuschauer - am 13.11.2017 05:09

Re: Baraasch - Ruggspiil

Find jo dä Seferovic au e Pumpi, nit eerscht syt sim geschtrige Grottekigg. Aber aigeni Spiiler uspfyffe goot gaar nit.

Mi Frau und ych hänn die nordiirische Fans "hutnooch" mitbikoo. Mir sinn grad nääben Gäschteseggtor ghoggt, und au bi uns im B3 Parkett het's no rächt vyyl von ene ghaa. Wie scho gschriibe: Gaili Sieche, vor, während und nooch em Match! :spos:

von Fanti - am 13.11.2017 07:40

Re: Baraasch - Ruggspiil

Schwächer als d Laischtig vo dr Schwizer Nati in dr 2. Halbzyt isch nur s Verhalte vome Dail vom Publikum gsi. Ych hätt dr Herr Chancetod au scho lang vom Fäld gwünscht, aber die aigene Spiiler usspfiife isch e "no-go".

Aber kenne mir jo uss de Zyte vom Pipi jo no beschtens...

von Kopfschüttler - am 13.11.2017 09:02

Re: Baraasch - Italie nit derbyy!!!

Jä git's jetz vo dr WM18 kaini Panini-Bildli?!? :eek:

von Fanti - am 13.11.2017 21:55

Re: Baraasch - Italie nit derbyy!!!

Jetzt wird's drfür Påniny-Bildli gäh.:joke:

von Swiss_Rincewind - am 14.11.2017 05:56

Re: Baraasch - Italie nit derbyy!!!

...oder "Weggli-Helge"... ;-)

von Fanti - am 14.11.2017 06:45

Re: Baraasch - Ruggspiil

Zitat
Kopfschüttler
Schwächer als d Laischtig vo dr Schwizer Nati in dr 2. Halbzyt isch nur s Verhalte vome Dail vom Publikum gsi. Ych hätt dr Herr Chancetod au scho lang vom Fäld gwünscht, aber die aigene Spiiler usspfiife isch e "no-go".

Aber kenne mir jo uss de Zyte vom Pipi jo no beschtens...


jo, jo, das basler publikum. elend :rolleyes:


















:D

von Zuschauer - am 14.11.2017 20:05

Re: Baraasch - Ruggspiil



von Fanti - am 15.11.2017 07:00
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.