Diese Seite mit anderen teilen ...

Informationen zum Thema:
Forum:
Red Blue Devils Poeten Forum
Beiträge im Thema:
6
Erster Beitrag:
vor 15 Jahren, 7 Monaten
Letzter Beitrag:
vor 15 Jahren, 7 Monaten
Beteiligte Autoren:
grufty, Faninho, lugru, Locke

Gähn... guete Morge

Startbeitrag von grufty am 25.04.2002 06:33

Bi geschtert scho vor de füni im Neufäld gsi, do hets überhaupt no kai Igangskontrolle gä! Ha d'Ermine, dr Hakan, Beni und Harry troffe und spöter dr iträffende Mannschaft no mini beschte Wünsch uf dr Wäg gäh. S'Spiil han i vo dr Tribüne uus erfolgt, fascht hinter dr Basler Bangg, d'Sicht isch es bitzli dur e Stützpfiler diräggt vor mir igschrängt gsi, aber s'wichtigscht han i gseh! D'Mannschaft han i glaub no nie so schnäll seggle gse wie nach em taktisch guet glegte Abpfiff. Die drey Minute Nochspiilzyt hätte d'Fans nie duureghalte! Rotblau, di han i in däm Fall wohl au verewigt uf em Dächli umeklättere.
Herrlig spöter, wo d'Mannschaft unter dr Duschi gsi isch und Fans vo use innegschraue hän und d'Lüt d'inne mitgsunge hän.... E Höhepunggt isch gsi, dass i denn dr halbe Mannschaft no ha derfe s'Döbbli schüttle und gratuliere (nur uusgrächnet 'är' isch scho im Bus gsi; d'Romands verschwinde no schnäll...).
S'het mr denn no vor dr Mannschaft uf dr Seibi, oder wenigschtens an Rand, glängt. Interessanterwiis het me an dr Heuwoog no nüt von eme Fescht gmergt, aber je meh i um d'Kurve vo dr Staine und je nöcher an Seibi cho bi, denn het mes denn scho ghört! I glaub, grad ebe zur gliiche Zyt sin Zugfahrer iitroffe. Es isch e super Stimmig gsi, s'ainzig, won i schad gfunde ha isch, dass sie die Terrasse nit es bitzli hän chöne erhelle, damit me d'Spiiler au richtig gseh hät.
Spöter han i den no mit em Arno bim FCB-Bus gredet. I hoff, dass dä armi Kärli dr Bus nit no het miesse in dere Nacht putze! Anschiinend sin im Gross und em Cecca vo Fans, wo z'Bärn in Bus inne sin zum gratuliere, je e Täsche wägcho! E Schand! Als ainzige Poet han i den no dr Atzge bim Bus troffe. Leider han i usser em Chrättli und em Goofy vo niemerem s'Natel kha und ha Euch leider nit chönne träffe. Nach de ains isch dr Bus denn mit ainige wenige FCBler abgfahre, die meischte sin aber no ebis lenger bliibe.
Dehai han is denn nit chönne loh, no schnäll dr Schluss vo dr TV-Uufzaichnig azluege, und bis i ändlig ins Bett cho bi, isch fascht halb vieri gsi. I hoff, dass ihr äntwäder uusschloofe derfed oder kaini sandgstrahlte Auge händ!

I winsch allene e wunderscheene Daag und frey mi ungemain uf dr Samschtig!

Antworten:

Das tönt alles furchtbar trogge..... I bi immer no ineme komische Zuestand, won i mi freu, aber es chunnt nit richtig uuse. Vermuetlig goht mir die Zyt ab, wo alli andere Poete, wo schoo joorelang FCB-Fans sin, erläbt hän. Aber viilicht flip i jo au erscht am Samschtig so richtig uus, wenn i mit anderne zämme bi und nit allai.... Oder viilicht bin i au numme dr Typ, wo s'nit richtig cha uuselo... me wirds gseh...

von grufty - am 25.04.2002 07:00
das schönste ist die mannschaft am feiern zu sehen!!!!!!!!!!

so geil, wir haben 2 wochen um das ganze zu verarbeiten und können noch 3 mal feiern!!!!!!

von Faninho - am 25.04.2002 07:07
in basel herrscht diä nöggschte 2 wuche dr uusnahmesuestand, so z'saage 2 wuche fasnacht zmittzt im fryehlig...

so geil!!!

:cheers:

von Locke - am 25.04.2002 08:28
:D:D

mir persönlich gefällt DIESE fasnacht im frühling besser ;-)



von Faninho - am 25.04.2002 08:50
i hof sie maches mitem Liecht denn am 8. Mai besser uffem Märtplatz.
Wenn wiederemol ä Fackle zündet worde isch hät me zum Glück s'ganze besser gseh.



von lugru - am 25.04.2002 11:09
Zur Information:
MySnip.de hat keinen Einfluss auf die Inhalte der Beiträge. Bitte kontaktieren Sie den Administrator des Forums bei Problemen oder Löschforderungen über die Kontaktseite.
Falls die Kontaktaufnahme mit dem Administrator des Forums fehlschlägt, kontaktieren Sie uns bitte über die in unserem Impressum angegebenen Daten.