Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
13
Erster Beitrag:
vor 6 Monaten, 2 Wochen
Letzter Beitrag:
vor 6 Monaten, 1 Woche
Beteiligte Autoren:
Kopfschüttler, Fanti, RKB, Captain Sky, Mahatma, Tschum

CL Achtelsfinal

Startbeitrag von Kopfschüttler am 06.12.2017 09:12

Aifach dr Hammer, was dr FCB do wiider anezaubered hett! Nidd grad unbedingt, was dr geschtrig Match abedrifft, aber daas Abschniide in dr Grubbephase hätt ych nach em "turbulänte" Saisonstart so nie und nimmer erwartet. Chapeau!

Irgendwie spiilt dr glaini FCB immer wiider d Rolle, wo me friehner vo Rosenborg immer wiider mit Stuune hett dörfe zur Kenntnis näh. Toll, dass me immer wiider im Konzärt dörf mitschpiile. Und s sogar nidd nur immer e Triangel isch... ;-)

Wär waiss... wenn YB moll würd Maischter wärde und sich für d Championsleague qualifiziert, villicht....

....öhm... nai. Dasch denn scho bitz gar vyyl Science Fiction! :D

Antworten:

Toller FCB, auch gestern eine ganz starke Leistung!

Ich bin nicht einverstanden mit den Kommentaren, welche die Leistung nicht gut fanden. Dass Benfica viel Spielanteil und auch Chancen hatte, deutet nicht auf einen schwachen FCB, sondern eben auf die Stärke Benficas hin. Früher haben wir gesagt, dass der FCB gegen die Technik und das Spielverständnis von mediterranen Clubs und speziell von Portugiesen keine Chance habe. Man sah beides gestern bei Benfica - und trotzdem hat der FCB kein Tor zugelassen und zwei selbst geschossen, mit kluger Taktik und viel Können und selbstverständlich auch etwas Réussite (ich würde es nicht einmal Glück nennen). Es war eine sehr reife Leistung unter ausgesprochen schwierigen Bedingungen.

Besonders gefallen haben mir gestern Vaclik und Balanta. Sagenhaft, wieviele Bälle Balanta mit Vorpreschen holen geht, er ist damit ganz wichtig für das Basler Spiel. Dass er dabei viel Risiko nimmt und deshalb auch ein paar brenzlige Situationen entstehen, ist klar, aber wird eben vom neuen FCB in Kauf genommen, genau das macht die Stärke dieses FCB aus.

Aus Oberlin könnte wirklich ein ganz Grosser werden. Er probiert viel aus, viel misslingt dabei, aber wenn er dort etwas sicherer wird, dann wird er viele Möglichkeiten haben. So muss ein Junger spielen!

Ich bin begeistert - merkt man's?

von Tschum - am 06.12.2017 09:55
Yep, isch e yberraschend starggi Kampagne gsii. Vyllicht het's gnutzt dass me noch dr Usloosig im Gäägesatz zem Vorjohr nit gmaint het Rang 3 syyg sowieso scho gfixt. Es het aber au ewäng Glygg bruucht (z.B. 1. Halbzyt dehai gääge ManU) und e inferioors Benfica, ych ha glaub no nie soon e schwachi Laischtig von ere portugisische Mannschaft im Europagöp gseh.

Geschter isch's mer noch em 0:1 im Old Trafford scho ewäng gschmuuch woorde, um so greesser denn d Erlychterig noch em Gool vom Oberlin mit fascht glychzittige 1.1 im andere Match. Und noch em 2:1 deert isch aigetlig alles klar gsii. Dr "Sieger-Malt" het's aber drotzdäm eerscht noch em Schlusspfyff gää... ;-)

Ainzigs Ärgernis geschter: die Vollpföschte wo z Lissabon e Drämmli hänn miesse verschandle. Ych schämm mi fir uns derwääge, es sell jetz kaine koo und saage das syyg irgendwelchi Fankultur - hirnloose Schyssdrägg isch es! :mad:

von Fanti - am 06.12.2017 10:36
Zitat
Fanti
Ainzigs Ärgernis geschter: die Vollpföschte wo z Lissabon e Drämmli hänn miesse verschandle. Ych schämm mi fir uns derwääge, es sell jetz kaine koo und saage das syyg irgendwelchi Fankultur - hirnloose Schyssdrägg isch es! :mad:


also ich ha genau das welle sage: das isch doch gaili fankultur.... :p

Deppe halt.... au wenn ich sunscht viil verantwortig ha für dfans und ihri kultur. das verschtand ich nid....

übrigens: FCB -> kuuli sach, will unerwartet und gege gueti gegner.

ich persönlich hät aber lieber e früehlig in dr EL ka. das isch dr europagöpp für dr FCB..... CL isch nuume zuegoob und dr club vo de elitäre.... :angry:

von RKB - am 06.12.2017 13:03
verstehe, die EL gewinnen wäre auch mal schön ;) -
In dieser Saison braucht die Schweiz die Punkte sehr, für das ist die CL-Überwinterung wahrscheinlich ein Vorteil -
Ich wünsch mir Besiktas, da glaub Ich an ein weiterkommen.

von Mahatma - am 06.12.2017 14:27
Wie die Aktion zu bewerten ist, überlasse ich jedem selber. Man sollte dazu aber die Fakten kennen: Erstens ist kein Trämmli versprayt worden, das sind Fake-News. Zweitens gibt es auch andere versprayte Wagen. Diese dienen sogar als Postkarten Sujet. Die Lissabonner scheinen da einen entspannten Umgang zu haben.

Das wirkliche Ärgernis war die Einlasskontrolle und die Polizei beim Stadion. Ich kann ja verstehen, dass Basler-Fans gründlich kontrolliert werden. Dass man im Portemonnaie kontrolliert, ob man im Kartenfächlein hinter einer Kreditkarte oder der Coop Supercard eine Pyro-Fakel o.ä. versteckt hat, ist nur jedoch noch Schikane. Da fehlt es am Respekt gegenüber den Fans. Entsprechend muss da die UEFA eingreifen, will sie nicht jegliche Glaubwürdigkeit verlieren.

von Captain Sky - am 06.12.2017 21:04
Isch dr Helge wo ummegangen isch in däm Fall "Photoshop"? Jänu, sorry fir die falsche Vorwyrf, alles numme liebi Basler gsii deert unde. :rolleyes: ;-)

von Fanti - am 06.12.2017 22:42

Re: CL Achtelsfinal => Gäägner?

Sodeli, die meeglige Gäägner stehn fescht. D Wohrschyynlichkait dass mer en Ängländer zuegloost bikemme isch relativ gross - vyyl greesser als die vom Wyterkoo...

Ych dängg dr Achtelfinal isch d Ändstazioon. Eventuell e ganz glaini Chance gääb's gääge Roma und/oder Besiktas, wobyy ych d Türke gar nit yyschätze kaa. Nätt wäär wenn mer e Mannschaft zugloost bikoo wuurde wo mer no nie im Joggeli gseh hänn, vo däm häär fänd ych ManCity oder Besiktas no toll mit Vorliebi fir die eerscht Nennig.

Aber grundsätzlig isch's mer egal, ych lueg entspannt uff e Mäntig.

von Fanti - am 07.12.2017 07:27
Bi au bitz verwirrt, vorallem will ych no niene e "Dementi" gseh ha, dass daas Drämmli doch NIDD besprayt worde isch. Ha allerdings au nidd aktiv dernooch gsuecht. Won ych das Bild gseh ha, isch mir au durch dr Kopf gange, dass wenns vorhär scho rundumme besprayt gsi wär, die Akzioon no irgendwie tolerierbar isch, denn hett me s Drämmli im beschte Fall sogar no "uffghübscht".

Mehr als unnötig find ych perseenlig die Krawalltourischte. Wenn sich die im Umfäld vom FCB tummle, schaade si im Verain und de friidlige Fans. Die "Akzioon" mit de übertriibene Kontrolle isch aigentlig nidd richtig, wills zu 99,5% die falsche drifft. Aber sinn mir ehrlig. Wenn sich e au nur e glaine Dail vom FCB-Ahang e so präsentiert, ka me nidd erwarte, dass me denn bim Stadion mit Bliemli empfange wird. "Dir" hännd uns gnärvt, jetzt närve mir "Euch" halt au!".

von Kopfschüttler - am 07.12.2017 09:13

Re: CL Achtelsfinal => Gäägner?

Dr FCB miesst gege jedi Mannschaft zwai sehr gueti Dääg yzieh und drotzdäm glaub ych, wär in dr Gsamtabrächnig allefalls Besiktas in Rychwyti. Aber die bruuch ych nidd unbedingt im Joggeli.

So oder so doof, dass ai Match während dr Fasnacht wird si.

Underem Strich hann ych drumm mit dr CL-Kampagne scho bitz abgschlosse. Verringered d Freud über d Quali aber nicht im Mindeschte...

von Kopfschüttler - am 07.12.2017 10:43

Re: CL Achtelsfinal => Gäägner?

Zitat

So oder so doof, dass ai Match während dr Fasnacht wird si.


Ych dängg nit dass das bassiere wird. Basel spiilt jo zeerscht dehai, und ych kaa mer nit vorstelle dass d Behörde e March am 20. oder 21. Hornig 2018 im Joggeli zuelosse wäärde. Also isch's Haimspiil am 13. oder 14.02. und s Ruggspiil denn noch dr Fasnacht resp. am 6. oder 7. Meerz.

von Fanti - am 07.12.2017 12:05

Re: CL Achtelsfinal => Gäägner?

Zitat
Fanti
Zitat

So oder so doof, dass ai Match während dr Fasnacht wird si.


Ych dängg nit dass das bassiere wird. Basel spiilt jo zeerscht dehai, und ych kaa mer nit vorstelle dass d Behörde e March am 20. oder 21. Hornig 2018 im Joggeli zuelosse wäärde. Also isch's Haimspiil am 13. oder 14.02. und s Ruggspiil denn noch dr Fasnacht resp. am 6. oder 7. Meerz.


Stimmt, me spiilt jo gar nümm in dr glyyche Wuche... :D

von Kopfschüttler - am 07.12.2017 12:20
Zitat
RKB
Deppe halt.... au wenn ich sunscht viil verantwortig ha für dfans und ihri kultur. das verschtand ich nid....


ha jo aigentligg welle schribe "verständnis".... :joke:

von RKB - am 10.12.2017 11:23
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.