Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
13
Erster Beitrag:
vor 16 Jahren, 2 Monaten
Letzter Beitrag:
vor 16 Jahren, 2 Monaten
Beteiligte Autoren:
Latteknaller, Rotblau, Kopfschüttler, Faninho, Viva la Grischa, Angelo, Locke

FCSG-FCB wie FC Lugano - LS

Startbeitrag von Rotblau am 07.03.2002 20:36

In der Vorrunde (August 2001) sorgte ein Kurzschluss im Spiel FC Lugano - Lausanne Sports bei Stande von 3:0 für einen vorzeitigen Spielabbruch. Dieser Match wurde neu angesetzt.
Daher würde nun ein Forfait-Sieg für den FC Basel die Gemüter noch mehr erhitzen.
Ich bin mehr für die Ehre des FCB als für einen geschenkten Titel und hoffe jetzt erst Recht auf eine Neuansetzung, auch wenn es sicher genügend Paragraphen gäbe, mit denen man einen Forfait-Entscheid rechtfertigen könnte.

Antworten:

Das Spiel wurde nicht wegen des Lichtausfalls abgebrochen, sondern weil das Spielfeld wegen des Gewitters nicht mehr bespielbar war.

PRO FORFAIT-SIEG

von Angelo - am 07.03.2002 22:41
richtig angelo, und das licht fiel wegen dem gewitter aus, also in diesem fall wäre es ganz klar höhere gewalt gewesen!

von Locke - am 08.03.2002 06:58
@ rotblau

Deine Aussage zeigt von Stärke. Auch wenn das Spiel in
St. Gallen wiederholt wird, war es eine Runde für den FCB.
Ist doch viel schöner, Meister zu werden und dabei die Antwort
auf dem Rasen zu geben als am grünen Tisch die Punkte zu
ergattern.

von Viva la Grischa - am 08.03.2002 08:21
..jo scho, nur wemmer denn (z.b. mit 2 pünkt rückstand) nid meischter wärde, sin MIR d'deppe vo dr nation, und nümme d'gülleratore ! alli wärde is usslache (au dr präsi müller), dass mr so blöd und sportlich gsi sin dä (fähl-)entscheid nid aazfächte (immer vorusgsetzt e widerholig wär e fählentscheid). das risiko will dr FCB wohrschiinlich nid iigoh, und halt d'reglemänt au no sälber überpriefe. legitim find ich.

von Latteknaller - am 08.03.2002 08:43

Ich wünsche mir eine würdige Meisterfeier oder keine

Wenn dr FCB in SG Forfait gwünnt und denn mit eim oder 2 Pünggt Vorschprung Meischter wird, blyb i dr Fiir um em Märtblatz färn.
Ab 3 Pünggt Vorschprung wäre denn wieder drby.

von Rotblau - am 08.03.2002 08:46

Re: Ich wünsche mir eine würdige Meisterfeier oder keine

2 pönkt länge rotblau, mer händ no de bonusponkt :D



von Faninho - am 08.03.2002 08:50

Re: Ich wünsche mir eine würdige Meisterfeier oder keine

..dä ziesch nie im läbe duure !!!

von Latteknaller - am 08.03.2002 08:51

Re: Ich wünsche mir eine würdige Meisterfeier oder keine

was isch gopferdeggel unwürdig dra, wenn mr e reglemäntskonforme forfait-sieg bechömme? het sich je emol e mannschaft gege so öppis gwehrt??? z.b. d'gülleratore gege sion?? ich glaub nid. sy hän sich au nid gege phantomgoal und sunschtigi fählentscheid gwehrt, im gegeteil, sy hän gseit mr sige schlächti vrlierer. do mien sy jetz bi däm fall uffpasse, dass sy nid sälber zum schlächte vrlierer wärde. jetz spickt mr denn wirklich dr nuggi uuse. dr FCB isch kai wohlfahrtsorganisation. wenns e wiederholigsspiel git, ok, wenn nid, sölle das die andere gfälligscht au akzeptiere, wie mir s au immer hän miesse. dammi ! fertig !

von Latteknaller - am 08.03.2002 08:57

Re: Ich wünsche mir eine würdige Meisterfeier oder keine

I weiss dass i so öbbis duureziäh!

I hoffe aber, dass diä Situation niä ydrifft.

von Rotblau - am 08.03.2002 08:59

Re: Ich wünsche mir eine würdige Meisterfeier oder keine

ergendwie muessi der haut scho rächt gä......

warte mer mou 15.00 ab!!



von Faninho - am 08.03.2002 09:05

Re: Ich wünsche mir eine würdige Meisterfeier oder keine

Take it easy! Bisch nidd dr ainzigg wo so dänggt.

Ych bi hundertprozäntig überzügt, dass wenn's um öbbis goht (und erfreuligerwyys goht's bim FCB daas Joor wirgligg um öbbis!!!) e Vordail wo är bikunnt, au animmt!

Bi dere ganze Diskussion schynt mir zwüscheduure immer wiider vergässe z'goh, dass dr FCB absolut gar nüdd für die Situation ka. Är isch dört gstande, berait gsi und hett welle schutte!

Und wenn das Spiil forfait gwärtet wird, isch das glyych forfait wie wenn dr Gegner für e baar Minute e falsche Spiiler uff em Fäld ka hett. Villicht mit em Unterschied, dass dört dr Match für dr noochfolgendi Sieger effektiv verloore gsi wär, was es für dr FCB no lang noonig gsi wär...!

Mir wär e 2:4 für dr FCB au wäsentligg lieber als e 0:3 forfait. Aber - falls es klappe sött - drotzdämm wäre mir nie "numme" wäge dämm Maischter (do bruuchts no e satti Azahl anderi Pünggtli), au wenn's die andere behaupte würde. Sorry, mir warte wirgligg scho lang uff dr Titel, drumm nähme-mer jetzt mit, was kunnt. "Es wärde kaini Gfangene gmacht" ;-)

von Kopfschüttler - am 08.03.2002 09:19

Re: Ich wünsche mir eine würdige Meisterfeier oder keine

Obe miesst's aigentligg haisse "...überzügt, dass JEDE VEREIN...

von Kopfschüttler - am 08.03.2002 09:20
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.