Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
26
Erster Beitrag:
vor 15 Jahren, 9 Monaten
Letzter Beitrag:
vor 15 Jahren, 9 Monaten
Beteiligte Autoren:
atzge, Razer, Kopfschüttler, plopp., Latteknaller, Faninho, Rhyfurz, Fanti, HIGHLANDER, Betty Bossi, Genki7, Mätzli

Poete-Outfit fyr d Maischterfiir!

Startbeitrag von atzge am 01.03.2002 11:24



Wämmer nidd emol aine uff Gerda Konzetti mache und uns e aige Outfit zuelegge,fyr die so wie's usseht unusswiichligi Maischterfiir?

I bi letscht Wuchenänd amene Geburtstag gsi und deerte hett me sich e Brülle sälber miesse verziere,was i denn au gmacht ha!S Motto derft nidd schwär z errote si.

Bingo!

I ha mir unter Bihilf vo aifachschte Mittel(e ussrangschierti Sunnebrülle,zwai FCB Kläber,zwai Trillerpfiffe mit Bäll dra im Wärt vo zwai Stützli und emene Zierbändli mit Baslerstäbli) e Unikat gschaffe wo erschtens schnäll und aifach gmacht gsi isch und no gröölig usseht.

Wämmer sowas produziere fyr e spezielle Daag im Mai?Das isch aigentlig lediglig e Bischpiel gsi,s ka jo au jede sini Idee verwirgglige,s wurd sicher gail usseh wenn mir deerte in somene Rudel täte Feschte und jede hätt irgendwas speziells uff dr Biire!

Was mained Ihr?

Antworten:

Sali Zämme

Ich weis ich "ghör" do zwar nit so dezue, aber döhnt Geil :)

Griessli

Razer a Friiik

von Razer - am 01.03.2002 11:27
aber bitte keine dieser tollen güllen-perücken in rotblau! :D

von plopp. - am 01.03.2002 11:30
Wieso gheersch do nidd derzue,bisch Ziiri-Fan? :rp:



von atzge - am 01.03.2002 11:31
Diggi Sach. Ich lütt grad emool dr Pipilotti Rist und em Aeschbi aa.

von Betty Bossi - am 01.03.2002 11:31
@Gerda Konfetti ;-) : Brrrrrr.... mir lauft's kalt dr Rugge ab, wenn-ych gseh, wie oft dä Maischtertitel (nidd dä vom Propper...) scho erwähnt wird und das scho Plän gschmiidet wärde *zitter*

Kamerad Schwungrad, ych färb mer sogar d'Hoor rotblau, wenn mer e Siegerparty könne starte. ABER YCH NIMM WEDER E FARB NO E SCHER NO SUNSCHT ÖBBIS IN D'HAND, BEVOR DR FCB NIDD UNYYHOLBAR UFF EM ERSCHTE PLATZ ISCH!


@Razer: Ych glaub jede, wo mit em nötige Aastand ka diskutiere, dörf sich do inne jederzyt zu Wort mälde... hänggt also vo jedem sälber ab, öb er "derzue ghört" oder nidd.

von Kopfschüttler - am 01.03.2002 11:41
Sehni so us :D unglaublich..


Das isch jo jetzt fascht e beleidigung sone forg :)

Bi FCB-FAN denk..

Griessli

Razer a Friiik

von Razer - am 01.03.2002 11:46
@Kopfschüttler


Schätzeli,bi wohl aine vo de greeschte Skebbtigger do inne,ha mi aber entschlosse d Flucht noch vorne azträtte,dorum isch mi Bischpiel au so ghalte das nidd d Matrialkeschte entschaidend sin,sondern d Umsetzig!D Individualidät durch s sälber gschtalte isch s entschaidende.Wenn denn tatsächlig dr FCB sott abgfange wärde uff dr Zielgrade,hesch nidd e Unmängi Flogge zem Fänschter ussgheit,gliich eppis aiges kreirt,und es wird au in dr neggschte Saison witterhin Maischterschaftsspiel gäh,wo me das Utensil kennt trage!

Aber de derfsch au gärn noch em letschte Maischterschaftsspiel erscht dätig wärde,das sell jede so handhabe wie Er/Es will.Mini Froog isch jo dahingehend gsi,dass me was macht,im Falle eines Falles,nidd wenn me was macht!



von atzge - am 01.03.2002 11:51
PSSSTT....PSSST, VERSCHREIE MERS NYT.......

von HIGHLANDER - am 01.03.2002 12:14
Joooo Myysli, isch mer scho klar...! :-)

Ych ha aifach s'Gfühl, dass d'Fuessballgötter em FCB e Bängel zwüsche d'Kickschueh könne wärfe, wenn si mergge, dass sogar e Skeptigger wie-n-ych gaaaaaanz laaaangsam s'kribbele bikunnt, dass es jo villichteventuellwärwaissmögliggerwyys doch wiider emolle mit-e-me Titel *pschhhhhht!!!* könnt klappe...!

Ych zwing mi drumm, zum dr Ball flach z'halte ;-) Sälbschtvertürligg wär ych im Falle eines Falles bi (fascht) jedem rotblaue Blödsinn derbi :D

In dämm Sinn: HOOOOOP FCB

von Kopfschüttler - am 01.03.2002 12:16
:cheers: ;-)

von Kopfschüttler - am 01.03.2002 12:17


Razer,anhand vo de Buechstabe wo de do inne zerscht zu Weerter,grad aschliessend denn zu Sätzli formsch,isch nidd erkennbar,wie de ussehsch.Sig froh!

Wenn de vo mine Teggscht ussgehend wurdsch uff mi Ussehe schliesse,denn guet Nacht!

Die Nickname losst uff e pfleggti Erschienig schliesse,kunnt druff a,wie me's ussleggt! ;-) Ämmel sicher besser rasiert als ich!

Belaidige,nai,das hättsch gmerggt wenn i das bezwäggt hätt,das kasch mer glaube!

Stichle hanni welle,das isch mer jo au glunge,wurd i maine!

Also,wenn de Bogg hesch,denn betailigsch di an dere Aggtion,wenn si denn z stand kunnt!



von atzge - am 01.03.2002 12:17
also dr Razer isch baar mol hinter mir gstande...das hanni erscht bemerkt wonni uff dr friiks-page e foti vo ihm gseh ha....mi errinert aer kli an samy deluxe ;)

von Genki7 - am 01.03.2002 12:28
Sali atzge..

Logo hani das bemerkt das de nur wotsch zickle :) Ich finds eifach e geili Idee wo de brocht hesch, aber denk wenns sowit kunnt das mr dr Pott in de Hànd hebe. Denn gits "Friiiks" Outfit.

E Griessli und e scheene no.. mues uf Kundschaft

Razer a Friiik

von Razer - am 01.03.2002 12:29


Wie sell i das verstoh?

:rp:



von atzge - am 01.03.2002 12:33

@genki

sali genki, oh erhabener fifa2002 gott!

wo du schon mal hier bist, kleine frage:

gibts in diesem vermaledeiten spiel (version ps2, ich weiss, du bist auf 'm petse am start) irgendwo unseren hakan yakin zu kaufen? ich krieg noch die krise, wenn der nicht in meiner mannschaft spielt! ;-)

von plopp. - am 01.03.2002 12:33
E verzierti Brille. Seht das nid e bitz noh "Cages aux Folles" uss ?

Das isch alles no so wyt ewägg. Y bi do abergläubisch.



von Mätzli - am 01.03.2002 12:55


"Cages aux Folles"

.....was würd bi uns beser passe? :D



von atzge - am 01.03.2002 12:57
D Idee an und fir sich isch guet, numme: ych schliess mi em Kopschüttler und den andere "Skeptigger" aa - es sinn no dryzää groooooooooossi Schritt bis zem Mätzblatz...



von Fanti - am 01.03.2002 13:13

..ab morn sins no zwelf!


Wie gsait,leehnd Eych nidd stresse,ich zieh mi Brülle morn scho a....! :D



von atzge - am 01.03.2002 13:20
Ha do scho sit guet 3 Johr e Planig wie ich umelauf nachem Sieg :) Aber ebe.. mol abwarte.. de Wind kha schnell dreihe


Griessli

Razer a Friiik

von Razer - am 01.03.2002 13:58
ich werde mir die gleich frisur wie christian gross machen und die haare rotblau färben ;-)



von Faninho - am 01.03.2002 14:00
Umgekehrt wär irgendwie glaubwürdiger... Oder reede-mer nidd vo de glyyche Hoor? :D

von Kopfschüttler - am 01.03.2002 14:03
Sali

Hehe sag doch nächstmol öpis, unglaublich :)

Griessli Razer a Friiik

von Razer - am 01.03.2002 14:05
wie het doch dr ZFDRSkommentator sacha ruefer emol so träffend gseit nach ere vrpasste goolchance:

" christian gross raufft sich die kopfhaut " :joke:

von Latteknaller - am 01.03.2002 14:13
hehe...gueti Idee! Und e Shört mit Uffdrugg drzue .... "La cage au folles oder mir Poete tigge anders...."



von Rhyfurz - am 04.03.2002 16:07
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.